المشاركة الأصلية كتبت بواسطة hossam_elwani
تقرير محترف الى ابعد حد ............. مشكورين عليه
بس ليا كام سؤال وعلى فكره انا من ملاك الصنى بس موديل 83 ههههه
الاول اخبار العزل ايه مقارنة بلصنى القديمه وبلعربيات التانيه زى التويوتا؟؟
ده ذكرناه فى التقارير فى القسم .. واقراء التقرير كويس وكمان التقرير اللى فيه ايضاح لامكانيات السيارة
ومقارنتها بالتويوتا .. ده لازم حد يكون ركب الاتنين
الثانى يعنى ايه بريك اسسيست؟؟
هى منظومة فرامل مترابطة مع بعض
ABS عشان العربية متسحفش وتتزحلق على ارض فيها ميه او رمل
EBD بيوزع قوة الفرامل على الاربع عجلات
BA اللى حضرتك بتسال عليه ده بيخلى العربية تقف فى اقل مسافة واقل وقت باقل جهد
وفى موضوعات فى موضوع نايل العام اللى فيه كل موضوعات القسم المهمة .. اقراء موضوعات منه واكيد حتستفاد
وهو موجود فى الموضوعات المثبتة فى اعلى صفحة القسم
الثالث لو حبيت اركب جنط اكبر مسموح لحد مقاس كام ؟؟ لانى حاسس ان الفراغ كبير وعلى الرغم من ان الجنط 15 احسه انه صغيرر... وبلمره يتغير الكاوتش لنوع محترم
ده بقا يقدر يقولك عليه حد من ملاك العربية الجديدة .. عشان يقرا فى كتالوج العربية ايه المقاسات اللى ممكن ومسموح بيها عشان التغير .. سواء للجنوط او الكاوتش
الرابع لو الابواب حبيت يتم تطعمها بلجلد او القماش بلون مختلف عند الحاج احمد مشعل فى الاماكن الى فى الشكل البيضاوى فى الابواب هل ده ممكن ؟؟
صعب عشان ده فيبر .. فصعب اى حاجة تتعمل فيه .. لان من خلال تعاملى مع الحاج احمد مشعل
اى عربية بتيجى عنده من اى ماركة وفيها فيبر فى الابواب .. وصاحب العربية عايز يعمل فيها قماش بيقوله مينفعش
الخامس هل الكبوت والشنطه بهم عزل ؟؟
الكابوت مفهوش عزل .. والشنطة فيها عازل فى الارضية بتعتها عشان البارومة .. والموكت اللى حطينه كويس
السادس ازاى يتم النقل من d الى حارة النقل 2 او 1 فى الفتيس اوتو والعربيه ماشيه مش ده يعمل خلل فى الفتيس وممكن يبوظ ؟؟؟ انا عندى الصنى القديمه فيها التدرج ده بس عمرى ما جرأت انى اعمل كده والعربيه ماشيه...
ده عشان حضرتك معندكش جراءة
هما حطينه ليه !!
هو مش مفروض تسوق بيه دايما .. لكن بنلجاء للموضوع ده لما نكون عايزين تسارع قوى لاى موقف
السابع العربيه ناقصه حاجه عند النظر اليها من الجانب واعتقد الى ناقصها هو جرايد بدل ما تصميم الباب كده فاضى من غير اى تطعيمه صح ولا ايه ولو اتفقتم معايا ايه الجرايد الى ممكن تركب وتخلى الشكل حلو..
لو قصدك من الجرايد اللى هو هواية الباب اللى بتتحط عليه .. ماشوفتش عربية فى اى ماركة نازل فيها كدا
ولو غلطان حد يصححلى ويفكرنى .. ودايما بتتباع فى الاسواق والناس بتركبها
الثامن اخبار استهلاك البنزين ايه نظريا وعمليا ؟؟
ذكرته نظريا فى المشاركة اللى قبل حضرتك
عمليا مركزناش بصراحة .. بس العربية مكنش فيها بنزين كتير يعنى يمكن تقول كان فيها 10 لتر تقريبا والله اعلم .. لان مكنش فيها كتير
واحنا كلنا سوقنا بتسارع قوى زى ما ذركنا .. ومسلمين العربية لمبة البنزين بتنور .. وكان مكتوب اللى فيها يمشينا 20 كيلو
تحياتى على مجهودكم الرائع