-
سؤال مهم لعمالقه الاوبل
العربيه عندي كانت الميه بتنقص بريقه فظيعه و بصيت علي الدوره كلها من اولها لاخرها و خراطيمها و ريدياتيرها و طرمبتها كله تمام و مفيش تسريب و من كتر الميه ما كانت بتنقص كنت بحطلها ميه كل مشوار اروحه المهم الشكمان عندي كاوتشه منه اتقطعت و الراجل و هو بيركبلي واحده تانيه قاللي ان البارومه و اكله العلبه اللي ورا و اللي في النص يعني شكمان كامل المهم معيش فلوس اغيره دلوقتي و وانا واقف مع واحد معرفه عنده مركز صيانه قاللي ممكن تكون عايز تغير جوان عشان ممكن غرفه الميه مفتوحه علي الحرق باين و بيسرب الميه من الشكمان ده اللي انا فهمتو منه مش اللي هو قاله بالظبط عشان مكنتش مركز معاه كنت مركز في الجراند شيروكي اللي كانوا بيشيلوا الفتيس بتاعها يعملولوا عمره قلتله ماشي عايزك تغيره و نشوف ايه النظام بعد كده المهم غيرت الجوانات و بالمره لقيت الطرمبه بتاعت الميه متاكله من جوه رحت مغيرها و سير كاتينه و دينامو وهو بيركب قاللي ان البلوكه اللي تحت مش 1600 دي بتاعه ال2000 قلتله خير و بركه مع العلم ان عربيتي فعلا بتجري عن ال 1600 اللي زيها بتاعه اصحابي بس النقلات اللي تحت بس :( السؤال بقه هل ده عادي و لا ان الموتور من فوق 1600 و من تحت 2000 انا اتجننت عربيتي كده 1600 و لا 2000
-
ده بيحصل في الاوبل عشان 1600مش موجود استيراد كل الي بينزل 2000 بس اهم حاجه انك هتركب 2جوان وش سلندر مش واحد عشان تبقر العربيه مظبوطه بمعني ماتغبش في الدواره ومظبوطه سحب وسخونيه واهم حاجه الماتور يكون ثابت في السلانسي فشوف الميكانيكي بتاعك لو راكب جوان 1 خليه يفك ويركب 2جوان وش سلندر عشان تبعد غرفه الحريق وكمان ماتسقفش عشان تظبط كل العربيه كاماتور وده بس في حالتك فقط عشان تحت 2000 وفوق 1600
-
كده موتورك 2000 سي سي لان البلوك (الشميز) هو الجزء اللي فيه البساتم وده اللي بيفرق في السعه انما بيت الكامه ووش السلندر واحد
موضوع ال2 جوان بينفع بس في حاله واحده ان وش السلندر يكون فيه شغل قشط كتير والفاقد منه اصبح كتير فالميكانيكي الشاطر بيعوض فرق القشط بجوان تاني انما لو مفيش قشط مالوش لازمه الجوان التاني لانه هياثر علي الحرق لانه هيزود مساحه الغرفه اكبر من حركه البستم الطبيعيه
-
Content Relevant URLs by
vBSEO 3.6.0 PL2