الموضوع: سيارات المنطقة الحرة ببورسعيد

المشاركة الأصلية كتبت بواسطة hazem_khidr

العربيات دي بتدخل من الجمرك
و اللي بيشتريها منطقه حره لازم يكون بورسعيدي مش من اي محافظه تانيه.
او زوجته تكون بورسعيديه.
و كل اسره ليها الحق في سياره واحده فقط و سعتها اللتريه اقل من 1600 سي سي .

اصل انا شفت فى الجرايد اعلان لعربيات بتتباع منطقة حرة
فكنت عايز اعرف لو ينفع الواحد يشترى عربية منهم

المشاركة الأصلية كتبت بواسطة wildwest100

اصل انا شفت فى الجرايد اعلان لعربيات بتتباع منطقة حرة
فكنت عايز اعرف لو ينفع الواحد يشترى عربية منهم

لو مش من بورسعيد مينفعش ترخصها منطقة حرة
و السيارات التي تحمل لوحات منطقة حرة أعتقد أن لها حد في الزمن الذي تستطيع فيه التجول في باقي المحافظات

و تقريبا لو عايز تشتري منطقة حرة ........... لازم تدفع مصاريف الجمرك و ترخصها ترخيص ملاكي عادي و ليس منطقة حرة
لأن هذه السيارات يجب أن تكون موجودة دائما داخل المنطقة الحرة فقط

المشاركة الأصلية كتبت بواسطة tutankhamoun

و تقريبا لو عايز تشتري منطقة حرة ........... لازم تدفع مصاريف الجمرك و ترخصها ترخيص ملاكي عادي و ليس منطقة حرة

معنى كدا على شان ارخصها ملاكى يبقى لازم ادفعلها جمرك زيها زى اى عربية جاية من برا ...

المشاركة الأصلية كتبت بواسطة wildwest100

معنى كدا على شان ارخصها ملاكى يبقى لازم ادفعلها جمرك زيها زى اى عربية جاية من برا ...

أينعم .............. ده غير وجع الدماغ بتاع المرور

السلام عليكم و رحمة الله و بركاته
بالنسبة لموضوع سيارات المنطقة الحره
1- لازم حضرتك أو زوجتك "سيارة واحدة للعائلة" تكون مقيم و تعمل في بورسعيد لمدة عشر سنوات على الأقل "تحريات مباحث"
2- السعة اللتريه لا تزيد على 1500 سي سي
3- تاريخ صناعة السيارة لا يزيد على عشر سنوات وقت استيرادها
4- قيادة السيارة مقصوره على العائلة فقط ولا يجوز التوكيل
5- لا يجوز تخليص جمارك سيارات المنطقة الحره "يعني او ما ترخص منطقة حره يبقى خلاص يامعلم معاك لآخر العمر"
6- لا يسمح بتواجد سيارات المنطقة الحره خارج بورسعيد لمده تتجاوز ال 90 يوما خلال السنة و يم تقييد الخروج و الخول بمعرفة الجمارك في منافذ بورسعيد
7- تتعرض سيارات المنطقة الحره للتفتيش المفاجئ بمعرفة الجمارك للتأكد من النقط السابقة "في اي مناطق بالجمهورية" و يقوموا بمصادرة السيارات المخالفة و يقموا بتوقيع غرامات مالية ضخمة

طبعا الكلام ده هو القانون بس اللي بيحصل على الحقيقة حاجة تانيه خالص ...:)

المشاركة الأصلية كتبت بواسطة tutankhamoun

أينعم .............. ده غير وجع الدماغ بتاع المرور

يبقى كلامي غلط.,..............
الأستاذ الشامي وضح النقطة دي

لا يجوز تخليص جمارك سيارات المنطقة الحره "يعني او ما ترخص منطقة حره يبقى خلاص يامعلم معاك لآخر العم

المشاركة الأصلية كتبت بواسطة mshamy

طبعا الكلام ده هو القانون بس اللي بيحصل على الحقيقة حاجة تانيه خالص ...:)

هههههههههههههههههه فعلا عند حضرتك حق انا اعرف واحد من ساعة ماجاب عربيته منطقة حرة من سنتين تقريبا ماشفش بورسعيد نهائى...تقريبا ال90 يوم بتوعه لسه مخلصوش:)