عمرة لية كل دة بسبب اللمبة انا كنت فاكر بسبب الزيت او كبيرها طلمبة الزيت
ياريت حد يقلي
عرض للطباعة
عمرة لية كل دة بسبب اللمبة انا كنت فاكر بسبب الزيت او كبيرها طلمبة الزيت
ياريت حد يقلي
عمرة لية بس دنا كنت فاكر اني كبيرها طلمبة الزيت ياريت حد يفدني
اعمل بس اللى الراجل قلك علية
وشوف الدنيا هتبقى عاملة ايه معاك
اكشف علي ساعة الزيت وغيرها
اعمل فلش للزيت
غير الزيت القديم
غير الفلتر
احكم بعد كده علي المحرك
قدر الله وماشاء فعل
- اكتشفت ان العربية الشكمان بيدخن سودا جامده
- بتاكل بنزين
-الماتور بيرزع
-السحب ضعيف في الاول
طبعا قالي طقم شنبر وواحد تاني عمرة بس ال3مكانيكيا نصحوني بماتور استيراد اوفر
واحدقال طقم شنبر ومصنعية 1500ج وماتور كامل بدون فتيس بالرشاشات 2500ج غير المصنعية
وتاني قالي من 1000الي1200 طقم الشنبر بالمصنعية والماتور فاضي من غير رشاشات قال مش هيزيد عن الفين ومصنعية 400
ياريت لو حد يعرف:
-العربية تمشيني اد اية وحافظ عليها ازاي لحد مغير الماتور
-سعر الماتور كام بفتيس ومن غير فتيس
ملحوظة:
انا لسة شاري العربية من شهر في اختلاف في الاراء ناس تقول الماتور اصلا كان عايز عمرة مع ان صوتة مكنش باين وناس تقول عشان اانا مشيت علي لمبة الزيت وهيا ولعه مع اني كنت فاكرها معلقة عشان كنت مغير زيت وفلتر
ياريت طبعا نصحتكم وشكرا لكل من افدني
اتكل على الله وغير الموتور
اسف علي التاخير في الرد بس الواحد كان مشغول باحوال البلد والحمدلله ..بص ياسيدي بقي ..النهايات الكبري ونهايات البيلات هي بنوز الكرنك او بالبلدي نقطة التقاء عامود توصيل (البيل)المكبس وعامود نقل الحركة الرئيسي للمحرك (الكرنك) والنهايات الكبري هي كراسي الكرنك اومحاور تحميل عامود المرفق(الكرنك) بجسم الموتور وكل المحاور السابق ذكرها بيكون فيها سبيكة مزدوجة (صلب مصبوب فية سبيكة من النحاس والقصدير )لتسهيل الحركة الدورانية لعامود المرفق(الكرنك) باقل قدر ممكن من الاحتكاك للحفاظ علية من التاكل وبيكون فية مخدة رقيقة من الزيت لتقليل الاحتكاك وتبريد البنز مع كتر الاستخدام وطول عمر التشغيل بيحدث بري بالسبيكة وبيزيد الخلوص ويبداء الزيت في الهروب من السبيكة وبالتالي بيزداد معامل الاحتكاك والحرارة المتولدة الي ان تصل في حالات الاهمال الي انصهار السبيكة والتي تمنع بدورها الزيت من الوصول الي المكبس لتبريدة كذلك جدران الاسطوانة وبالتالي قفش المحرك والترزيع وفي الحالة دي بيتفك الموتور ويتخرط الكرنك ويقاس مدي الضرر للاسطوانة (الشميز) ولو بيحتاج خراطة بيتخرط للمقاس القياسي الاكبر وتتغير السبايك (العمرة) وربنا يكفينا جميعا الشر
نيجي لحالتك وطالما انك عرضت الموضوع علي اكتر من ميكانيكي والرجالة عمالة تجيب رجلك وانت لسة شاري العربية بالحالة دي يبقي اقترح عليك انك تجيب موتور بفتيسة استيراد افضل ويبقي بخيرة حتي لو بعد فترة احتاج تغير طقم شنبر هيبقي افض من موتور اتلعب فية وعمرة التشغيلي عدي ال200000كم كذلك الحال للفيتيس اكيد هيبقي فية مشاكل هتبان بعد شوية وتبقي قرفت من ابو العربية من كتر الاصلاح
فطالما انت لسة شاريها وناوي تخليها معاك اتوكل علي الله واشتري موتور استيراد بالفيتيس هيكون في حدود 3000-3200 وتسقيطة250 اخري وريح نفسك واستمتع بيها بس ابقي خلي بالك من مواعيدتغيير الزيت ونوعيتة واستخدم ديما زيت متعدد الدرجات مش احادي الدرجة وطمنا
ابداء بالحلول الاسهل و الارخص
يعنى غير ساعة الزيت و حط زيت كويس مع فلتر زيت جديد و يفضل تستعمل فلش
المشكلة متحلتش يبقى غير طلمبة الزيت و شوف الدنيا فيها ايه
لو نفس المشكلة موجودة يبقى المشكلة عندك زى ما شرحها kaza
MMamdouh
انا كان عندي كدة غيرت الساعة و فضل نفس العيب و قالوا طلمبة
http://horta.ulb.ac.be/gvg/tractions...s/IMG_6694.JPG
تصميم جلب نحاس يحافظ على الزيت لبنوز البستم والبيلات