الموضوع: لو رجع الزمن هتشترى مازدا3 ؟

نعممممممممممممممممممممممم ممممممممممممممممممممممممم مممممممممم

انا معييش مازدا بس هي تحفه في كل حاجه

الا قطع الغيار غاليه

المشاركة الأصلية كتبت بواسطة monamize4

بص ياباشا انا مامعيش العربيتين بس واضح ان حضرتك بتفكر تشترى,,, فا لو بتفكر تشترى الشكل القديم (دى مع واحد صحبى) و هى عربية حلوة بس عيبها انها شكل قديم اما بالنسبة للشكل الجديد انا كنت بفكر اشترية و دورت كويس و حاليا غيرت الفكرة تماما لانها عربية ماتستهالش سعرها خالص الصراحة عربية زفت( شركة مازدا المفروض تقفل ف مصر) العربية رغم شكلها و ثباتها الا ان العيوب بالكوم(زى الجين 2 بالظبط بس ف فئة اعلى) باختصار العربية ماتنفعش مع مجتمعنا

ممكن بس حضرتك تقول العيوب الى لقيتها فى المازدا الشكل الجديد ؟؟؟؟
وسعرها ؟؟؟؟ الى اعرفة ان سعرها 154 الف دة كدة كتير على عربية يابانى وفى اعتمادية المازدا ؟؟؟
لما اللانسر و الالنترا 157 الف ؟؟؟؟ كل دول يستهلو سعرهم والمازدا الى بقت سعرها مبالغ فية

الشكل القديم بتاع المازدا الى حضرتك بتقول علية قديم مع ان دى اذواق من احسن اشكال العربيات لحد 2012

حضرتك مع احترامى التام ليك المازدا محتاجة شعب يقدرها مش شعب يتعامل معاها على انها ركوبة والسلام !!!!!!

حضرتك عايز تتمتع بركوبة عربية لا تقل فى ادائها عن الالمانى يبقى مازدا و هوندا

انما لو حضرتك عايز وسيلة انتقال وكماليات يبقى اهلن ومرحبا بيك فى كوريا ومنتجاتها

المازدا عربية لا يعبها شى سوء ارتفاح سعر قطع الغيار الاصلية فقط

وحاليا متوافر لها قطع غيار تيوانى وكورى وكل واحد حر فى اختيارتة من قطع الغيار

ارجو من حضرتك توضيح العيوب الى بالكوم الموجودة فى المازدا وشكرا لحضرتك

المشاركة الأصلية كتبت بواسطة monamize4

بص ياباشا اولا انا بحترم رايك لان واضح ان حضرتك معاك العربية و اى حد معاه عربية غالبا بيشوفها احسن من اى حاجة تانى
ثانيا بالنسبة للشكل القديم حضرتك لو ركزت شوية هتلاقى انى انا كنت كاتب "هى عربية حلوة بس عيبها انها شكل قديم" يعنى انا بقدر الشكل القديم بتاعها بس حضرتك ماتنساش ان الشركة لما بتنزل عربية جديدة بتحس ان القديمة فقدت تميزها و فى ناس ماتحبش تركب الا احدث موديل حتى لو مستعمل
ثالثا بالنسبة لعيوب الجديدة خد عندك
1- العربية واطية جدا يعنى لما كنا بنبقا راكبين 3 ف العربية غير السواق و نيجى ناخد مطب محترم كان ال2 اللى ورا بينزلوا (الكلام دا ف القديمة ولان العربيتين واحد مجرد فيس ليفت فالكلام دا هتلاقية ف الجديدة) طبعا حضرتك هتقولى اصل العيب ف المطبات اللى ف بلدنا هقولك عشان كدة انا كنت كاتب ف المشاركة الاصلية "باختصار العربية ماتنفعش مع مجتمعنا"
2- استهلاك بنزين بشكل غريب و خصوصا ف الاوتو و الكلام دا من كذا واحد معاه العربية
3- العربية ضيقة من ورا يعنى لو هيركب تلاتة هيبقوا مزنوقين دا غير ان مساحة الدخول صغيرة هنقول يمكن عشان دى عربية شبابى مش عائلية(انا ما قولتش رياضية لانها مش رياضية)
4- العربية 4 سرعات (الاوتو) و دا عيب ملحوظ عشان مش بيطلع العزم كامل عشان كدة سحبها مش فظيع زى ما بيوحى شكلها (مش مصدقنى روح شد مع واحد معهاه النترا اللى مش عجباك و شوف ) يعنى العربية لا حصلت شبابى و لا عائلى
5- قطع الغيار غالية و مش منتشرة للدرجة
6- الوكيل مش قد كدة (زية زى معظم التوكيلات)
ملحوظة : رقم 1 و2 من العيوب القاتلة ف بلدنا
المميزات عشان ننصف العربية
1-شكل ممتاز خطوط مش مبالغ فيها لكن بتدى ايحاء بالقوة
2- ثبات ممتاز محدش يقدر يختلف علية
3- اوبشنز كويسة بس ف الهاى لاين بس
"المازدا محتاجة شعب يقدرها مش شعب يتعامل معاها على انها ركوبة والسلام !!!!!!"
تقدير العربية بيرجع للشخص مش للعربية يعنى فى واحد بيشترى المانى و مش بيحافظ علية وفى واحد بيشترى حاجات تانى اقل بكتر بس بيحافظ عليها
خلاصة الكلام انا شايف ان العربية دى سعرها مش مناسب و دا راى الشخصى المبنى على ارقام مش عواطف !!!!!!!!!!!!!!!!!!!!!!!!!!!!
حضرتك دى تالت سنة للعربية ف مصر(من 2010) و ماحققتش نجاح ملحوظ يعنى لو حضرتك بتسافر كتير مش هتلاقيها منتشرة غير اسكندرية و القاهرة (اكتر اماكن)
الكلام دا كله مش معناه ان باقى العربيات حققت مبدا السعر مقابل القيمة
اسف ع الاطالة بس انا حسيت ان حضرتك واخد الموضوع ع اعصابك شوية فا حبيت اوضحلك وجهة نظرى بالظبط و لو حضرتك شايف ان كلامى فى حاجة غلط اتفضل صححلى

انا هرد على حضرتك نقطة نقطة :
1- العربية واطية جدا زى ما حضرتك بتقول فى حالة الجنط 15 فقط فى حالة الجنط 16 مع الحمولة الكاملة فقط ممكن تحك وممكن لا على حسب المطب وسرعة العربية وهية بتعدية فى حالة الجنط 17
العربية استحالة تحك فى المطبات وفى حاجة تانية عايز اوضحها لحضرتك العربية لما بتحك مش بتحك بجسم العربية حضرتك ارفع العربية من تحت هتلاقى ان اوطى مكان فى العربية هو الى بيحك الى هو تحت العتب بس يعنى الحك دة كلة ما هو الا صوت فقط

2-استهلاك البنزين : حضرتك بتتكلم عن عربية twin Cam يعنى موتور عفى فى اكيد هياكل بنزين عن الموتور الكامة واحدة ثانيا نيجى لاستهلاك البنزبن فى الظروف القياسية وعدم الشد و الذى منة
استهلاك العربية بيكون ( litre/100km ( 10.49km/litre يعنى تقريبا اللتر بيعمل 9.5 كيلو ودة معتقدش انة كتير

3- العربية مريحة جدا جدا فى القعدة متعبة فى الدخول نظرا لصغر حجم الباب الخلفى لاكنها مريحة جدا يعنى محدش هيبقى قاعد ورة مضايق الكلام دة عن الشكل القديم والى اعرفة ان الشكل الجديد اوسع

4-انا مع حضرتك جرب تشد مع بتاع الالنترا الى مفروض ان ماتورة 130 حصان الشكل الجديد وعدو انتو ال 2 ال 100 وشوف ميين هيعدى ميين هو هيفرق فى الطلعة بس على السرعات تجميع المازدا حلو اوى برضو

5-قطع الغيار غالية بس معمرة وزى ما قولت لحضرتك الى يفكر يركب عربية كاملة كورى مش هتفرق معاة انو يجيب قكع غيار مش يابانى والاسعار متفاوتة تبقى نقطة عدم الانتشار متفع مع حضرتك عليها

6-الوكيل زى الزفت وحرامى ومعندوش اى حاجة ولا اى حد فاهم ولا و ولا ولا انا مع حضرتك فى اى نقطة تتكلم فيها عن التوكيل

7-سبب عدم انتشار المازدا الى حضرتك بتوضح انة عيب انا شايفة انة ميزة لكل الناس الى بتحب التميز
والسبب الاكبر لعدم انتشار المازدا فى مصر هو ثقافة الشعب المصرى وليس اكتر فى مثل بيقال على العربيات المازدا " المازدا فاسدة ولو جديدة " اراهن ان 80 % من الى بيقول المثل دة ميعرفش لية المازدا فاسدة ولا اى حاجة عن العربية اصلا بس هو سمع معرفش فولان بيقول كدة راح رايح قال لعلان وهكذا

وانا مش واخد الموضوع على اعصابى ولا حاجة حضرتك انا بس بقول كلمة حق فى العربية دى لا اكتر ولا اقل