تقرير عن صيانة ال 100.000 لصنى ex 2007
بسم الله الرحمن الرحيم
----------------------
http://2lex.info/wp-content/uploads/...n_car_logo.jpg
احب اقدم اول موضوع فى قسم الصقور عن صيانة ال 100.000 لصنى 2007 EX
============
فى البداية الصيانة كانت فى مركز توب جير ايجيبت وعن تجربه فى كذا عربيه و الصراحة الشغل هناك بقياده المهندس / محمد فضالى زى التوكيل و احسن شوية
---
حجزت ميعاد للصيانة اليوم الساعة 2.00 بعد الصلاه و توجهت الى المركز و قمنا بالصيانة كالاتى :
----------
1- تغيير زيت موتور + فلتر
2- تغيير فلتر هواء
3- تغيير البوجيهات
4- رجلاش الفرامل الخلفيه
5- كشف شامل على السوائل
6- كشف على السياره بالكمبيوتر
7- كشف على السيور
8- تربيط عشفة
================
بدأنا بتغيير البوجيهات ببوجيهات جديده من نوع NGK يابانى واحد شمعة ودى من المركز و ب 60 جنية و ممتازة
عمليات الفك و التركيب و البوجيهات الجديده و القديمة
http://img525.imageshack.us/img525/1881/img0766bm.jpg
http://img59.imageshack.us/img59/4546/img0767so.jpg
http://img406.imageshack.us/img406/4520/img0768o.jpg
بعد كده دخلنا على فلتر الهواء و غيرناه بالجديدة و دى صورة القديم و الغلب باين عليه :
http://img233.imageshack.us/img233/2784/img0769po.jpg
و بعديها راجعنا على السوائل والسيور ... و الحمد لله تمام معادا سير الدينامو و الباور عايزين يتغيروا و المهندس محمد صمم انو مش هيغيرهم الا لو جبت الاصلى و قررنا نأجلها ليوم تانى علشان القطع تبقه متوفره
------------------
دخلنا بعدها على الفرامل و فعلا بدأنا فى الفك و تم تنضيف مجموعة الفرامل الخلفية و كانت منزله زباله منها و كميه براده تيل ماهوله و الحمد لله كله رجع زى الزيرو ورجلشنا و كله تمام
http://img820.imageshack.us/img820/8817/img0772cp.jpg
http://img715.imageshack.us/img715/7743/img0773ui.jpg
بعدها تم تربيط العفشة و الحمد لله تمت بسلام
ثم بعدها بدأت عملية تنزيل الزيت القديم و كان موبيل 1 و نزل اسود محروق رغم انو ممشيش غير 6 الاف كم و قررت احط لكوى مولى توب تك 4100 وبالفعل نزلنا الزيت القديم و شفط بواقى الزيت القديم من كرتيره الزيت علشان كله يبقى على نضافة و غيرنا الفلتر بالجديد و اشتريته ب 30 جنية اصلى و قفلنا تحت و تم تنضيف الطبة و تركيبها
http://img832.imageshack.us/img832/3417/img0770qm.jpg
بعديها بدأنا فى وضع الزيت الجديد لكوى مولى توب تك 4100 و ده ب 260 جنية من المركز وهو اصلا واخد توكيل لكوى مولى فى الجيزة :
---------------------------
http://img23.imageshack.us/img23/9094/img0774xg.jpg
http://img39.imageshack.us/img39/3277/img0775mb.jpg
بعدها تم التشييك على مستوى الزيت و التأكد انه مضبوط و الحمد لله طلع مضبوط بالملى
------------------------------------------------
وصلنا للمرحلة الاخيرة و هى الكشف على العربية بالكمبيوتر كشف شامل و الحمد لله الموتور و الفتيس و الكهرباء و كله طلع تمام و مفيش اى اخطاء
.................................................. ..
و انتهت الصيانة على خير و احب اشكر المهندس محمد على تعبه معايا و فى الجو السلق الى احنا فيه بس والله كان بيشتغل كأنها عربيته بالضبط و بمستوى رائع من الجوده و ده الطبيعى من توب جير ... و الاروع الخصم الى عمله معايا و الصيانة كلها مصنيتها 70 جنية ... و قطع الغيار طبعا حسابها لوحدها ...
اتمنى ان التقرير يكون عجبكم