الموضوع: تجربه الشراء والبيع فى سوق السيارات

اليوم كنت رايح اشوف لانوس كامله
وابيع مازدا 323
للأسف السوق كله تجار كل واحد عاوز يعمل مصلحه عليك
حتى بتاع الكشرى عاوز يطلع فلوس من اى بيعه
المهم 323 بيطلب فى السوق من 24 الى 27500
وانا ما بعتش العربيه ورجعت بيها
اما لانوس أغلب اللى فى السوق هاف اوبشن ويتراوح سعر موديل 2006 ب 52000
ووجدت لانسر بجانبى كريستاله 99 اوتوماتيك كان بيطلب 55000
دى تجربتى
ياريت كل واحد يقول على تجربته ممكن نستفيد
ر لو معاه عربيه نفس عربيتك تبقى سعرها زياده 4000 لكن لو يشترى عربيتك ينقص 6000 فعلا بقوا مقرفين جدا
مش عارف عاوزين نعمل مقاطعه للسوق من كثره رخامه التجا ر
ونخليها زى حمله هيونداى

السلام عليكم
أخر النهار ممكن تشتري من الناس العادية بسعر كويس لأنهم بيبقو زهقانين لكن التجار مبينزلوش كتير لأنهم فاضيين ودي شغلانتهم بس تجار الأقاليم ممكن ينزل لأنه مش سهل ييجي تاني بنفس العربية الأسبوع الجاي

سوق السيارات سوق التجار فقط عندما تريد بيع سيارتك ينصبو عليك ويشتروها اقل ب 5000 ولو ها تشتري يبيعو اغلي 5000 وخلاص السوق لا يصلح اللي للتجار

المشاركة الأصلية كتبت بواسطة محمدعيسى

انا برضو نزلت السوق كام مرة بس مشترتش من هناك لنفس السبب بس لاحظت ان الناس العادية بتبقى موجودة من بدري جدا و قبل صلاة الجمعة تقريبا كلو بيروح و من بعد الصلاة السوق بيبقى اغلبه تجار مش عارف انا ملاحظتي دي غلط ولا صح بس هو دا اللي اخدت بالي منه

انا رحت بعد الصلاه ولقيت زحمه جامده كانه يوم الحشر بس التجار بيجوا بدرى علشان يصطادوا الزباين

المشاركة الأصلية كتبت بواسطة msami2k

السلام عليكم
أخر النهار ممكن تشتري من الناس العادية بسعر كويس لأنهم بيبقو زهقانين لكن التجار مبينزلوش كتير لأنهم فاضيين ودي شغلانتهم بس تجار الأقاليم ممكن ينزل لأنه مش سهل ييجي تاني بنفس العربية الأسبوع الجاي

فعلا تاجر الأقليم لازم يبيع لكن مستحيل تخرجه بره السوق علشان تكشف على العربيه

المشاركة الأصلية كتبت بواسطة shanodaa

سوق السيارات سوق التجار فقط عندما تريد بيع سيارتك ينصبو عليك ويشتروها اقل ب 5000 ولو ها تشتري يبيعو اغلي 5000 وخلاص السوق لا يصلح اللي للتجار

فعلا معاك حق كل التجار نصابين ممكن يثبتوا عربيه على سعر معين لغايه الزبون ما يزهق ويبيع لواحد منهم ويتقاسموا الغنيمه مع بعض