الى كل اللانسراويه؟

**Ramy.Gamal** · 21-06-2008 12:07 AM

بسم الله الرحمن الرحيم
الى كل محبى اللانسر سواء من ملاكها او من معجبيها كل واحد يقول ايه اكتر حاجه بيحبها ومعجب بيها فى اللانسر سواء الشكل القديم او الجديد سواء فى الشكل الخارجى او الشكل الداخلى او الاداء او الاعتماديه او توافر قطع الغيار او اعاده البيع الممتازة جدااااااا او كمالياتها او ثباتها او بساطتها وعدم تعقيدها او كل حاجة فيها ، وكمان اى حد مبيعجبوش اى حاجة فى اللانسر يقول عليها مثلا انتشارها اللى بقى زى الرز او عزل المحرك مش اد كدة او عفشتها الناشفه حبتين .انا عارف ان كل الناس هتقول ان مفيش عربيه ملهاش عيوب او ملهاش مميزات بس بما ان اللانسر بقت واحدة من الشعب المصرى (هتاخد الجنسيه قريب جدا) فكل واحد يقول رأيه فى المميزات اللى بيحبها او العيوب اللى بيكرهها مع ذكره عن اى شكل يتحدث

**Rsarabia** · 21-06-2008 02:35 AM

عربية ممتازة جدا و ثابتة على السرعات العالية و المناورات و ممتازة فى اعادة البيع لانها منتشرة جدا و لو قلت ابيع الف مين يشترى دا غير الشكل جميل و شيك و سعرها متوسط لا هو ناول ولا هو فوق اوى و فيها كل الكماليات لجميع الفئات

عيوبها و دى ممكن متبقاش عيوب لناس و لكن عيوب عند ناس تانية انا شخصيا مش شايف انها تخلينى اغيرها مثلا عزل الموتور مش معزول اوى لكن الاصوات اللى برة و صوت الكاوتش مش بسمع التكييف مثلا مش قوى زى الكورولا و الميجان و الهوندا استهلاك البنزين فى ال 1600 اوتوماتيك عالى شوية العفشة ناشفة شوية الكراسى مستقيمة مش بتدى راحة فى المسافات الطويلة فى السفر

**nobody** · 21-06-2008 12:59 PM

بصراحة اللانسر عربية محترمة وعفشتها كويسة جدا بس (مش ناعمة)

بس العيب الوحيد للعربية في نظري الهاندلينج بتاعها كنت متوقع ان يبقى احسن من كده بكتير
بتفقد الجريب على الملفات بطريقة غريبة مش عارف العيب من ايه؟ يمكن من الكاوتش السيء اللي راكب فيها!
انا باستغرب من الناس اللي بتقول ثباتها فظيع و الكلام ده حد جرب ياخد غرز بعد 100
حتلاقي العربية بتعوم تعويم فظيع زيها زي اي عربية ياباني ما عدا طبعا الامبريزا
و بصراحة حكاية الدريكسيون التقيل بيخلي الواحد مش عارف يوسطن العربية كويس على السرعات العالية
على فكرة الناس اللي بتشتكي من التكييف كل موديلات 2007 نازلة ناقصة فريون وده عيب معروف وحله انك تزود شوية فريون فقط (من مصدر موثوق)

**Migo123** · 21-06-2008 05:13 PM

عربيه متوسطة في كل حاجه
يعني مش هاتضايق من عيوبها لدرجه فظيعة وتبقى مش قادر تبصلها

وفي نفس الوقت مش هتملا عينك وتخليك مش عايز تقكر تغيرها

عيوبها الفظيعه بتبان على الطرق السريعه -- عدم الاتزان وسوء العزل

غير كده في وسط البلد كويسه ---- حتى مع القيادة الرياضية --- العربيه مش هتزعلك
غير لما تخش محطة البنزين --- معدل استهلاكها عالي

**شاهين - بنز** · 21-06-2008 07:20 PM

عربية ممتازة جدا و ثابتة على السرعات العالية و المناورات

عيوبها الفظيعه بتبان على الطرق السريعه -- عدم الاتزان وسوء العزل

طيب انا اصدق مين

**Ramy.Gamal** · 22-06-2008 01:29 AM

المشاركة الأصلية كتبت بواسطة شاهين - بنز

طيب انا اصدق مين

اللانسر بتنزل بكاوتشات مش حلوة سواء dunlop او bridgestone turanza er-30 بجد اللى يجرب يغير الكاوتشات ده ويجيب كاوتشات غاليه زى ميشلان اصلى او بريدجستون gr-80 super silent هيحس بفرق كبير على السرعات العاليه سواء فى الثبات او فى صوت الكاوتشات بس بجد العربيه نفسها اتظلمت مع الكاوتشات اللى بتنزل بيها مع انها كاوتشات يابانى

**hazem_khidr** · 22-06-2008 04:05 AM

اكتر حاجه عجباني فيها
التابلوه بتاعها
بصراحه مريح للعين جدا و من احلي التابلوهات اللي شفتها في حياتي

**limo** · 22-06-2008 11:27 PM

اكتر جاجه شكلها عاجبنى فى العربيه تصميم الفانوس الخلفى الكرستال
واكتر حاجه عاجنى فى العربيه ككل اانها اعتماديه جدا
يعنى انا راكب عربيه شكلها حلو +سعرها معقول +تقفيلها كويس +اداء معقول +بسيطه مش معقده +قطع غيار متوفره جدا +اسعار قطع الغيار معقوله +عربيه قويه بتستحمل +صالون فى حجمه معقول +اعطالها بسيطه

الى مش عاجبنى التكيف
التكيف بيأثر اوى على سحب العربيه بالذات فى المطالع
+التكيف حاسس انه عادى فى الشمس مش ثلاجه زى ما الناس ما بتقول