:Bravo::Bravo::Bravo::Bravo::Bravo:
نفسى اعرف استهلاكها قد ايه نفسى اعرف ؟
على فكرة انا بدات اشوف العربيه دي في الشارع
وشكلها كويس في وسط العربيات التانيه
عشان انتو اكيد عارفين ان اي عربيه في المعرض شكلها وحجمها بيختلف لما تمشي في وسط عربيات تانيه
للرفع والتذكير للاعضاء الجدد
تقرير اكثر نت رائع مشكوريييييييييييييييييييي ييييييين
تقرير رائع ... انا حجزت العربية ومستني الاستلام
اولا دي اول مشاركه ليا في المنتدى , و انا اشتركت اساسا عشان بفكر اغير عربيتي ان شاء الله و كنت متحير بين الأكسنت rb و بين النيسان صني الجديده , في الاول بس انا عايز احيكم بشده على التقرير ده شخصيا - رغم ان اكيد سواقتي على قدها بالنسبه لكم - بس حسيت اني بقراء تقرير مش لواحد عايز يبيع بس تقرير لواحد بيحاول ينقلك الحقيقه بالظبط و يقولك ايه الكويس و ايه الوحش فبجد الف شكر على مجهودكم ده
ثانيا انا استفساري عن الأضافات اللي حضرتك كاتبها , انا شخصيا و رغم ان معظم اللي سألتهم سواء اصحاب او في جروبات ع الفيس او في المعارض نفسهم قالولي ان الصني افضل من ال rb بس حاجه واحده كل ما افتكر انها في الأكسنت و مش في الصني ببقى مضايق موضوع التحكم في نظام الصوت من عجله القياده انك ترد ع تليفونك و تتصل و كل ده من غير ما تمسك التليفون , انا معايا هيونداي اكسنت 99 بس جايب لها كاسيت بلوتوث فبعمل كل حاجه في التليفون و انا سايق من الكاسيت , هل في تعديل ممكن اعمله في العربيه عشان يبقي فيها بلوتوث بردو و لا ده صعب , الجنوط امرها سهل و اكيد ممكن تتعدل , لكن التاكيف و المالتي فانكشن و البلوتوث انا مش عارف بصراحه عربيتي اساسا مينفعش افكر معاها في الحاجات دي بس انا بسأل عن الصني هل ممكن بعد ما اشتريها ان شاء الله ابداء اعدل الحاجات دي حاجه حاجه من خلال الوكيل مثلا و لا صعب و لافضل اني اسيبها بحالتها كده ؟؟؟؟
والله لو حضرتك تقدر تستنى الهاى لاين يبقى أفضلك بيقولوا هتنزل فى شهر 10 ان شاء الله و هى فيها الطارة مالتى فانكشن و بولتوث و جنوط سبور
هو انا كده كده ان شاء الله هغير العربيه على اخر السنه فهتكون الهاي لاين نزلت , بس انا بسال لأن ممكن محبش كل الزيادات دي انا اللي يهمني البلوتوث او لو الطارة مالتي لنفس الأستخادم و بس عشان كده بسأل لأني ممكن اجيب العاديه و بعد كام شهر اغير لو ينفع اني اغير الطارة مثلا او اضيف بلوتوث , بصراحه ال 100000 سعر مناسب اوي بالنسبه ليا و مش عايز ادخل في شريحه اكبر من كده
مشكور على اهتمامك
:inlove:
تقرير رااااائع جدا بشكر كل التيم على هذا المجهود والواحد بصراحة بجانبكم بيحس انه ولا حاجة ومش عارف اخدم القسم بتاعنا فى شئ اشكركم بس برضه انا حاسس ان الشكل القديم ابن ناس قوى والى مركزه وحاسس ان الجديد حاجة كده زى التويوتا الياريس مشى حالك (طبعا مالكى الياريس حيزعلوا منى) عموما شوقتونى اروح واشوفها عن قرب اوعلى الأقل وهى واقفة فى المعرض
جزاكم الله كل خير جميعا وخلوا بالكم من مصر
( عاشت مصر عزيزة مكرمة بإذن الله )