الموضوع: منتهى الحيرة اجيب جين 2 ولا لا؟

بص ياباشا دا موضوع مكرر اوى و الناس اختلفت عليه كتير و مشكلة الجين 2 ان محدش كان راية وسط الناس يا اما تشكر فيها جدا يا اما تخسف بيها الارض بس احب اقولك ان انا كنت عايز اشتريها و كنت منبهر بيها جدا عشان شكلها, المهم دورت تقريبا ف كل المنتديات و سالت و الكلام دا و كمان واحد صاحبى اشترى برسونا قبل ما انا اشترى وواحد تانى اشترى جين 2 ,,المهم ان كل اللى كنت بسمعة عن العربية حقيقى
المميزات: شكل احسن من ممتاز و دا يفرق معايا جدا - ثبات رهيب تجيب 150 و انت مطمن
العيوب: استهلاك بنزين غبى تعتبر هى و المازدا من اكتر العربيات ال1.6 اللى بتستهلك بنزين
قطع غيار غالية - توكيل سئ - العربية من جوة بلاستك ردئ - صوت الماتور عالى بس الشركة عاملة القصة دى عشان تديها طابع رياضى بس النتيجة لو انت مسافر هتلاقى نفسك صدعت - تقفيل العربية مش اد كدة يعنى عادى جدا ان السنتر لوك يعلق او الانذار و و و(الحاجات دى بسيطة بس فعلا بتزهق) - الاوبشنز قليل
الخلاصة لو انت بتسافر فهى انسب حاجة ليك بالسعر دا عشان الثبات و كدا كدا استهلاك البنزين بيقل ع الطريق السريع اما لو انت جوة البلد فا نصيحة هات اى حاجة تانى تريحك و خصوصا ف ازمة البنزين اللى احنا فيها عندك النترا الشكل القديم او اكسنت rb او لانسر بومة بس طبعا العربيات دى اغلى شوية بس هتريحك و قطع غيارها عند السوبر ماركت

ياباشا الانترا الشكل القديم موجودة ف معارض كتير و خصوصا 2011 (الشكل السبور) بس مشكلتها انها فوق ال100 الف فاياريت حضرتك تشوف حاجة كسر زيرو احسن لو الميزانية ماتسمحش فابريكا - نتائج بحث السيارات الجديدة

مش هاعلق على حتة البنزين إلا أن طريقة السواقة بتفرق كتير ..... معايا أستهلاكها كويس .
فعلا طريقة السواقة بتفرق بس ف الجين2 مشكلة العربية ان مافيهاش eco-drive الrpm بعد 3 بيبقى استهلاك العربية فظيع ماهو مش معقول عمرك ماهتجري بيها (ماتنساش ان دى عربية شباب) و بعدين احيانا الواحد بيحب بعمل غرز او يشد مع حد !!!!!!!!!
حرام على حضرتك تقول حاجة أنت مش مجربها أنا سفرياتي بالعربية كتير و مش بصدع و مش بسمع صوت الموتور أصلا طول ما الزجاج مقفول إلا الصوت العادي اللي تسمعه في أي عربية في الدنيا .... صوت الموتور عادي و بيعلي بعد أر بي أم 3000 و لكنه لا يصدع و لا يضايق و زيه زي صوت أي موتور تاني .
حضرتك انا سافرت مع صحبى قبل كدة و عارف انا بقول اية و اكيد يعنى حضرتك ركبت المانى جديد و عارف يعنى اية موتور هادى و عزل كويس (مبتبقاش حاسس ان العربية شغالة)
لأوبشنرز قليل ؟؟؟؟
طيب ممكن أعرف أيه اللي ناقص في الأوبشنز
كاسيت سي دي ...... مرايات تعديل كهربا ....... دريسكيون بيتم تعديله حسب طول السواق ----- أربعة زجاج كهرباء - حساسات ركن خلفي - أربعة ضوء شبورة - تكييف - سنتر لوك - نظام حماية أموبوليزر - العربية بتنزل بجنوط مقاس 15 مش حديد - مالتي فانكشن في طارة السواق
و أنظمة الأمان كالتالي
فرامل abs - ebd
أثنين وسائد هوائية
شداد للموتور (لزيادة الثبات )
هو حضرتك بتحسب ال(كاسيت سي دي ...... مرايات تعديل كهربا ....... دريسكيون بيتم تعديله حسب طول السواق ----- أربعة زجاج كهرباء ....تكييف - سنتر لوك - نظام حماية)اوبشنز ف عربية زيرو 2012!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!
فين اشارات المرايا و كمبيوتر الرحلات و الفتيس الستب ترونك و ما يكونش اربع نقلات و الزينون aux usb bluetooth فتحة سقف فرش جلد سمارت كى (اكيد مش هيبقى كل دا موجود ع السعر دا بس ع الاقل حاجتين تلاتة يعنى ثم ان العربية كان المفروض ينزل منها هاى لاين غير الf/o بسعر اغلى شوية و فيها كل الاوبشنز دى)
لاحظ ان انا ماقولتش حاجات زى ال(مرايات الضم و تكييف dual zone و كمبيوتر مراقبة السيارة او start engine) عشان ماتقوليش الكلام دا كان زود سعر العربية اوى
و اخيرا ها احب اقول نفس الكلام اللى انا كتبته ف نهاية المشاركة الاصلية
ان العربية دى ثابتة جدا فهى مناسبة للسفر لكن جوة البلد مش هتنفع عشان البنزين عالى