استاذ عمرو
انا شايف انك متحامل علي العربية دي بعض الشىء !!
العربية لذيذة اوي (هي فعلا شبيهة ب اكسنت) لان كيا وهيونداى شركة واحدة و العربيتين من نفس الفئة تقريبا لكن ده مش عيب فيها
اما عن الاداء فهي 1300 Cc اقتصادية التشغيل وثابتة علي السرعات العالية (لغاية 160 ) حسب ما جربت
العربية اوسع في الصالون من الاكسنت واعلي عن الارض والشنطة اكبر
العربية من الداخل والخارج في حجم اللانوس بالظبط
اما عن التكييف فهو جيد في الظروف العادية ولا بد من تحميلة علي الموتور لانها 1300 وما فيش عربية تكييفها لا يؤثر علي ادائها الا في ال 1600 او اكبر
وبعدين العربية كوري (مش المانى مثلا) فلا تتوقع منها اداء الاوبل او الفولكس او ال Bmw
وبعدين موضوع تقل العربية مع التكييف ده بيرجع لسواقتك وفهمك الكافي للعربية تحت رجلك وامتي تعلي بالغيار او تنزل بيه (حسب تكيفك مع العربية)
باختصار العربية زي اي عربية كوري في فئتها لكن هي 1300 مش 1500 وصالونها مناسب في الحجم و الشكل الجمالي وقطع الغيار موجودة عند حلمي سليمان في رمسيس او الجندي في شارع دمشق والتوكيل الجديد (محمد نصير) او القديم (وليد توفيق)
وانا مش عارف اشاعة الفرامل اللي بتسخن دي جاية منين ومالهاش اى وجود
المفضلات