Re: اسبرانزا محروقه(منقــول)
اقتباس:
المشاركة الأصلية كتبت بواسطة sh_masry
اسبيرانزا محروووووقة
ahmedatef21@hotmail.com 19/06/2007 03:16:29 م
عدد القراء : 23
هذه هي الحقيقة صدق او لا تصدق بعد استلامي العربية بشهر وعشرين يوم كنت رايح مشوار وركنت العربية وبعدربع ساعة لكانت العربية محروقة تماما في الموترور وضفيرة الكهرباء والبطارية وخلافه طبعا ذهلت وقمت مكلم التوكيل قالولي هاتلنا العربية وطبعا ودتلهم العربية والناس مشكورة بكل ذوق قالت انها هاتجيب اللجنة الذكية الذرية المستحية تعاين الموقف وتقولنا ايه رايها الفني اللولبي في اسباب هذا الحدث الجلل وبعد كام يوم رحت عشان اشوف راي اللجنة المستحية لقيت مدير الصيانة مشكورا بيقولي ان اللجنة جت وفحصت ومحصت واسرفت وقالت ان العيب مش عندك ولا من عند الصيانة ولا من عند المصنع فذهلت اكتر وقلتله يعني ايه اللي انت بتقوله ده قالي ماعرفش طيب اه الوضع قالي ماعرفش طيب الحل ايه قاللي ما اعرفش والصراحة الراجل مشكورا افادني في كل استفسار حبيت اعرفه منه لدرجة حسيت انه مفروض يمسك مكانة اعلي من اللي هو ماسكة وبعد مدواولات ومناقشات وخناقات قالولي مشكورين ولهي ان هما سوف يتكرموا عليا ويصلحولي العربية علي حسابهم الشخصي ولكني رفضت هذا العرض لان مش معقول العربية بعد شهرين تكون مغيرة الموتور وضفيرة الكهرباء وراشه دواخل وخوارج وحاجة زي الفل وطبعا انا بقالي شهر بتهاتي معاهم في ان اللي هما بيقوله ده ماينفعش والحمد لله ماحدش معبرني بالجذمة ارجو من يستطيع تقديم حل لي ان يوافيني به او من وجد حالة مماثلة ان يخطرني ومن يريد التاكد العربية موجودة في مكز الصيانة اللي في جسر السويس وهما كتر خسرهم مخبينها في الدور الثاني عشان خاطر الحسد بصراحة مس ذوق ذوق ذوق ارجو من يستطيع الافادة متابعتي
الرد
أظهر كل الرسائل فى نفس الموضوع
أظهر كل الرسائل من
ahmedatef21@hotmail.com
منقول من كونتاكت .................
ياريت يا شريف تعرض عليه أنه يبقى عضو هنا معانا وبالتالي ينضم إلى الرابطه وربنا يسهل ونقدر نعمل له أي شيء
وأنا يا جماعه شايف أن الراجل صاحب الراسله دي فعلا محتاج الوقوف بجانبه بجد وده هايبقى أول أختبار لقدرة الرابطه بتاعتنا
وأنا على أستعداد أن أشارك في محاولات أستعادة حق هذا الرجل
والحق يا جماعه مالوش دعوه بأي حيثيات
يعني لو معانا حد في المنتدى محامي أو حد يقدر يفيد الراجل ده ياريت ما يتأخرش في الأول والأخر ده راجل مصري وأبن بلدنا ودافع زينا دم قلبه في عربيه