من 28 ل 33 ألف

السلام عليكم

انا لسة متعلمة السواقة قريب بس الحمد لله ماشية حلو أوى فيها..

كنت عايزة اجيب عرية فى حدود 30 ألف , اكتر او اقل بشوية..

عايزه اهم حاجة فيها يكون تكييفها حلو و سوافتها سهلة و متكونش صغيرة عشان مش بقتنع بالحاجات الى زى الماروتى و كده.. مش مهم أوى سعر قطع الغيار بس المهم مايكونش اعطالها كتير..

قدامى كذا حاجة, يعنى الاكسيل, ايبيزا 94 , فورد اسكورت, ممكن رينو 19 بس معرفش عنها حاجة, فيه طبعاً عربيات زى البرايد و الأونو بس انا مش عايزه هاتش باك..

و هافترض ان حالتهم كلهم كويسة و زى بعض..

يا ريت حد يفيدنى عشان انا احترت جداً.. :(

هيونداي إكسل، تكييف جميل، قطع غيار رخيصة ومتوفرة جدا، مشاكلها قليلة.. تحياتي

اقتباس:

---

المشاركة الأصلية كتبت بواسطة sehsss

هيونداي إكسل، تكييف جميل، قطع غيار رخيصة ومتوفرة جدا، مشاكلها قليلة.. تحياتي

---

+11111111111

معلم يا sehsss ..

شكراً يا جماعة, انا كنت بردو برجح الاكسيل.. بس عايزة اعرف لو عربية حالتها نضيفة أوى تبقى بكام؟؟

لو نظيفة اوى فابريكه بره موديل 96 1500 سىسى تبقى 33 الف ولو اوتوماتيك تبقى 35 الف

اقتباس:

---

المشاركة الأصلية كتبت بواسطة wera

لو نظيفة اوى فابريكه بره موديل 96 1500 سىسى تبقى 33 الف ولو اوتوماتيك تبقى 35 الف

---

اصل معروض عليا 1300 موديل 97 مرفوعة المفروض 8 سنين ب 35, بس استغليتها أوى.. شكراً على الرد :)

اقتباس:

---

المشاركة الأصلية كتبت بواسطة AhmaZonG

معلم يا sehsss ..

---

:inlove::inlove::inlove::inlove:

اقتباس:

---

المشاركة الأصلية كتبت بواسطة magic girl

اصل معروض عليا 1300 موديل 97 مرفوعة المفروض 8 سنين ب 35, بس استغليتها أوى.. شكراً على الرد :)

---

هو كتير، بس يمكن هو طالب المبلغ ده علشان مرفوعة لأن الـ1500 موديل 97 حالتها جيدة جدا تعمل من 35 إلى 37 بالكتييييير، ونصيحة هاتي الـ 1500 أفضل علشان التكييف

نصيحة طالما طلعتي ل 35 الف شوفي اكسنت هاتبقا احسن من الاكسيل وانعم بكتير منها موتور اقوي وتكييف احسن بمراحل وعربيه ناعمه جدا وقطع غيرها رخيصه

اقتباس:

---

المشاركة الأصلية كتبت بواسطة modo88

نصيحة طالما طلعتي ل 35 الف شوفي اكسنت هاتبقا احسن من الاكسيل وانعم بكتير منها موتور اقوي وتكييف احسن بمراحل وعربيه ناعمه جدا وقطع غيرها رخيصه

---

الإكسيل معمرة أكثر من الأكسنت

اقتباس:

---

المشاركة الأصلية كتبت بواسطة mohamd hussein

الإكسيل معمرة أكثر من الأكسنت

---

طيب ممكن مقارنه شامله بين الاكسنت والاكسيل

اقتباس:

---

المشاركة الأصلية كتبت بواسطة modo88

نصيحة طالما طلعتي ل 35 الف شوفي اكسنت هاتبقا احسن من الاكسيل وانعم بكتير منها موتور اقوي وتكييف احسن بمراحل وعربيه ناعمه جدا وقطع غيرها رخيصه

---

انا مش عايزة اطلع لل 35 d:
بس هيا الاكسنت انا بحبها اكتر و شكلها احسن, بس سعرها مبالغ فيه عشان معظم اللى شفتع كان اكتر من 35 الف و ساعات بتوصل حاجة و اربعين.. اللى هو اللى يخلينى اجيب بالسعر ده استنى و اجيب فيرنا !

عندك كمان البرايد السيدان مانيوال او اتو تكييف و عربيه ممتازه

اقتباس:

---

المشاركة الأصلية كتبت بواسطة ahmedteam

عندك كمان البرايد السيدان مانيوال او اتو تكييف و عربيه ممتازه

---

كنت جربت سواقة البرايد المانيوال بس معجبتنيش خالص..



كنت عايزة اعرف الفيات سيينا 1400 ممكن تبقى احسن من الاكسيل؟؟ انا عارفة ان موديلها هايبقى احدث يعنى من2000 ل 2003, تكييفها كويس مش وحش, هاف انجيكشين.. و غير كده الفيات ماركة كويسة..

و انا مش ناوية اشد يعنى فى السواقة اخرى 120 لو على طريق سفر... فهل هاتبقى واقعية اكتر؟؟ و بغض النظر عن اسعار قطع الغيار عشان انا ميهمنيش السعر اد ما يهمنى ان العربية متعطلش كتير و قطع غيارها تبقى معمرة..

السلام عليكم بالنسبة للعربيات اللى حضرتك ذكرتيهم فى الموضوع ومع احترامى لكل الردود والاراء اللى اتقالت انا الحقيقة ركيب فورد والاسكورت اللى حضرتك كاتباها فى اختياراتك من راى انها احسن اختيار من حيث انك لو هاتجيبى مستعمل يبقى هاتى اوروبى لان اعتماديته اعلى ويقدر يخدم كمستعمل اكتر الكلام ده عن تجربه وقطع غيارها موجوده ومنتشره وحضرتك تجيبيها 1600 جميع الكماليات مو 98،99 عربية ممتازة قيمتها عالية امام سعرها اللى مش هايزيد عن 35000 جنيه بكافة الاحوال للعربيات النمره واحد والله الموفق

اقتباس:

---

المشاركة الأصلية كتبت بواسطة kempel

السلام عليكم بالنسبة للعربيات اللى حضرتك ذكرتيهم فى الموضوع ومع احترامى لكل الردود والاراء اللى اتقالت انا الحقيقة ركيب فورد والاسكورت اللى حضرتك كاتباها فى اختياراتك من راى انها احسن اختيار من حيث انك لو هاتجيبى مستعمل يبقى هاتى اوروبى لان اعتماديته اعلى ويقدر يخدم كمستعمل اكتر الكلام ده عن تجربه وقطع غيارها موجوده ومنتشره وحضرتك تجيبيها 1600 جميع الكماليات مو 98،99 عربية ممتازة قيمتها عالية امام سعرها اللى مش هايزيد عن 35000 جنيه بكافة الاحوال للعربيات النمره واحد والله الموفق

---

هيا مش الفورد أمريكى؟؟ :tongue32:

بس المشكلة انى سألت ناس كتير عنها و منهم ناس اصدقائى بشكل شخصى و حذرونى منها و قالوا ان اعطالها كتير عشان كده انا حاطاها اخر اوبشن ليا..
و لو أوروبى يبقى ممكن اتكلم عن الفيات سيينا اظن انها ممكن تبقى اختيار كويس, عشان الاكسيل رغم انها كويسة بس غالية من غير سبب.. كورى و موديل قديم و تكنولوجى قديمة..

شكراً على رد حضرتك.. =)

الحقيقة هى مش اعطالها كتير ولا حاجة وبعدين الى الان ليها قطع غيار اصلى بتتباع فى التوكيل فى مصر الى الان الفورد اسكورت بتتصنع فى فرع فورد الاوروبى فى المانيا أو اسبانيا لان فورد الامريكىة ليها فرعين فى اوروبا المانيا واسبانيا بخصوص السيينا هى تقريباً من النسخ الاقتصادية اللى عملتها فيات للعالم التالت وبتتصنع فى تركيا او جنوب افريقيا او البرازيل مش نتذكر بالضبط لكن الاسكورت احسن مبيعات فى اوروبا 97،98 اللى هى الاسكورت ومعاها الفورد الفيستا كانت معايا ودى اللى بتنافس البولو والكورسا وتفوقت عليهم فى مبيعات اوروبا المهم ان الاسكورت سيارة ممتازة عيبها الوحيد ان مصنعية ميكانيكيتها عالية شوية وسعر قطع غيارها اعلى من الكورى لكن فى ماعدا ذلك سيارة ممتازة المهم تجيبيها 1600 والله الموفق

تمبرا
او تستني وتجيبي لانوس او فيرنا