ايهم افضل ف السفر لمسافة طويلة (من الزقازيق الى اسكندرية) الطريق الزراعى ام الطريق الصحراوى ؟؟
وياريت لو حد يعرف ازاى اطلع من الزقازيق على طريق اسكندرية الصحراوى..ومدخل اليكس من الصحراوى ؟
ايهم افضل ف السفر لمسافة طويلة (من الزقازيق الى اسكندرية) الطريق الزراعى ام الطريق الصحراوى ؟؟
وياريت لو حد يعرف ازاى اطلع من الزقازيق على طريق اسكندرية الصحراوى..ومدخل اليكس من الصحراوى ؟
لو من الزقازيق لاسكندريه صحراوى هتكون لفه كبيره
1-لو هتطلع طريق بلبيس هتاخد الدايرى بتاع المرج وتنزل المحور وتنزل من المحور نزله -اسكندريه الصحراوى وتنطلق
2-ممكن تاخد دايرى المعادى وتخلصه كله وبعد كده تاخد وصله المريوطيه وتنزل على الدايرى بتاع المرج اتجاه اكتوبر وتاخد نزله اسكندريه الصحراوى بس دى لفه كبيره جدا (اتغابيت مره وعملتها وانا مروح للزقازيق بس كانت سالكه وزى الفل )
3-لو هتاخد طريق بنها هتروح على القاهره عادى وتطلع الدايرى من طلعه المؤسسه وتنزل المحور وتكمل زى اللى فات (طريق 1)
4-فيه بقى طريق اختصار بس الناس بتلعنه الوصله بتاعته اسمه كفر داود تقريبا
بعد ماتوصل بنها هتمشي يمين اكنك رايح اسكندريه زراعى وبعد كده تسال على الطريق اللى بيوديك اسكندريه الصحراوى وتدوس فيها
نفسي اجرب الطريق ده بس مكسل من اللى بسمعه عنه
5- ده اقصر طريق انك تسافر زراعى وربنا يسترها عليك ومتعملش حادثه فيه لانه طريق زباله وزحمه جدا
شكرا يا باشا..انا هاخد برأيك ان شاء الله وأخدها من الزراعى وربنا يسترها بقى ان شاء الله...بس المشكله اللى هتقابلنى بقى دخلة اسكندرية نفسها لغاية ما اوصل الكورنيش عشان معرفش الطريق ...ربنا يسهل والواحد ميتوهش بقى
الزراعي زباااااااااااااااااااااله وهيكرهك في نفسك ومطبات كل 2 كيلو او اقل
علي كلام شداد بك المطبات دي هتطول عليك الطريق وهتزود استهلاك البنزين وممكن الاستهلاك ساعتها يتساوي عالصحراوي زي الزراعي
الصحراوي اروق وامتع لو عايز تجري وبتبقي ماشي 150 ومش حاسس بالسرعه لكن الزراعي 120 تلاقي العربيه بتتنطط وعربيات نقل وكل شويه تلاقي عربيه نقل ماشيه تفضل ربع ساعه تيجي شمال ويمين عشان تعدي منها لكن الصحراوي بتمسك حاره مش بتسيبها
على فكرة الزرارعى اتصلح فيه حتت كتيره جدا
بالذات فى محافظة البحيرة
وبقى افضل شوية
بس يعيبه طبعا المطبات الكتيرة كل شوية
حتي في البحيره اتملي مطبات
احسن حته في الزراعي كله من دمنهور للأسكتدريه ومن الأسكندريه لحد كفر الدوار بعد كده ميتمششاش عليه بمليم
طبعا ده غير الوصله الرائعه اللي هي الزارعي الجديد او الدائري او زي مابيسموه اللي هي من عند قويسنا لحد كفر الزيات
سمعت ان طريق الزقازيق طنطا عليه قطاع طرق؟؟صح