غباء ولا جهل ولا اذي ولا كلوا علي بعض!!!!

**Mamoud salah H** · 23-06-2012 04:46 AM

الزمن:النهاردة بليل الساعة واحدة
حصل معايا موقف النهاردة يحرق الدم واقف في البلكونة اتنلفرج علي الشارع واعد العربيات والناس
وعربيتي مركونة تحت البيت كالعادة المهم يجي واحد ابن حلال من الي هو من الجماعة الي بتحب تعمل خيير كددة لوجه الله يلاقي المراية بتعتي معووجة بس ده في نظره هو لانها بتقفل ضم مع السنتر وبتترفع فشكلها اكنو معووج وعايزة حد يعدلها اكييد عارفين يعني شكلها المهم يجي صاحبنا دة يحاول يعدلها ويجيبها يمين وشمال وفوق وتحت لحدلما جاب اجلها وكسرهالي وخلاها مدلدلة وشكلها يقرف الكلب المهم انا مكونتش واخد بالي منو عشان كان معايا تليفون بس شوفتو في الاخر بعد لما ظبتطهالي
المهم هو شاف المنظر دة من هنا وسمعني وانا بشتمو من هنا راح واخد ديلو في سنانو ويا فكيك واختفي من الشارع في ثواني والشارع كان شبه فاضي وحدش شافه ونزلت انا اشوف المأساة دي
المهم دلوقتي المرايا دي بتتصلح ولا لازم اغيرها خالص وهي اصلا كهرباء وضم مع السنتر فهل دي تتصلح ولا اجيبها استيراد كهرباء ولا اجيبها عادية وممن اوصلها مكان الققديمة وتشتغل عادي
افيدوني بقا عشان انا ملعرفش امشي من غير المرايات الجانبية .........والحمدلله علي كل حال

**kahk2008** · 23-06-2012 05:23 AM

بصراحة حاجة مستفزة

حاول تجيب غطاء للعربية هايريحك من القرف ده

**Mamoud salah H** · 23-06-2012 07:01 AM

ماهو انا كنت سيبها من غير الغطا عشان البواب كان هيغسلها والغطاء موجود بس عايز اعرف تتصلحولا اجيب جديد ولا استيراد عشان اعرف اعمل ايه

**windofchange** · 23-06-2012 10:04 AM

يابن ال.......... معلش ربنا يعوضك خير وفداك يامحمود الحمدلله قدرالله وماشاء فعل..اكيد لها صرفة وممكن تتصلح ممكن موديل العربية والسنة

**dfdfdf** · 23-06-2012 10:38 AM

ربنا يعوض عليكان شاء الله ، فى و احد فى الحرفيين اسمه تقريباً مصطفى طيارة دة بيصلح اى نوع مراية و لكنة راجل مغلوانى ، فسأل الأول على سعرها جديد و إستيراد و شوفه ممكن يصلحهاك بكام و بعد كده تقرر الأفضل .

يرجى تحرى الدقه عند كتابة ان شاء الله
وجب التنبيه لأختلاف المعنى كلياً
مشرف القسم 4ب

**فادى محمد** · 23-06-2012 11:20 AM

سعرها استيراد في حدود 250ج الواحده

**me_medoo** · 23-06-2012 12:47 PM

ههههههههههههههه معليش انا اسف اني بدحك بس موقف يدحك ... معليش ياباشا ... ضريبة الغباء ... وضريبة الجهل ... يالله قد أيه بحب الناس الي زي كده العبقرية والتطفل بيشر منهم ... فكرتني بمره كنت واخد عربية المدام وماشي والعجلة نامت ... وطريق مقطوع ببص على الاستيبن ليقتوا بايظ قمت قلت خلاص مدام الكوتش كده كده تعبان أمشي عليها وهيا بايظة لحد ماشوف محل كوتش وأجبلها جوز كوتشات جداد وخلاص المهم ماشي على جنب والعربية قاعده ترجرج ... والدنيا حر وطالع ميتيين ... وأبص الاقي عربية هديت جمبي وبيقولي يا أستاذ يا أستاذ العجلة نايمة هههههههههههههههههههه ... قلتلوا أده بجد تصدق مكنتش أعرف كنت فاكر العربية على وضع فايبريشن ... شكراً على المعلومة هههههههههههه

**Mamoud salah H** · 23-06-2012 05:52 PM

المشاركة الأصلية كتبت بواسطة me_medoo

ههههههههههههههه معليش انا اسف اني بدحك بس موقف يدحك ... معليش ياباشا ... ضريبة الغباء ... وضريبة الجهل ... يالله قد أيه بحب الناس الي زي كده العبقرية والتطفل بيشر منهم ... فكرتني بمره كنت واخد عربية المدام وماشي والعجلة نامت ... وطريق مقطوع ببص على الاستيبن ليقتوا بايظ قمت قلت خلاص مدام الكوتش كده كده تعبان أمشي عليها وهيا بايظة لحد ماشوف محل كوتش وأجبلها جوز كوتشات جداد وخلاص المهم ماشي على جنب والعربية قاعده ترجرج ... والدنيا حر وطالع ميتيين ... وأبص الاقي عربية هديت جمبي وبيقولي يا أستاذ يا أستاذ العجلة نايمة هههههههههههههههههههه ... قلتلوا أده بجد تصدق مكنتش أعرف كنت فاكر العربية على وضع فايبريشن ... شكراً على المعلومة هههههههههههه

يا باشا ولا يهمك انا نفسي كنت بضحك عادي

**Mamoud salah H** · 23-06-2012 05:54 PM

المشاركة الأصلية كتبت بواسطة windofchange

يابن ال.......... معلش ربنا يعوضك خير وفداك يامحمود الحمدلله قدرالله وماشاء فعل..اكيد لها صرفة وممكن تتصلح ممكن موديل العربية والسنة

الحمد لله علي كل شيء العربية اوبل فيكترا بي موديل 1996

-

الموضوع: غباء ولا جهل ولا اذي ولا كلوا علي بعض!!!!

LinkBack

أدوات الموضوع

عرض

-

-

-

-

المواضيع المتشابهه

غباء x غباء .... البلد دى هتنضف امتى بقى انا زهقت و جبت اخرى خلالالالالالالالالاص

غباء في غباء ....أخر اصدار...!!!!

حد يرقعني بالكف على قفايا : غباء x غباء

غباء فى غباء يؤدى الى ..............

الكلمات الدلالية لهذا الموضوع

المفضلات

المفضلات

ضوابط المشاركة