الموضوع: فيه حاجه مجننانى

تمام يا خالد وشكرا على ردك كفايه ان انت الوحيد اللى رد فى الصحراء اللى حسيتها هنا دى ... بس عاوز اقولك بصراحه انى ماعرفشى تفاصيل كتير عن دى او دى لكن بقالى فتره ببحث عن عربيه اشتريها واصحابى نصحونى بالكيا لكن الاوبل استرا لفتت نظرى وماحدش من اصحابى ركبها قبل كده واللى معاه اوبل منهم معاه اما فيكترا او كورسا .. لكن فعلا موقع كونكت كار ده حيريني جدا فى موضوع الاسعار المتفاوته اوووووووووى اللى كاتبينها .. فكنت معتقد ان ممكن حد هنا يكون عارف سعرها صح ونظامها ومميزتها وعيوبها ويجيبلى من الاخر .. وعلى كل حال اشكرك على ردك واهتمامك

الاختلاف في الاسعار ممكن يكون في حاجه في العربيه يعني عربيه متهانه مش زي عربيه بحالتها فهمتني
يعني مثلا عربيه محتاجه موتور ومحتاجه عفشه مش زي عربيه حالة العافشه تمام وحالة الموتور نص ونص
او عربيه حالة الموتور والعافشه كويسين فهمتني
ممكن تكون عربيه فبريكا بره وجوه بس بره فيها خدوش
وممكن تكون مش فبريكا جوه بس بيقول كدا

بجد يا بلال فيه ناس فعلا بتهرج ؟ وممكن يكون حاطت تليفون صاحبه وكانت موصفات عربيته من باب الرخامه يعنى ؟؟ هههههههه والله عالم خايبه .. وانت معاك حق انا مش عاوز استعجل ومدى لنفسى مهله كمان شهرين اقدر اقضيهم بدون عربيه لحد بعد رمضان .. لكن المشكله فعلا ان الموقع ده عجيب ومحيرنى يعنى هاقولك على حاجه مثلا شوفف كده اللينك ده ...
http://www........cars.com/UsedCars_...p?CarID=862861
دا عارض عربيه اوبل استرا 2005 اتوماتيك وبيقول انها فابريكه بره وجوه

وشوف ده كمان :
http://www........cars.com/UsedCars_...p?CarID=862999
دا عارض نفس العربيه بس مش كاتب ان كانت فابريكه جوه بس ولا بره وجوه بس الفرق بين الاتين عشر الاف جنيه معقوله حتى لو كانت التانيه مانوال ورشه بره يبقى ثمنها ينزل عشر الاف جنيه ؟؟ اصلها مهما كان مش زيرو يعنى .. ويمكن يكون الكلام منطقى بس انا بصراحه معرفشى اى حاجه عن الاوبل استرا بس بجد عجبانى وعاوز اجيبها لكن المشكله ان ماعرفشى حد راكبها عشان اساله عن عيوبها ومميزتها كل معظم اصحابى معاهم كيا ريو وعشان كده فكرت فيها

المشاركة الأصلية كتبت بواسطة m.belal

والله يا باشا انا ااساسا الموقع ده بردو فضلت متابعه فتره طويله جدا لحد ما اتخنقت منه
واشتريت من برا ف الاخر
لان محدش بيقول ع اللى ف العربيه يقلك فبريكه برا وجوا وحاله موتور وعفشه ميه ميه
تروح تشوف تلاقى خرابه
ف اهم حاجة لو حضرتك ناوى تشترى من النت اصبر وخد وقتك ومتستعجلش عشان متندمش
شوف واحده واتنين وتلاته وخد سمكرى واكشف ف اى مركز خدمه نضيف
وربنا يوفقك

فعلا يا باشا حصل نفس الموقف معايا في 3 عربيات كل ما اشوف الاعلان يقولك فبريكا بالكامل وتلقيها رشه جوه