هي فتره المراهقه دي بتخلص امتي ؟
عرض للطباعة
هي فتره المراهقه دي بتخلص امتي ؟
يا معلم ده شىء طبيعى واحساس عادى فى بلدنا الجميله
بينتهى عند سن ال 60 سنه
حبيب قلبي ده مراحل تطور الانسان فمتزعلش نفسك لسه الي جي العن هههههههههه ، بص بقة بعد مرحلة سن ال ٢٣ وكل سنة وانت طيب بالمناسبة الجميلة دي هتخش في مرحلة اليئس المبكر لدى الرجال في سن ال ٢٥ والبحث عن وظيفة ، وهتلاقي الدنيا بتسود ويتحول لونها من سماوي لرمادي ومشمشي. بعد كده عتخش في مرحلة ال ٣٠ هتحس بالوحدة وانك محتاج تتجوز ومش لاقي حد تكلمو ولا تخرج معاه ، بعد كده هتخوش في مرحلة ذكورية مهمة الي هيا بيسموها علماء علم النفس والاجتماع مرحلة ماحدى لحدى ياحبيبي ماحدى لحدى يعني كل واحد مع نفسوا وهتبتدي متعرفش اخواتك وتبقى عاوز تكوش على كل حاجة. واي حد يطلب منك حاجة هتقول وانتا مالك
بعد كده هتخش في مرحلة انتم فين يا اخواتي. وهتبقى تسئل عن اخواتك واخبارهم ايه لانهم وحشوك وبعد كده هتنتقل تدريجياً لمن حد من اخواتك يتصل عليك وابنك يقولك بابا عمو على التيلفون. تيجي انتا ترد عليه وتقلوا. قلوا مش موجود هههههههه وهكذا. لحد ماتوصل لمرحلة الوحدة الكبيرة لمن تلاقي عيالك كل واحد اتجوز وراح في حال سبيلوا وسابوك لوحدك .... هههههههههه يالله ولع بقه ياحج رامبوووووو. في المنتدى بس سيبلي قسم تويوتا ولاجتماعي ههههههههههههههههههه
وتحياتي
والله يا كبير الحياه حلوه رغم مشاكلها
بص دايما لنصف الكوبايه التانى الى فضى ده خلاص فضى
ولازم الاستغفار
وحاول تدور على شغل
صحيح عملت ايه فى الجيش
وحتى لو دخلت الجيش
صدقنى بتبقى فتره جميله عكس ما انت شايف
وان شاء الله الى جاى احلى وافضل
وربنا مبيجبشى حاجه وحشه
وده اختبار من ربنا
وحاول تتاكد دايما ان ربنا هو الى بيسبب الاسباب
شكرا لكل الردود و لكل الناس
احب اوضح حاجه بس اولا انا مش زعلان و لا خايف من الموت
بالعكس انا بتمناه و طول عمرى بقول لهم فى البيت كده
بقول لهم ان اكيد اللى عند ربنا احسن من اللى فى الدنيا عشان كده نفسى اروح له
هو الموضوع مش تشاؤم برده لكنه مجرد احساس
و بالنسبه للجيش اكيد حاجه مديقانى و مزعلانى لاسباب كتير
لكن الحمد لله قدر الله و ما شاء فعل
و الحمد لله على كل حاجه الوحيد فيها اكيد ربنا رايد فيها الخير
بص يا باش مهندس محمد ... الأخطــــــــــر في الوحده دي هيا الفراغ العاطفـــــــــــي ... طول مافي فراغ عاطفي ... هيجيلك يئس مبكر لازم تلاقي حد تحبو ويحبك ... وياسلام ياسلام لو أتعرفت على بنوته كده أمورة وبنت حلال ... وتخطبها وتتتجوزها ... ساعتها هتلاقي نفسك قدام أمرين يا بقيت بتحب الحياة يانفسك تروح تستشهد وتقول لنفسك انا الي عملتو في نفسي ... بس المهم أنك تملى الفراغ العاطفي ... باي شكل ..
يعني يملي فراغه العاطفي و يخسر بقيت اعضاءه هههههههههههههههههههههه
لا يا محمد بجد دي اصبحت معضله