الموضوع: استفسار عن السفر لشرم الشيخ

بص ياسيدى
عندك مواقع زى كوبون واوفرنا ودارين ديل ادخل اختار عروض الرحلات فى شرم والغردقه زى ما انت عايز
وعلى فكره ممتازين لانى جربت عروض من عندهم حلوه كتير
او كلم الاوتيل مباشره وهيحولك على السيلز واستفسر على التفاصيل
وبلاش سفر بالعربيه عشان الامان والطريق فظيع بجد
وميزانيه السفر تختلف لكذا عامل..زى
فندق 5 نجوم او 4 او 3
فطار وعشاء بس ولا فطار وغداء وعشاء
شامل رحلات داخليه وخارجيه ولا لا
شامل نقل من محطة السوبر جت او المطار ولا لا

بس ال 5 ايام دلوقتى الايام دى بتعمل فحدود 2500 لو فندق زى سافوى شرم الشيخ او جراند حياه طبعا دول 5 نجوم فطار وعشاء بس
لو فندق 4 نجوم تعمل 1500 بالفطار والغداء والعشاء
ولازم تحجز قبل ماتسافر عشان متدبسش وتدفع كتير اوى لو انت روحت من غير حجز
وكمان فيه مواسم سعر الفنادق فيها بيعلى ومواسم بيوطى فيها زى الصيف وشهر 12 و 1 دول بيكونوا غاليين عدا كده الاسعار بتنزل بس مش اوى ولو منزلتش بتاخد عروض جوه الحجز بتاعك
انا كنت شغال فى سافوى شرم قبل كده ف ملم بالدنيا شويه
وكنت شغال كمان فشركة سياحة فبقولك ابعد عن الوسيط اللى هى شركات السياحة لانها بتاخد نسبه منك فوق السعر الاصلى