عمي عايز يشتري عربيه مضاده للرصاص !!!

**semi** · 23-06-2012 11:38 PM

هي فكرة حلوه بس انت لو روحت المرور وطالما ورق العربية مظبوط ومعاك توكيل وعقد مسجل بالشهر العقاري
معتقدش انه هيقولك تلت التلاته كم
ولو دخلت فحص الراجل هيعرف منين انها ضد الرصاص اصلا
ازاز عادي وصاج عادي
وهو كل مهمته يتأكد من سلامة العربية فقط ويختملك على ورقك
ده شئ انما موضوع عمك كان حزب وطني وبقى اخوان ده شكله تحول بصراحة :)
شكله كان عايز يخش انتخابات بتاعة الشعب
وكويس انك مدخلتش حزب وطني ده حزب واطي وكان المفروض الناس تقاطعه

**Screenplays** · 24-06-2012 08:59 PM

ده شئ انما موضوع عمك كان حزب وطني وبقى اخوان ده شكله تحول بصراحة :)

اما مقولتش انه بقي اخوان اصلا ... هو طول عمره ملتحي و الحمد لله شخصيه محبوبه و معروفه في المنطقه بتاعته

**Ahmed_Ramadan** · 24-06-2012 09:09 PM

روح شوف رخصة العربية مكتوب فيها حاجة مميزة و لا لأ و الملف بتاعها فى المرور أكيد فى حاجة فى الإفراج الجمركى عن موضوع التصفيح ده ....و ممكن تروح لأقرب مرور و زيارة لرئيس الوحدة و عرفوا نفسكوا و أسألوه بس أفضل يكون مرور بعيد عن اللى هتترخص فيه العربية

**Screenplays** · 25-06-2012 05:55 AM

المشاركة الأصلية كتبت بواسطة ahmed_ramadan

روح شوف رخصة العربية مكتوب فيها حاجة مميزة و لا لأ و الملف بتاعها فى المرور أكيد فى حاجة فى الإفراج الجمركى عن موضوع التصفيح ده ....و ممكن تروح لأقرب مرور و زيارة لرئيس الوحدة و عرفوا نفسكوا و أسألوه بس أفضل يكون مرور بعيد عن اللى هتترخص فيه العربية

احنا ناويين نعمل كده فعلا ان شاء الله

**benmatar** · 25-06-2012 10:40 AM

أيوة ممكن سيادتك تشتري سيارة مصفحة بالكامل أو نصف تصفيح سواء من السوق المحلي أو تستوردها من الخارج، وأعرف واحد معاه مرسيدس نصف تصفيح واردة من ألمانيا، والتصفيح ده درجات ومعايير دولية وكل موديل بيكون له توصيف معين لنوعية التصفيح ودرجاته. بس هتكون غالية، وقطع غيارها مش متوافرة حتى لو نفس الموديل موجود في مصر، يعني مثلا من 3 سنين تقريبا شوفت عربية بيجو605 مصفحة وكانت شبه العادية بس تلاقي الفوانيس والاكصدامات والشبابيك مختلفة إلى حد ما عن العادية، وطبعا مش كل الماركات تلاقي منها المواصفات دي وإنما تلاقيها في الألماني وبعض الأوروبي وبعض الأمريكي مش كله.