أيهما أفضل الانسر 2012 زيرو أم فلونس 2011 استعمال

**Dr'AhmZZong** · 24-06-2012 03:10 AM

فلونس احسن في كل حاجة ماعدا قطع الغيار الغالية .. التكييف

**ayman1204** · 27-06-2012 05:17 PM

رينو فلوانس من غير كلام

**omskmaher** · 27-06-2012 05:48 PM

فلوانس لاسباب كتتتير عربيه اروبى محترمه وفخامه واعتماديه والله اعلم

**mmmi_2005** · 29-06-2012 02:40 PM

المشاركة الأصلية كتبت بواسطة yalahwy2010

فلوانس وبدون تفكير
وبصراحة الفلوانس فئة واللانسر فئة تانية خالص
دى ركوبة والفلوانس ركوبة مختلفة خالص
الفلوانس يعنى : -
راحة فى الركوب
باور ناعم جدا
وسع مالوش حل
فراااامل مافيش زيها فى أى عربية تانية
كماليات وأوبشنز مالهاش حصر
توكيل منتشر ومعاملة محترمة وممتاز جدا
ثبات فى الطريق وعفشة ناعمة وعزل جامد جدا

عيوبها بقى:
طارة الدريكسيون بتقشر بعد سنة ونص من الاستعمال (بس بتتغير فى الضمان)
جلد المساحات مش كويس وغالى فى التوكيل ....بس بيتباع برة التوكيل ب 50 جنيه وشغال تمام
عوامة البنزين كان فيها عيب صناعة (مؤشر البنزين ما بيديش مستوى مظبوط للى موجود فى التنك) ...والتوكيل بيغيره فى الضمان
السحب مش زى اليابانى ....تقيلة شوية ....بس أحسن من الفانتازيا ...وأقل من اللانسر والكورولا.......بس على السرعات العالية ....هى بتجمع أحسن من اليابانى
التكييف مش حلو زى اليابانى ......ودا طبيعى فى كل الاوروبى ....واليابانى ممتاز فى تكييفه
بالنسبة لقطع الغيار.....انا شايف انها مش غالية زى ما الناس بتقول.....بالعكس هى أرخص من السيفك.....ومعمرة...

انا من تجربتى للانسر والسيفك والفلوانس والفانتازيا....أقدر أقولك ان اليابانى (موتور ناعم وتكييف ممتاز) - الأوروبى (عفشة وعزل وراحة فى الركوب وفرامل ممتازة وثبات)

وتقديرى الشخصى ان الفلوانس صفقة رابحة بشتى المقاييس....واللى يجربها ويقارن بينها وبين أى عربية تانية هيعؤف انا قصدى ايه

مشكور علي الرد ولاكن ليا كام سؤال

هل يوجد سيارات رينو فلوانس Fluence جديدة خليجي في مصر ؟

لو موجودة ايه هي اسعارها بالمقارنه بالمصريه ؟

أماكن بيعها ؟ يفضل بالاسكندريه

ما هو الفارق بين الخليجي و المصري ؟ انا علي حد علمي أن الفلونس الخليجي بتنزل 1600 أو 2000 سي سي علي حسب الطلب الموتور مش رينو المتور من شركه نيسان الجيربوكس CVT غير بسيط في الشبكه الاماميه

السيارة الخليجي

السيارة المصريه

**Ghosts** · 29-06-2012 02:53 PM

المشاركة الأصلية كتبت بواسطة mazher_m

اولا بالنسبه لسعر عربيتك ده بيبقي حسب الحاله واسعار سوق المستعمل وقت وظروف البيع
علي حسب كلامك انها فابريقه اعتقد ممكن تكون 70 اقل او اعلي وممكن يكون التقيم ده مش صحيح
ثانيا لو هتغير ل فلوانس هي افخم واوبشن اعلي من الانسر وهتحس انك ركبت حاجه اعلي
لكن بالنسبه للاءداء هتحس ان الانسر متجوبه معاك اسرع بمعني ان الفلوانس اتقل
وبالنسبه للمصروف الفلونس اعلي بكتير من الانسرطبعا سعر اعاده البيع انت مش هتشتري زيرو فاكيد هتشتري بسعر كويس ولو فكرت تبيع مش هتخسر كتير
لو غيرت ل لانسر 2012 يبقي معملتش حاجه مجرد تغير سنه صنع
لو مش مقتنع تماما بالفلوانس فكر في فانتازيا 2009 او 2010
ارجو اني اكون افادتك
تقبل مروري

+1

**Ghosts** · 29-06-2012 02:54 PM

المشاركة الأصلية كتبت بواسطة ahmazong

فلونس احسن في كل حاجة ماعدا قطع الغيار الغالية .. التكييف

و سعر أعادة البيع مش فى صالح الفلوانس ....

**IronHead** · 29-06-2012 06:54 PM

المشاركة الأصلية كتبت بواسطة mmmi_2005

مشكور علي الرد ولاكن ليا كام سؤال

هل يوجد سيارات رينو فلوانس fluence جديدة خليجي في مصر ؟

لو موجودة ايه هي اسعارها بالمقارنه بالمصريه ؟

أماكن بيعها ؟ يفضل بالاسكندريه

ما هو الفارق بين الخليجي و المصري ؟ انا علي حد علمي أن الفلونس الخليجي بتنزل 1600 أو 2000 سي سي علي حسب الطلب الموتور مش رينو المتور من شركه نيسان الجيربوكس cvt غير بسيط في الشبكه الاماميه

السيارة الخليجي

السيارة المصريه

اللى سمعته ان الخليجى بينزل بموتور نيسان مش رينو
والتكييف بيبقى نيسان وده افضل بكثير من تكييف الرينو
دور كده فى القصم هنا هتلاقى عضو عمل موضوع قبل كده على الفروق بين الفلونس المصرى والخليجى,
لو حد من الاعضاء فاكر الموضوع ده يديلنا على اللينك