السلام عليكم اعضاء المنتدي الكرام
المشكله ببساطه العربية واطيه جداً!!!!
المشكله ممكن تكون من ايه او ابص علي ايه؟؟
ملحوظه : لسه منظف رشاشات وبوابه.
منتظر ارائكم
عرض للطباعة
السلام عليكم اعضاء المنتدي الكرام
المشكله ببساطه العربية واطيه جداً!!!!
المشكله ممكن تكون من ايه او ابص علي ايه؟؟
ملحوظه : لسه منظف رشاشات وبوابه.
منتظر ارائكم
عموما سلانسية العربية لما بيكون واطى بيكون من بلف الايدل جرب تنظفة ب wd-40 وان شاء الله هتبقى تمام
منور القسم يا أفندم و لكن ..
معندناش بلف أيدل في العربيات دي خالص اللي بيتحكم في كل حاجه هو البوابة
الي صاحب الموضوع
واطي يعني كام بالضبط
ياريت نوع الموتور ايه يعني كام سيسي و انجيكشن كامل ولا كابيراتير
علي العموم لو انجيكشن كامل و الأر بي ام اقل من 600 لفة في الدقيقة يبقي البوابة مش بتفتح في السلانسيه
ياريت تقلنا عملت كده امتا و بعد ايه و كانت مضبوطه امتا
اكشف كمبيوتر او جرب تغير بوابة لأني عارف العيب ده و مقرف جدا
كنت بتخلص منه بتنظيف البوابة و لكن انت بتقول انك لسه منظفها
جرب لما يحصل كده دوس علي دواسة البنزين لحد 4 ار بي ام و انت واقف و شوف حصل ايه لأن لما كنت بتحصل معايا كنت بعمل كده كانت بتتظبط علي سلانسيه طبيعي
طيب لما نضفت فصلت البطارية و وصلتها تاني بعدها بشوية ولا مشلتهاش خالص ؟ لو كده شيل كابل البطارية السالب شوية و رجعه و قلنا ايه الأخبار
لما تكشف قلنا نتيجة الكشف ايه و ياريت تجيب رقم الايرور و ربنا ييسرلك الحال
وده صوره الرشاشات بعد التنظيف
بس في حاجه يا هندسه مش عارف ليه شكلهم غريب غير اللي كان المهندس محمد السيد حاططهم
وكمان مع التنظيف الرشاش بيطلع خط واحد مش بيبخ
ده صح ولا ايه النظام
http://img232.imageshack.us/img232/138/photo0002ml.jpg
باشا واضح ان الرشاشات مش بتاعتها
الرشاشات عندنا بتبخ من اربع فتحات وبتعمل زي الدش
لو ركزت هتلاقي 4 فتحات رفيعين جدا بيطلع منهم البنزين
أولا الايرور و فيه مش هتقدر تعرفه غير لما تكشف عليها كمبيوتر و تشوف الكنترو مسجل ايه
ثانيا بصراحة الرشاشات عندك غريبة فعلا و لكن احتمال تكون هي دي فعلا رشاشات الموتور بتاعك لأنك لاحظ ان موتورك 1600 و موتور محمد 1400 فالمفروض يكونو مختلفين
ثالثا أعتقد لا توجد علاقة بين الرشاشات و بين مشكلتك نهائيا لأن الرشاشات لا تتدخل نهائيا في عمل البوابة لذلك انصحك بالكشف بالكمبيوتر حتي تري ما هي المشكلة
أعتقد ان حساس المانيفول ممكن يكون السبب و لذلك عايزك تجرب تشيل فيشته و تدور العربية لحد ما تسخن و شوف ايه هيحصل