معايا لحد 120 الف، اجيب ايه؟ بشرط الامان

السلام عليكم
شباب
أنا من فترة وانا ناوي اشتري عربيه جديده، ودلوقتي لازم اقرر علشان اتوكل على الله واشنري خلال ايام قليله
انا هقدر ادفع لحد 120 الف بالكتير باذن الله
بس فيه مشكله كبيره
انا لطبيعه شغلي ودراستي بسافر كتير جدا على مصر اسكندرية الزراعي وطبعا كلكوا عارفين دا طريق زباله قد ايه والسواقع عليه غبيه جدا
علشان كده انا اهم حاجه عندي في العربيه هى ال safety.
abs و ebd والثبات والاير باج ان امكن
وكمان بالنسبالي الاوتوماتيك شرط اساسي
سعر اعاده البيه مهم طبعا لكن مش شرط اساسي لان الامان والثبات والمحرك عندي اهم
المشكله بقه اني بقالي شهور محتار، المستوردين البهوات زي منتوا عارفين يجيبوا العربيه ويملوها كماليات ويشيلوا منها عوامل الامان
واللي يحطوا فيها امان ميبقاش فيها كماليات او محرك زي الريو الجديده كده
اللي فيها الاتنين بقه سعرها في السما
لدرجة اني بدأت أفكر اجيب برسونا او جين 2 رغم اني اقدر اجيب اغلى منها لاني شايفهم الوحيدين اللي بيجمعوا بين الامان والمحرك والكماليات رغم اني عارف ان صيانتهم غاليه شويه
انتوا عرفتوا اولوياتي
يا ريت تفيدوني لاني محتار جدا ومش قادر اقرر، ولازم اخد قراري بسرعه جدا
وشكرا مقدما

نيسان تيدا

نيسان صنى الجديدة أو تيدا عشان التيدا أعلى

الصنى الجديده افضل اختيار.......

صني او تيدا

سكودا - رومستار

هو على حد علمي لو بتدور على أمان يبقى تدور على الألماني..

فورد فييستا - اوبل كورسا

لو عايز امان وعلى قد الفلوس اوكتافيا a5 هاتبقى اتوماتيك وفرش جلد واتنين تكييف ودرج التابلوه والكونسول مبرد و abs ,ebd esp ودول اهم حاجه وزينون وكاسيت 6 اسطوانات وسعرها كويس بس ياريت تقع فى واحده نضيفه بس دى افضل اختيار

رينو فلوانس كسر زيرو

لو زيرو يبقى صنى جديده

abs
ebd
ba
2 air bag

اقتباس:

---

المشاركة الأصلية كتبت بواسطة mido353235

لو عايز امان وعلى قد الفلوس اوكتافيا a5 هاتبقى اتوماتيك وفرش جلد واتنين تكييف ودرج التابلوه والكونسول مبرد و abs ,ebd esp ودول اهم حاجه وزينون وكاسيت 6 اسطوانات وسعرها كويس بس ياريت تقع فى واحده نضيفه بس دى افضل اختيار

---

رأي صح الصح

اقتباس:

---

المشاركة الأصلية كتبت بواسطة Land_Cruiser

رينو فلوانس كسر زيرو

---

ده الكلام الصح :bravo:

اقتباس:

---

المشاركة الأصلية كتبت بواسطة mido353235

لو عايز امان وعلى قد الفلوس اوكتافيا a5 هاتبقى اتوماتيك وفرش جلد واتنين تكييف ودرج التابلوه والكونسول مبرد و abs ,ebd esp ودول اهم حاجه وزينون وكاسيت 6 اسطوانات وسعرها كويس بس ياريت تقع فى واحده نضيفه بس دى افضل اختيار

---

انا راي من رأي الراجل ده الاوكتافيا عربية محترمة جدا
وواحد قالي عايز تركب عربية اركب اوكتافيا
بس المشكلة انك كده هتخش في دوااااامة المستعمل وانت ونصيبك
اما الرأي التاني انا شايف النيسان اللي نازلة جديدة تحفة برضه
اصلا العربيات النيسان بحترمها والنيسان اللي نازلة جديده دي خلاني احترم الشركة اكتر

CITROEN C3 Picasso افضل عربية بتقدم سعر مقابل وسائل الأمان ب 128000

ESP-ABS-EBD

أو ممكن تشوف رينو فلوانس أعلي فئة اللي فيها 6 اير باج مستعملة عاملة بتاع 40 ألف كيلو في حدود 120 الف

FORD Focus
RENAULT Fluence
Fiat Punto
فيه فئه من الالنترا الجديده أوتو و ABS عامله 134 باين !
فكك من الهيونداي عشان الرانج بتاعك هيجيبلك حاجه أي كلام
(انا معايا هيونداي و الحمد لله نعمه من عند ربنا بس عوامل الامان عند خبور من الكباير )

C3 picasso

اولا انت شرط عندك جديد ولا ممكن كسر زيرو
لو كسر يبقي دور في الالماني(فيكترا+-اوكتافيا-استرا-سيات ليون-بي ام بس قديم شويه 318 2001 مثلا) وبعديه الفرنساوي(بيجو 307 -رينو ميجان+فلوانس)
وممكن باردو لانسر شارك كسر زيررو اعلي فئة
لو جديد بقي مش هقدر افيدك بصراحة وربنا معاك

نيسان صني الجديدة مقابل مائة ألف فقط... ووفر العشرين ألف أفضل

صنى الجديدة طبعا

رينو داستر

عربية عالية, واسعة جدا, شنطة مهولة حتشيلك في السفر
استهلاك بنزين خرافي 8-9 لتر/ العادي وممكن اقل من كده على طرق السفر
توكيل محترم
كاوتش 215 او 225 مش متذكر اوي
جنط 16
ثبات عالي جدا
abs, وتقريباebd
2 ايرباج وممكن تلغي بتاع الراكب الامامي
تصفيح اسفل المحرك

صياناتها في المعقول انا لسه مغير التيل بتاعها ب 330 !!!!!!!!!!!!!!! يا بلاش

http://img844.imageshack.us/img844/8...erfrontsid.jpg

الأمان = الأوروبي

لو عايز عربية فيها وسائل أمان بس سيرفيس وصيانة بشكل دوري يبقي ألماني
وفي الألماني يبقي هتعدي ال120 بكتير للزيرو
انصحك بأستعمال حالة نظيفة هتبقي احسن من جديد مافيهوش وسائل امان

أفضل الأختيارات للألماني بالسعر دة
اوكتافيا 2008 - 2010 - جيتا 2007 - ليون 2010 - فيكترا 2008
كلهم فيهم وسائل أمان وكماليات اكثر مما تتمني

الجديد ماعرفش فيه اوي ولكن احب اقولك ان الجديد ألماني أقل واحدة معدية ال140 مستريح زي الكورسا والليون

والله المستعان
،
،

انت جبت بقى ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ظ

بلاش تجيب برسونا - ناس كتير بتشتكي منها و من توكيلها عز العرب

اللانسر ايه رايك فيها ؟

و ممكن تجيب BMW 316i نضيفه موديل 2005 بالسعر دة

لسه والله مستقرتش يا جماعه
بس ارجوكوا لازم زيرو
واغلب الاختيارات ال موجوده اللي بتعرضوها اللي فيها امان واتوماتك كلها فوق ال 120 الف
الرجاء الالتزام بالسعر علشان بجد مش هقدر ازود عنه جنيه
الرجاء المساعده

الجين 2 افضل اختيار بالنسبة للسرعة والثبات والامان بالنسبة للواقع وايضا صاجها تقيل وحط دي في بالك

نيسان صني 2013 اوتو
عوامل الامان:abs+ebd+2airbags
السعر:100.000 جنيه اوتو
95000 مانيوال

المانى ركوبة وامان
بس طبعا مستعمل

صنى 2013 او تيدا اول فئه(فول اوبشن-------115 الف)