الكلاب تلفت اعصابي

**tayson54** · 22-06-2008 10:02 PM

شريف محمد نفس المشكله التانيه اللي عندي برده الدور الأول عباره عن فيلا والراجل ومراته اجنبيه مربيه كلاب زي اللي بتقول عليها لكن اكتشفت ان الكلاب اللي في السارع هي مشكلتي الأولي لانها هي اللي بتيجي تثير الكلاب اللي في الدور الأول دي ويعدوا هاتك يا زمجره وهوهوه لبعض ...اخلص بس سبب كرهي للمكان ده وبعدين اتلفت للكلاب دي لاني مش قادر اكتشف هل هي نفسها مزعجه ولا بسبب ردها علي قبيله الكلاب دول ....اه ياني

**samehafez** · 23-06-2008 05:15 AM

هو انا عندي حل ... جربت تغنيلهم ..... اسف جربت تصاحبهم ارميلهم اكل
اصل انا عندي نفس المشكلة و جربت اعمل كدة لمدة يومين و بقيت كل ما ارجع متاخر الاقيهم جم و قفوا قدام العربية و يمشوا ورايا يزفوني لحد البيت سواء قدمتلهم اكل او مقدمتش و الجميل انهم بطلوا يهوهوا عليا
جربوا الحلول السلمية هتلاقوها بتجيب نتيجة .... للاسف ده مع الحيوانات بس لكن مع بعض البني ادمين اثبتت فشلها

**أبومعاذ** · 23-06-2008 08:03 AM

المشاركة الأصلية كتبت بواسطة Shiref_mohamed

ربنا ما يوريك الى ببقى فيه لما بيصحونى من عز النوم وهما فعلا مزعجين جدا بس واضح ان الباشا جايبهم ماركة غالية شويه يعنى فيهم واحد ابيض منقط بأسود وواحد تانى قد الحمار كده مش كلب خالص بس بالله عليكو حد يقولى اتصرف معاه ازاى المجنون ده

طب اشتريله انت الكمامات و اديهاله هدية و قوله يقفل بقهم بالليل