الموضوع: نايل موتورز ينفرد باختبار نيسان الصني الجديدة بواسطة 7 من فريق نيسان

المشاركة الأصلية كتبت بواسطة ahmazong

اجمل مافي الموضوع تنسيقه ..

تسلم ايدك يا أحمد بيييييييييييه ..

غرزة يا مفتري على 180!!!!!
بس أكيد مكنتش حتعمل كدة الا لو حاسس ان العربية ثابتة معاك, ودا بيدي انطباع كويس عن العربية علشان المفروض السائق بيحس بامكانيات العربية, والستابيليتي من أهم الحاجات في تقييم أي عربية.

كده اقدر اخد والدى بقى واروح افرجه عليها وانا مطمن ......... حقيقى مش عارف اقول لكم ايه على التعب ده كله ودا اللى اتعودته منكم من اول ما بقيت فى المنتدى ..... واخيرا حاسس ان انتظارى من شهر واحد لحد دلوقتى علشان استنى الشكل الجديد جه بفايدة.........جزاكم الله كل خير

اقل ما يقال ان الموضوع اكثر من رائع وده المعتاد والمتوقع من فريق نخبه
شكرا جزيلا لكم..
ونتمنى نعرف معدل استهلاك البنزين

المشاركة الأصلية كتبت بواسطة mrking8

الحمد لله انى لقيت حد زيكم يساعدنى فى قرار الشراء
سؤال من فضلكم هو كرسى السائق بيعلى ولا ايه انا مش طويل وبحب وانا سايق اشوف حدود عربيتى
و ربنا يسعدكم

ايوة ياباشا الكرسي بيعلي ويوطي اتكل علي الله واشتريها

تقرير محترف الى ابعد حد ............. مشكورين عليه

بس ليا كام سؤال وعلى فكره انا من ملاك الصنى بس موديل 83 ههههه

الاول اخبار العزل ايه مقارنة بلصنى القديمه وبلعربيات التانيه زى التويوتا؟؟


الثانى يعنى ايه بريك اسسيست؟؟


الثالث لو حبيت اركب جنط اكبر مسموح لحد مقاس كام ؟؟ لانى حاسس ان الفراغ كبير وعلى الرغم من ان الجنط 15 احسه انه صغيرر... وبلمره يتغير الكاوتش لنوع محترم

الرابع لو الابواب حبيت يتم تطعمها بلجلد او القماش بلون مختلف عند الحاج احمد مشعل فى الاماكن الى فى الشكل البيضاوى فى الابواب هل ده ممكن ؟؟

الخامس هل الكبوت والشنطه بهم عزل ؟؟

السادس ازاى يتم النقل من d الى حارة النقل 2 او 1 فى الفتيس اوتو والعربيه ماشيه مش ده يعمل خلل فى الفتيس وممكن يبوظ ؟؟؟ انا عندى الصنى القديمه فيها التدرج ده بس عمرى ما جرأت انى اعمل كده والعربيه ماشيه...

السابع العربيه ناقصه حاجه عند النظر اليها من الجانب واعتقد الى ناقصها هو جرايد بدل ما تصميم الباب كده فاضى من غير اى تطعيمه صح ولا ايه ولو اتفقتم معايا ايه الجرايد الى ممكن تركب وتخلى الشكل حلو..

الثامن اخبار استهلاك البنزين ايه نظريا وعمليا ؟؟

تحياتى على مجهودكم الرائع

هوا دة التقرير الي كان نفسنا نسمعة مش تقييم للعربية من خلال المواصفات والصور علي النت بدون اي تجربة

مشكووووووووووووووورين

وعلى فكره العربيه اقصر من القديمه بسبعه ملى بس يعنى مش 7 سنتى ولا 70 سنتى زى ماهو مذكور

ونفس عرض القديمه بلضبط