الموضوع: مشكله فى فايده البنك

المشاركة الأصلية كتبت بواسطة beshomilan

فى حاجة متعلقة بفايده البنك

حطيت مبلغ فى بنك القاهره يوم 5/4/2012 تمام؟؟
جبت بشوف الرصيد الشهر ده اللى هو 6
لقيتهم نزلولى فايده شهر 5 بس ومفيش اى فايده لشهر 4
وكلمت خدمة العملاء قالولى ارجع للفرع وشوف وانا لسه مرحتش
فالكلام دلوقتى هل الفايده متنزلش فى الشهر المودع فيه المبلغ لان الشهر مش كامل؟؟ولا ايه؟؟

مش كل البنوك انا بتعامل مع بنك بى ان بى والفايده بتحسب من تانى يوم عمل لتاريخ الايداع النقدى

الفايدة = المبلغ*معدل الفايدة*المدة
بغض النظر عن التواريخ ياعنى لو عملت ايداع يوم 10 مثلا بمبلغ 1000ج والفايدة 10%
1000*10%*(20/30)

شكرا للردود الرائعة جدا
معنى كده ان كسر الشهر ملوش فايده ولا لازم اسأل واتأكد؟؟
المشكله ان الكول سنتر مش عارفين وانا مش فاضى انزل البنك خالص عشان الشغل ومش عارف اتأكد ازاى من الكلام ده
كلام استاذ محمد سليم ينطبق عليا
كلام استاذ حسام واستاذ ميدو قلقنى وخلانى عايز اسأل

مش عارف انهى الصح فكل ده
ياريت لو حد من زمايلنا شغال فالبنك او عميل عنده يفيدنا بشكل ادق
معقول البنك يكون ضاحك عليا؟؟؟معقول؟؟

المشاركة الأصلية كتبت بواسطة beshomilan

شكرا للردود الرائعة جدا
معنى كده ان كسر الشهر ملوش فايده ولا لازم اسأل واتأكد؟؟
المشكله ان الكول سنتر مش عارفين وانا مش فاضى انزل البنك خالص عشان الشغل ومش عارف اتأكد ازاى من الكلام ده
كلام استاذ محمد سليم ينطبق عليا
كلام استاذ حسام واستاذ ميدو قلقنى وخلانى عايز اسأل

مش عارف انهى الصح فكل ده
ياريت لو حد من زمايلنا شغال فالبنك او عميل عنده يفيدنا بشكل ادق
معقول البنك يكون ضاحك عليا؟؟؟معقول؟؟

اسأل لان مش كل البنوك بتطبق القاعده دى ومنها كمان البريد المصرى يحتسب العائد فى الشهر التالى للايداع راجع بنكك وشوف هو ماشى بأى طريقة حساب

اشكرك استاذى العزيز للرد
وانا فعلا شكلى هنزلهم واعرف منهم بس لو كان الكول سنتر كان فادنى كنت ارتحت وخلاص