الموضوع: انطباعى عن النيسان الجديدة ( القديمة تحلى ولو ... )

المشاركة الأصلية كتبت بواسطة elsherif_2000

موتور 1500 99 حصان على وزن 1450 كيلو هاتبقى طلعتها بطيئه جدا

بس حلوة علي السرعات العالية و هتيجي ناس خبرة هنا تقول كدا

المشاركة الأصلية كتبت بواسطة khodiry

---

#ff0000[glow1=#00ff00]اخوانى اعضاء المنتدى الكرام بعد السلام عليكم [/glow1].... حبيت النهاردة بعد ماشفت السيارة النيسان الجديدة ووصلت بحمد الله وسلامته الى مجاهل الصعيد وربنا يسامح اللى كان السبب ـ المهم .... كان زوج اختى بيدور على عربية نيسان زى اللى معايا انا عندى صنى اوتو 2011 المهم كان منتظر بعض الامور المادية وكدة يعنى .... فوجئت بيه بيتصل بيا وبيقولى العربية النيسان الجديدة نزلت قنا وتعال علشان نشوفها وان شاء الله نخلص مع المعرض .... المهم قولتله جايلك ورحت شوفتها ..... ماعرفش انا قريت الموضوع اللى عامله العمدة على النيسان الجديدة واتحمست لها لدرجة انى فكرت ابيع اللى معايا واشوفها ... يعنى الشكل الجديد وكدة وعيش بأة .... لكن للاسف غيرت تفكيرى تماما واعرفش يمكن ناس كتير من القسم تخالفنى لكن كما اوضحت دة راى الشخصى وهيا العمليه طبعا ازواق مش اكتر بالنسبة للشكل يعنى .... اول مالفت انتباهى صغر حجمها من الامام ( الكبوت) بصراحة حسيت انى قدام عربية لادا او موتور السوزوكى السويفت القديم كدة ولما سالت قاللى على المعلومة اللى قالها احمد واللى مركزين هما عليها فى الاعلان انه رجع بالقنطرة باين ولا ايه كدة ... اللى هيا فى صدر العربية من قدام ... رجع بيها لورا شويه علشان عند الحوادث ماتتاثرش العربية بس معلش يعنى انا مش حااشترى عربية علشان السبب دة يعنى واستنى لما اعمل حادثة واقول الله العربية ماحصلهاش حاجة علشان الشكل الجديد رجعوا بالموتور ورا !!!!! تانى حاجة العربية مش عارف حاسسها ضيقة من جوا من قدام اما من ورا فبصراحة انا اندهشت من الوسع بتاع الكنبه ومش عارف ونفسى اعرف هما وسعوها ازاى مع الحفاظ على ابعاد العربية بالشكل دة فقلت يمكن اخدوا من الشنطة لكن فتحتها وبرضه ماحسيتش انها اكبر من اللى عندى وان كانوا بيقولوا كدة فى الاعلان ولا يمكن الشركة كانت معظم الشكاوى من ضيق الكنبه الورانيه فاول حاجة ركزوا عليها انهم يوسعوها ... بس زى ماقلت العربية ضيقه من الاجناب عن اللى عندى ... الصاجة باة يمكن مايختلفش كتير عن القديمة بس اخف ... موضوع الموتور الـ 1500 دة عيب فى العربية مش ميزة ابدا فى رايى وهانبقى نشوف قصة البنزين دى ... التابلوة فقير الى اقصى درجة واماكن التخزين مافيش ... اللمبه بتاعة الصالون اللى من قدام عاملة زى بتاعة اللمبات الجاز السهارى بتاعة زمان بصراحة خامتها وحشة جدا وايه اللى كان يمنع انها تتعمل كريستال مثلا وهو دة كتير على عربية اولها بسعر 96000 الف ؟؟؟؟؟؟؟؟؟؟ الميزة بتاعة المراوح اللى ورا للكرسى اللى من ورا شيء يعنى مش مبهر خالص لان تكييف الصنى اصلا على درجة واحد ـ وانا فى [glow1=#ff0000]قنا [/glow1]علشان يمكن محدش يعرف ايه قنا ... قنا يعنى الدنيا عندنا العادى 44 درجة ... الحر باة بيبقى .... بلاش احسن ـ زى ماقلت تكييف الصنى اصلا على درجة واحد مش بنستحمله اكتر من نص ساعة وكل الناس فى المنتدى عارفة ايه هو تكييف الصنى ... الكراسى احسن من القديم ... شويه مش قوى يعنى ... اما الكاوتش فبصراحة لما نقارن بين البريدجستون اللى نازل على الشكل القديم والماكسيس الصينى اللى على الجديد .... انتوا باة جاوبونى ومش هاتكلم على الشكل لانها ازواق زى ماقلت .... المهم زوج اختى بعد الفحص السريع دة وطبعا هو عارف القديمة وساقها منى اكتر من مرة ..... قرر انه يجيب الشكل القديم وطبعا لما عرف ان الشركة مستمرة فى الشكل القديم كان هايطير من الفرح ... طبعا دة وجه نظر شخصية بحته وماحدش يزعل منى انا قلت اللى حسيت بيه ووالله بحياد تام وبدون تحيز لعربيتى انا زى ماقلت كنت بافكر اغير ... لكن بصراحة الحمد لله على اللى معايا ومعلش اسف اللى طولت عليكم واتمنى الافادة لكل الاعضاء :b4_095::b4_095:

والله يا باشا انا شايف ان العربية واسعة ورا و قدام و الصني القديمو ماكنتش بعرف اقعد فيها ولا ورا ولا قدام اجسام بقي

بصراحة كل واحد حر فى رأيه الشخصى لكن لما نيجى نتكلم بصفة عامة عن الشكل الجديد هنلاقى انه عالج أكبر مشكلتين بالنسبه ليه ولناس كتير فى الشكل القديم وهما :
1- ضيق المسافة بين الكنبه الخلفية والكراسى الأماميه
2-أستهلاك البنزين المرتفع نسبيا بالنسبه للشكل القديم وطبعا غنى عن التعريف مشكلة البنزين فى مصر دلوقتى
3- أبعاد الموديل الجديد شايفة أفضل من الموديل القديم
4- بيقولوا الموتور الجديد ينتمى لفئه أكثر تكنولوجيا من الموديل القديم
5-منظومه الفرامل المتميزة abs-abd-ba
ويبقى فى النهايه تجربه السيارة فى الطرق المصريه الجميلة أللى توضح قيمة السيارة الفعلية والثقة فى أسم نيسان

مشكوررر علي نقل التجربة..
تحياتي

المشاركة الأصلية كتبت بواسطة y2y1500

انا مش عارف ازاى وزن الصنى الجديدة بالتقل ده كله 1450 على موتور 1500
مع ان القديمة n16 موتور 1600 المانيوال كانت 1100 كجم والاتوماتيك 1120 كجم
لأنى معايا دلوقت كيا سبورتاج وزنها فاضية 1457 وموتور 2400 اتوماتيك 6 سرعات
فيه حاجة مش مفهومة !!!!!

1450 كجم مليانة انما فاضية وزنها أتو 1029كم ومانويل 1015 كجم