ان شاء اللة ناوى اخد الاولاد واقضى اسبوع فى شرم الشيخ ودية اول مرة ليا بصراحة اروح شرم الشيخ
عايز مكان يكون كويس اقعد فية سواء resort او hotel وانهى احسن؟
يفضل يكون all inclusive طبعا واية الاسعار ؟
عرض للطباعة
ان شاء اللة ناوى اخد الاولاد واقضى اسبوع فى شرم الشيخ ودية اول مرة ليا بصراحة اروح شرم الشيخ
عايز مكان يكون كويس اقعد فية سواء resort او hotel وانهى احسن؟
يفضل يكون all inclusive طبعا واية الاسعار ؟
متابع
ولو في اسعار وتفاصيل عن حتت تانية زي الساحل والعين السخنة والغردقة ومارينا يبقى كويس برضه
اجازة سعيده ان شاء الله
رينج الاسعار بالنسبة للغردقة او شرم
4* 600 جنيه الدبل a/i
5* 800 جنيه الدبل a/i
الاطفال اول طفل لغاية 12 سنة فرى والتانى لغاية 6 سنين فرة وبعد 6 سنين لغا 12 سنه بيدفع 50%
الاسعار دى لغاية اول رمضان فقط بعد كده بتنزل كتير حوالى 25% ، وبتختلف طبعا من فندق لفند حسب الاختيار .
على راءى احمد حلمى
انا مش من شرم.
ههههههههههههه
تروح وتيجى بالسلامة يا برنس.
الف شكر للرجالة
كان ليا واحد صاحبى نزل فى فندق اسمة تروبيكانا بيشكر فية اوى وبيقولى الغرفة دبل ب حوالى 500 جنية
انا عايز اقتراحات فنادق تكونوا فعلا مجربينها وطرق الحجز والاسعار والسلطات والكلام دة
متاااااااابع معاك عشان ناوي ان شاء الله اروح اسبوع عسل برده وعاوز اعرف ايه الظروف
بلاش ال all inclusive
الاكل دايما بيبقى زفت
اعتقد All inclusive ده مش هيبقى ليه داعى و بيزود الوزن جداً :) . Half board هيبقى كفايه قوى إفطار و عشاء و لو حد من الاولاد جاع و لا حاجه عندك مطاعم وجبات سريعه فى خليج نعمه و بالمره لو اكل الفندق طلع وحش تبقى ما اتدبستش قوى. :hot_dog:
تمام يبقى كده احنا عرفنا ان الهاف بورد احسن
طيب ايه اماكن الاقامه الكويسه وطرق الحجز
انا قعدت فى شرم الشيخ 5 ايام الشهر اللى فات كنت بقضى شهر العسل بتاعى فعلا كانوا اجمل 5 ايام
كنت نازل فى فندق فى قلب خليج نعمه ودى افضل مكان فى شرم الشيخ
الفندق اسمه تروبتيل نعمه باى ده فندق 5 نجوم وسعره الحجره دبل كان 600 جنيه سى فيو هاف بورد ( على فكره مش هتحتاج 3 وجبات لان العشاء هناك بيبدأ الساعه 6 او 7 بالكتير )
طيب سؤال عبيط يا جماعه انا نفسي اعمل diving :)
بس انا بعوم عوم كلابي مبعرفش اعوم يعني هل في امل اني اعمله ولا هغرق ولا ايه هههههههههه
بعد اذن صاحب الموضوع. مفيش مكان في شرم او الغردقة فية حمام سباحة خاص Private pool؟
أنا لسة جاى من شرم من أسبوع تقريبا
بص يا سيدى الفاضل...........انت عندك طريقتين للحجز فى الفنادق........يا إما مع نفسك (individual) بلغة الفنادق.......وطبعا بيبقى أغلى...........أو تبع شركة سياحة وطبعا بتبقى أرخص.........والطريقة التالتة ....واسطة
انا نزلت فى فندق اسمه LTI Tropicana Grand Azure
خمس نجوم all inclusive .....ويعتبر صفقة رابحة موضوع ال all inclusive.........ما تروحش هاف بورد.........ليه؟.........لأن طول ما انت فى الفندق ....يا إما فى البسين يا إما فى اليتش........والحاجتين دول بيجوعوا أوى........دا غير المشاريب.........عصاير وبيبسى وكابتشينو ........ويا سلام بقى وانت جوة فى البيسين وحبيت تشرب حاجة ساقعة وانت جوة المية........مية مية......
ملحوظتى بقى فى جودة الأكل.......يعتبر كويس......مش وحش......بس مش جامد.......
بس كان فى مثلا مطعم السناكس.....شاورما وهمبورجر وبطاطس.......كان تحفة جدا.......على البيتش.......
والسى فود كان فى جمبرى وسبيط...........دى مطاعم بالحجز وببلاش برضه..........كانوا 4 مطاعم (ايطالى وشرقى وصينى وسى فود)........والمطعم الرئيسى عادى من غير حجز.......لكن اللحوم ماكانتش حلوة اوى......بس شغالة.....يعنى تقدر تقول عايزة تتبل شوية كمان.
لكن الفطار كان كويس جدا......والحلويات كانت كويس برضه
بالنسبة للأسعار.........الغرفة دبل ب 700 جنيه لو مع نفسك
ولو تبع شركة سياحة ب 500 جنيه
بس للعلم.......وانا هناك كنت عرفت ان الأسعار هتزيد بعد 15/6.....من 50 الى 100 جنيه فى الليلة
وانا هناك كان عجبنى فندق تانى اسمه The cleopatra luxury .....وكانت الليلة فيه لو مع نفسك ب 600 جنيه all inclusive
وخمس نجوم وفندق شيك جدا ولسة جديد.......بس هادى شوية
معلومة عالماشى: لو هتحجز تبع شركة سياحة يبقى لازم تدفع المبلغ للشركة قبل ما تسافر ......وممكن تدفع جزء....والباقى تدفعه لما توصل فى الفندق.......
وعشان تطمن أكتر.....لما تتفق مع شركة السياحة .......اتصل بنفسك فى الفندق اللى هتختاروا واتأكد من الحجز.......وبالتوفيق
احب دماغك العاليه :)
بص يا كبير علشان انا كنت فاكر انى الوحيد اللى بطلب الطلبات العجيبه دى :)
فى عندك فندقين فى مصر فيهم private Pool
1) سهل حشيشي فى فندق اسمه oberoi لازم تاخد جناح مش غرفه فى نوعين من الجناحات هناك Grand Suit w Royal Suit الاتنين فيهم Private pool بس طبعا ال رويال اكبر وفيه حمام ضيوف وغرفه تغير مبلابس وكلام ملوش لزمه بصراحه فانت خليك فى ال Grand . بكام بقى فى الليه هما عاملين offer لاغايه اخر ديسمبر سعر الجناح فى الليله الواحده فطار بس 2400 جنيه :10D5C8w1107:
2) عندك فندق البارون فى شرم الشيخ وده حاجه خزعبليه بشكل مش طبيعى .. عندهم فكره ال Private Pool فى الجناحات برضو بس ده مبالغ فيه بصراحه لان سعر الليله فيه 5000 جنييييييه :waaaht:
لو بتفكر تقضى شهل العسل زى حالاتى كده وعايز مكان متقلقش منه وتبقى على رحتك انت ومراتك خليك فى سهل حشيش :go:
أخوك أحمد
طيب مفيش شركات ياحه معينه ترشحها
قلنا شركه السياحه اللي سافرت تبعها وتليفونها ايه وهل فيه موقع نت ليهم و فيه انتقالات ولا سافرت مع نفسك ووصلت للفندق ازاي
ايوة كدة اللة ينور ومنتظرين اقتراحات الرجالة ان شاء اللة الموضوع يكون مرجع كويس للعايز يروح شرم
تجربتى انا فى شهر العسل نزلت فى منتجع Domia coral bay
منتجع بتاع واحد ايطالى كبير جداا مبنى على الطراز المغربى فندق تحفة وممكن تتفسح وتخرج فيه و فيه مناظر روعه
انا كنت حاجز عن طريق واحد صاحبى شركه سياحه وكده كانت فطار بس ب 470 لما وصلت هناك عرفت انه الفطار ونفس العر2ض من الفندق ب 270 فحاول تشوف ارقام الفندق او اى فندق واحجز عن طريقهم وتدفع لما توصل او بكريديت ارخص بكتييييير
مشكله الاكل انه بمواعيد وما ينفعش تروح تاكل بعد المواعيد دى
فيه مطاعم هناك كتير فى السوق القديم اجمدهم مطعم فارس بتاع الاسماك واسعاره عاديه مش سياحة انا شفت فيه ممثلين كتير و الاكل فيه بالدور من الزحمه
وفيه مطاعم اكل عادى برضه
فى خليج نعمه ما حستش بانبساط اوى قعداته مش بتاعتنا رقص و كده
لو تعرف تروح بالعربيه هتستفاد كتير وهتعرف تروح وتيجى ووتتفسح لانه التاكسيات هناك نار وهتحس نفسك مخنوق
ورحلة سعيده يا باشا
كنت هناك من كام اسبوع
في منتجع ريجنسي بلازا
اختارته عشان فيه اكوا بارك كبيرة للاولاد وده كان هدفي
كنت حاجز بول فيو ولما وصلت سكنوني في جاردن فيو كلمت الرسيبشن قولتله ازاي
اعتذرو ونزلوني في غرفة رباعية بول فيو وعلى الاكوا كمان وشالية ارضي فكان متعة انك تتابع العيال وكل شوية داخل وخارج الاوضه من غير ما تتعب وتطلع وتنزل
كان اول انكلوزيف سوفت درينك بس الاكل مكانش قد كدة
بس كان في مطعم شرقي ومطعم اكوادوري على صيني ومطعم ايطالي وال 3 بالحجز وكانو فعلا كويسين
بس في الصيني بيدو حلف ما ياكل لما لقي اخطبوط عالترابيزة :-) وقضاها تفاح وكان مقلق :-)
وافتكر نفسه في فيلم هنيدي وقرف
البحر كان حكاية وكان الشاطيئ كبير جدا وكان في وتر سبورتس كتير
وانا عملت باراسيلينج
وهنا شوية صور
http://a2.sphotos.ak.fbcdn.net/hphot...58277898_n.jpg
هنا الاكوا بتاعت الاطفال
http://a3.sphotos.ak.fbcdn.net/hphot...15015566_n.jpg
وهنا بالباراسيلينج
http://a2.sphotos.ak.fbcdn.net/hphot...28870557_n.jpg
وده لينك الاوتيل
Regency Plaza Aqua Park & Spa Resort - Sharm El Sheikh
هو في خليج نبق
وانا روحت بالعربية عشان مابحبش بهدلة الاتوبيسات والطيارة مبالغ فيها
كنت واخد الاوفر 4 ايام 3 ليالي ب 750 للفرد العادي بيكون ب 1050 في الوقت ده
مع شركة سياحة في الهرم معرفش غير تليفونهم وحطيت الفلوس في حسابهم وهما حاسبو الاوتيل
وخدت حاجتين
دخول مبكر وده كان الساعة 10 بدل الساعة 2 فكدة خدت يوم من اوله
وكمان انا كنزي 8 وشوية وبيدو 6 فخدت الطفلين فري
الاكل هناك مش قد كدة بس كنت بنتعايش والروس غاية في الغباء
في الصورة اللي كنت نازل فيها في الاكوا وكنت لوحدي
روسي غبي بعد ما نزل قبلي وصفرو عشان انزل مراتة قالتلة الصورة ماطلعتش كويسة
رجع عن الزحليقة يتصور في نزولي
دخلت فيه برجلي خلعت كتفة وانا جنب عيني اتفتحت وكنت لسه عامل ليزك وكانت بهدلة بس الحمد لله عدت علي خير
نعمه باي تروبيتيل...
ده اللي إتصور فيه فيلم خليج نعمه..
هو فندق كبييييييييييير.أو بتعبير آخر منتجع..فيه حوالي سبع حمامات سباحه..
لو هتختار.إختار نظام الأكل فطار +عشاء.لأن الغدا من 3 ل 5..
و غالبا إنت مش هتكوت موجود في التوقيت ده...
لأن فيه فسح لازم تتعمل زي الرحله البحريه اللي فيها diving أو snorkeling.
و فيه السافاري.
و أنصحك ب ألف ليله و ليله.دي في الهضبه.دي قرية تابعه لكامل أبو على.
فيها عروض رقص شرقي و إستعراضات.و هي مبنيه على نمطقرى ألف ليله وليله فعلا.
طبعا البنانابوت أو التيوب ...يعني هي شرم بصراحه مكان ممتاز للفسح..و أسبوع فتره ممتازه للإستجمام كافيه فعلا.
بس إنس النوم هناك.لأن معظم الرحلات بتكون الصبح بدري.
سعر الغرفه لشخصين كانت الرسمي بتاعها تقريبا 900 جنيه..
بس لو تعرف حد ممكن يعملهالك بحوالي 450 جنيه.(اللي أنا إتحاسبت عليه)..
و رحله سعيده إن شاء الله.
[QUOTE=Eng:mohamed;3874397128]نعمه باي تروبيتيل...
ده اللي إتصور فيه فيلم خليج نعمه..
هو فندق كبييييييييييير.أو بتعبير آخر منتجع..فيه حوالي سبع حمامات سباحه..
لو هتختار.إختار نظام الأكل فطار +عشاء.لأن الغدا من 3 ل 5..
و غالبا إنت مش هتكوت موجود في التوقيت ده...
لأن فيه فسح لازم تتعمل زي الرحله البحريه اللي فيها diving أو snorkeling.
و فيه السافاري.
و أنصحك ب ألف ليله و ليله.دي في الهضبه.دي قرية تابعه لكامل أبو على.
فيها عروض رقص شرقي و إستعراضات.و هي مبنيه على نمطقرى ألف ليله وليله فعلا.
طبعا البنانابوت أو التيوب ...يعني هي شرم بصراحه مكان ممتاز للفسح..و أسبوع فتره ممتازه للإستجمام كافيه فعلا.
بس إنس النوم هناك.لأن معظم الرحلات بتكون الصبح بدري.
سعر الغرفه لشخصين كانت الرسمي بتاعها تقريبا 900 جنيه..
بس لو تعرف حد ممكن يعملهالك بحوالي 450 جنيه.(اللي أنا إتحاسبت عليه)..
و رحله سعيده إن شاء الله.[/QUO
اللة ينور بس على كلامك دة انا لازم اشوف حد طبعا طالما فيها تخفيض النص ومتشكرين على مرورك
بص يا سيدي الفاضل .. ليا3 تجارب في فنادق البحر الاحمر ال All Inclusive
اول مرة كان في فندق اسمه Hostmark Oriental Resort وده قضيت فيه اسبوع .
مميزاته : 5 نجوم - غرف نظيفة جدا - الاكل كان تحفة ! تحفة بجد ! مش تهريج ! - خضرة و حدائق و زهور و لاندسكيب ظريف جدا - في وشه الناحية التانية La Strada Mall فيه Burger King وكام محل و كافيه كدة
عيوبه : الActivites فيه قليلة و البحر مقرف ميتزلش (بركة راكدة) - للاطفال مفيش غير زحلقتين في حمام السباحة و بس على كدة
Oriental Resort Sharm El Sheikh (Nabq Bay, Egypt): Hotel Reviews, Deals, and Photos - TripAdvisor
---
الثاني شرم الشيخ - راس ام السيد :
Iberotel Fanara Club Resort
مزايا : 5 نجوم - موقع متميز للسباحة و الDiving وال Snorkling - قرية ضخمة جدا - 7 مطاعم مختلفة بموائد مختلفة - مسرح كبير داخل القرية - الفندق على هضبة و المنظر بيبقى تحفة لو غرفتك Sea View
Activities كتير جدا - بحر ينفع تنزله و تعوم فيه بشاطئ خاص .
عيوب : الفندق على هضبة .. والشاطئ تحته .. فلازم تنزلك رامب Zig Zag كدة لحد تحت في الحر .. بس في مكنة بيبسي كل 15 متر وببلاش طبعا All Inclusve ... لزوم العطش :)
Iberotel Club Fanara & Residence (Sharm El Sheikh, Egypt): See 457 Hotel Reviews and 504 Photos - TripAdvisor
التالث في الغردقة ...
فندق Iberotel Aquamarine Resort
مزايا : 5 نجوم - الفندق مفتوح في 2009 - بيلمع من النظافة - فندق ممتاز جدا جدا جدا جدا جدا - 4 مطاعم مختلفة يوميا بوجبات و Themes مختلفة - اكوا بارك منفصلة عن حمام السباحة - الفندق كبير و ينفع للتمشية باليل - الActivites باليل كتير جدا - بصراحة امتح مصيف رحت فيه في مصر ! - حمام سباحة واسسسسسسسسع و كبيييييييييييييييييير جدا
العيوب : مفيش تقريبا غير برده البحر مش حلو اوي (بحيرة) و بعض الناس الي شغالة عايزة تتقرص علشان يعملولك حاجة .
Iberotel Aquamarine Resort (Hurghada, Egypt) - Hotel Reviews - TripAdvisor
انا بصراحة مبسوط عامة من سلسلة Jaz/Iberotel وهما بيبقى اغلى شوية من الفنادق العادية بس بصراحة لسبب واضح وهو انهم احسن ..
--------
نصيحة لو مش فارق معاك شرم ... روح الغردقة و روح فندق اكوامارين ده ... بدون مبالغة من احسن و احلى اجازات قضيتها في حياتي و كانوا 3 ايام بس و مديتهم ل 5 :)
نصيحة اخوية .. مسترخصش .. يعني اكوامارين ده 4 ايام 3 ليالي فيه ب 1500 جنيه تقريبا للشخص الواحد في غرفة Double لو جالك واحد وقالك في واحد زيه بالظبط بس ب 800 جنيه ... اعرف وش ان في حاجة غلط .. يا اكل اي كلام يا غرف اي كلام يا حمامات سباحة معفنة :)
باشا خدها نصيحه من واحد داعك فنادق شرم
عاوز اوتيل رومانسى وحلو واكله كويس وفلوسه مش غاليه عليك وعلى tropicana club azure هو مش على الببحر بس مسموح ليك تدخل جراند ازور وتستخدم البحر سعر الليله فيه من 350 الى 400 للغرفه الدبل all inclusive
عاوز فندق فيه اكوا بارك كتير وتهيص لو عندك اولاد واكله تحفه وخدمته ممتازه وبرضه سعره على الاد tropicana sea beach سعر الليله من 500 الى 550 فى الليله وبرضه all inclusive
نصيحه من اخ خليك فى الفنادق اللى فى نبق وابعد عن خليج نعمه صدقنى هاتستمتع اكتر