الموضوع: دوكووووو ::: صراع الجبابرة وعودة المنتقم

وصلنا لحد إن العربية أخدت البطانة


.
نوصل لظبط السوكة
body lines

بصو يارجالة..كنا وصلنا إن العربية دلوقتي على البطانة ..................... البطانة الي على الصاج
إلي إسمها سيرفيسر surfacer

دي بتغسل العربية كويس .. وتبل السنفرة (سنفرة 120) ويدوبك تحط السنفرة على الصاج وتزقها
ماتحكش جامد يعني
تمشي إيدك بالسنفرة على الصاج


تخلص العربية كلهااااااااااااااااااا .
وتسيبها تنشف أد ساعتين تلاتة براحتها خالص
وتسيبها براحتها علشان المرحلة الجاية مرحلة المعجون ... والمعجون بيشرب الميه واقل رطوبة هيشربها
ولو شرب ميه ..أو شم رطوبة ... بعد ماترش هينفخ والبوهية هتشقق وتطقطق وتبقا ليلتك سودا يابــرعي


.
العربية نشفت
تمسحها كويس أوي .. وتبدأ تشد لزقة ورق على الحتت الي أنت هتظبط فيها السوكة

فيه حاجة إسمها (( الإدة)) بتشديد الدال
دي بتتحط فوق السوكة .. وتتلزق عليها ... وتشد عليها المعجون
وتسيبه ينشف
وتشيل (( الإدة )) دي .... وتكمل المعجون تاني



الإدة دي زي المسطرة الحديد كده
أنا طبعا ماعرفتش أجيبها منين ... فروحت إستلفت صفيحة منشار طويلة بتاع 2 متر من النجار إلي قدامي
هتقضي نفس الغرض


ركز في الصورة وحاول تتخيل



.



وكان فيه كسر في العتبة ... سنفرته بالصاروخ
وحطيت عليه شعر فايبر..وحطيت عليه بولي إستر مخلوط بالمصلب