السلام عليكم ورحمة الله وبركاته
النهارده كنت بجيب حاجه من العتبة
واول ماطلعت من المترو لقيت واحد قاعد بيبيع مطاوي !!!!!
استغربت وانا رايح ع شارع الازهر لقيت 3 غيره بيبيعوا مطاوي علني وعلي الرصيف
لكي الله يامصر
عرض للطباعة
السلام عليكم ورحمة الله وبركاته
النهارده كنت بجيب حاجه من العتبة
واول ماطلعت من المترو لقيت واحد قاعد بيبيع مطاوي !!!!!
استغربت وانا رايح ع شارع الازهر لقيت 3 غيره بيبيعوا مطاوي علني وعلي الرصيف
لكي الله يامصر
علي فكرة المطاوي مسموح بيها في كل البلاد عادي جداً و مفيدة جداً لو معاك مطواة في جيبك و أغلب الناس بره بتجيب واحدة صغيرة كده تخليها معاها علشان لو حب يفتح حاجة أو يقطع حاجة أو يفك حاجة و كده ليها إستخدامات كتير جداً مفيدة إحنا بس الدولة الوحيدة اللي مش شايفينلها إستخدام غير للشر و البلطجة
خمسه كمان وهتلاقى الالى بيتباع فى كارفور
خدعوك فقالو .. الشرطة شغالة بضمير
ياباشا عادى
ومتفهمش غلط ... المطاوى دلوقتى بيشتروها علشان يعملوا بيها السلطة
اللى مش عادى دلوقتى
العيال السبرسجية اللى واقفين على النواصى بيبيعوا حشيش وبرشام
وخلاص بقى البيع رسمى ومعروفين بأماكن محددة
على فكرة الحتة بتاعت المترو من يوم ما وعيت عالدنيا وهي بيتباع فيها مطاوي ،ايه المشكلة؟
يعني لو كان بيبيع سكاكين مطبخ يبقى عادي والمطوه مش عادي؟
ولو المطاوي اتمنع بيعها ايه اللي يمنع البلطجي انه يستخدم سكينة ولا ساطور؟
ياباشا الكلام ده لو اللى بيشترى ناس محترمة علشان تدافع عن نفسها ...لكن الوضع غير كده انا شوفت الناس دول اللى فى العتبة وشوفت اللى بيشتروا منهم....كلهم عيال اقل كلمة تتقال عليهم اشكال مش محترمة سواقين تكاتك سرسجية عارف النوعية دى.
حاجة اعوذ بالله.
بجد يا جماعة هو اهل مصر الطيبين راحوا فييين؟
ده تمهيد لبيع الالي علي الرصيف برضه و تحيا الشرطه المصريه
ههههههههههههههههههههه ياااه انت مستغرب انك لقيت مطاوي بتتباع هناك على فكره هيا بتتباع من هناك من زمان
انا لما بحب اروح العتبه لا يمكن اروح بالعربيه لازم مترو خصوصا بعد الثوره
طيب اقولك بقى على مكان في العتبه بيبيع فرد خرطوش صناعه محليه ههههههههههههههههههههه
والمكان قريب من القسم كمان هههههههه تقريبا محدش بيقوله حاجه عشان صناعه محليه وبيشجعوه
طبعا الي بيقول برشام وحشيش بيتباعوا ديه عادي جدا ياما بنشوفهم
وقريبا جدا نلاقي الالي بيتباع على الرصيف d: وتبقى بتفاصل معاه وانت بتشتري ههههه ويديك رصاص هديه عليه
بس غالبا لو نزل حيبقى ال الي الصيني ak-47 بما ان الناس ديه غاويه بيع حجات صيني
ربنا يستر عليكي يا مصر
واليكتريك شوك كمان وبيتجرب عينى عينى
حرية بقى
gmc ياريت مكان الخرطوش على الخاص
والالكتريك برضوا بيتباع علنى
انا شفتهم في مكانين واحد في الحته الي بيقف فيها الباصات ديه بس كانوا في الضلمه
ولقيت ناس كتير ملمومه هههههههههه قلت اروح اشوف ايه انا مبخفش
بصيت لقيت واحد حاطط حتتين فرد خرطوش ههههههههههههههههه اول ما شفتهم فطست من الضحك
لقتهم سابوا الفصال وقعدوا يبصولي بطريقه غريبه اصل الفرد كان شكله يضحك الصراحه
اغبى شكل شفته في حياتي وكان ملفوف ب شريط لحام كهربا بغباء هههههههههههههه
ده اكيد اكيد يعني الي اخده بعد كام طلقه فرقع في وشه
التاني كنت رايح مع جاري في العمار كان عايز يشتري زي لمض كده ونجف من هناك مش عارف ليه
المهم رحنا من غير عربيه بالمترو عشان كان شهر 4 سنة 2011 ووكانت قلق شويه هناك
وصلنا لغاية القسم في شارع بيبيع لمض هناك وكده مشينا لاخره كان في حته ضلمه بردوا
بس ده كان بيبيع بقلب جامد وحاطط 5 قطع هههههههههههههه بس للأمانه كان سعره حلو
وبيدي مع كل واحد 5 طلقات خرطوش هديه بجد بجد كان اسبيشل اوفر جاااااامد
معرفش بقى موجودين هناك لسه ولا لا d: ان شاء الله يكونوا اتمسكو هههههههههه
الشرطه سايبه حاجات كتير مش مضبوطه فى البلد .. مش عارف ليه.
يمكن عشان ميدخلوش فى صدام مع حد .. و يمكن لأسباب تانيه.
ربنا يعدي الفترة دي على خير.