-
تذكر الصيانة
الافيو عربة حلوة بس محتاجة تتعامل كويس فمتنسوش يا شباب الاتي
- فلتر الزيت
- تيل فرامل امامي
- فلتر بنزين
- زيت فرامل
- طقم بوجيهات
- سير محرك
- سير كاتينة
و بالنسبة لسير الكاتينة هو ممكن يستني لحد 100 الف كم بس طبعا ملهاش لازمة تجازف و امشي حسب المانيوال بتاع الصيانة
برضه
- كل 40 الف كم ظبط زوايا عجل و اتزان او كل ما تحس ان العربيه محتاجة
- كشف علي نظام التكييف كل 15 الف او كل سنة و الكشف يشمل تنظيف فلتر الهواء و يراعي تشغيل التكييف في الشتاء لفترات بسيطة و في الصيف يراعي تشغييل التكييف علي الساخن و ذلك لتجفيف اي مياه راكدة في النظام
- كل 200 الف كم صيانة شاملة لنظام التكييف
الكشف الدوري علي الشاسية و في حال ملاحظة اي كحتات يجب رشها ب 40dw و دهانها بالبلك و متابعتها كل فترة عشان متسببشي مشكلة بارومة علي المدي الطويل
في ملاحظات كدة في الاستخدام
- متتحركشي بالعربية قبل ما عداد الحرارة يبتدي يتحرك من علي الصفر
- قبل متطفي المحرك سيب العربية دايرة علي السلانسية لمدة دقيقتين
و لو حد من الشباب عنده اي حاجة زيادة يا ريت يقولها
-
تسلم وشكرا للتذكرة فعلا معلومات مهمة لللي معندوش خبرة في مواضيع الصيانة زي كده
جزاك الله كل خير
-
و ده لنك لموضوع عمله و احد من الشباب ربنا يجزيه خير و حاطط فيه جدول صيانة الاوبتر و الافيو عند التوكيل بالاسعار
http://www.nilemotors.net/Nile/showthread.php?t=17973
الف شكر للاخ mohamed10 جزاه الله عنا خيرا
-
قبل متطفي المحرك سيب العربية دايرة علي السلانسية لمدة دقيقتين
ليه؟؟؟؟؟
مش فاهم الحته دى
-
idling مهم جدا طبعا عشان الموتور يبرد تدريجيا قبل ما تقفله عشان تمنع حدوث صدمة تبريد داخل غرف الاحتراق و بكده هتقلل من بناء الكربون داخل المحرك (excessive carbon build up within the engine)
و ده طبعا هيطول عمر المحرك ...
Content Relevant URLs by
vBSEO 3.6.0 PL2