عرض للطباعة
السلام عليكم
ياجماعه انا محتار اوى بين العربيات دى (كليو-سى3-فابيا)ياريت لو حد يقدر يفيدنى
انا معايا حوالى 35 الف وبتكلم على موديل 2002 او 2003
ياريت الناس تقولى ايه احسن وليه ؟
وياريت لو حد يعملى مقارنه شامله من حيث قطع الغيار والاعتماديه والاداء وكده يعنى
أنصح حضرتك باقتناء رينو كليو أولا، فابيا ثانيا، ستروين ثالثا
ركبت كليو وفابيا
بالنسبة للثلاثة محتاجين من سيادتك إنك تحافظ على الصيانات عند فني متخصص لكل نوع
وطبعا الاختيار لأي عربية تكون بحالة جيدة جدا، أما بصفة خاصة للموديلات دي فإن قطع غيار كليو هتكون أرخص الثلاثة، وبالنسبة لستروين فأعتقد إنك هتتعب حبتين في موضوع الفني المتخصص ولو لاقيته مش هيكونو كتير، وقطع الغيار أقلهم انتشارا.
الفابيا طبعا محترمة وسكودا معملتش حاجة وحشة فعلا، بس الكليو أكبر منها شوية، ومنتشرة عنها شوية، وبصفة عامة لأي عربية أنصح بركوب عربية موتورها 4 سلندر مش 3، والفابيا منها كتير 3.
متابع باهتمام
طبعا فابيا بس اهم حاجة الحالة يعني لو لاقيت واحده حالتها كويسة بمعني كويسة يبقي تمام اوي بس ابعد عن الفابيا 1200 سي سي لانها 3 سلندر وقطع غيار الموتور وصيانته صعبة شوية فخليك في الـ 1000 سي سي والـ 1400 سي سي دول 4 سلندر والكليو فعلا ممكن تكون اكبر شوية لكن الفابيا اكيد اشيك كتير سواء من بره او من جوه ( التابلوه والصالون والعدادات ...) انا معاية فابيا 1000 سي سي موديل 2002 وواحد صاحبي معاه كليو 2002 برده
فده راي عن تجربة وربنا يوفقك للي فيه الخير ليك ان شاء الله
تعبت من كتر ما قولت إن مش كل الــ 1200 بيبقى 3 سلندر .......... أنا معايا واحدة 1200 - 4 سلندر - 12 فالف ......... الموتور أداءه عالى الحمد للهاقتباس:
المشاركة الأصلية كتبت بواسطة Amr_Azab
وياريت تقرا الموضوع ده
إنصافــــــا لموتور الفابيا 1200 cc
موفق في الشراء انشاء الله
حسب معلوماتي البسيطة يا باشا ان الـ 1200 سي سي اللي نزلت مصر كلها 3 سلندر فانا معرفش اللي مع حضرتك دي ايه هل متغيرلها موتور استيراد مثلا ولا ايه وكل شيء ممكن برده انا بتكلم بس علي حسب معرفتي مش اكتر ومحدش علي فكرة شكك في موتور ال 1200 لكن مشكلته بس في صيانته وقطع غياره طبقا لكلام المستخدمين والصنايعية والله اعلماقتباس:
المشاركة الأصلية كتبت بواسطة haitham1985