نايل موتورز ينفرد باختبار نيسان الصني الجديدة بواسطة 7 من فريق نيسان

**Amr Hussain** · 23-06-2012 03:16 AM

الله ينور عليكم بجد دة احسن تقرير قرأتة فى حياتى

**limo81** · 23-06-2012 04:46 AM

الله ينور يا صقور النيسان
بجد اللي سماكوا صقور مكدبش
تقرير اكثر من رائع
تسلم الأيادي

**Eng_Moh.Dewair** · 23-06-2012 07:23 AM

ربنا يباركلكم فعلا ناس محترمه و بتحبوا تساعدوا الناس بدون مقابل رغم ان الصفه دى مابقتش موجوده اليومين دول علشان كده ساعات ناس مش بتفهمكم و تهاجمكم , تحياتى

**mody3on** · 23-06-2012 11:56 AM

استاذ احمد :)
الاكسنت اتحط فيها كل ده واول فئة ب 103 واعلى فئة ب 118 يعني فرق 15 الف للحبشتكانات دي كلها
والريو تقريبا نفس الحكاية

**tamerzeid** · 23-06-2012 12:58 PM

مجهود راااااااااائع

تسلم ايدكم

**kabara** · 23-06-2012 01:44 PM

تحية واجبة لنسور نيسان وما أروع التقرير

**Ahmed.TV** · 23-06-2012 02:42 PM

المشاركة الأصلية كتبت بواسطة mody3on

استاذ احمد :)
الاكسنت اتحط فيها كل ده واول فئة ب 103 واعلى فئة ب 118 يعني فرق 15 الف للحبشتكانات دي كلها
والريو تقريبا نفس الحكاية

انا معاك فى الكلام ده .. واحنا كعملاء .. نفسنا ينزل كل حاجة فى اى عربية بسعر يناسبنا
لكن
كل شركة وليها سياسة تسويق وربح وكمان ضيف جنب ده اسمها واذاكانت براند يابانى ولا اروربى او كورى او صينى او ماليزى ,,
غير ان فى نقطة تانية ..
وهى ان مثلا الخامات المحطوطة .. فى الحاجات اللى بنطالب بيها .. زى الجنوط وزى العددات اللى بتنزل بره مصر وزى الاستارت انجين وزى المالتى والبلوتوث .. مش حتكون مصرى وبتتصنع هنا .. دى كلها حتكون يابانى على ما اعتقد .. زى الجنوط مثلا اللى فى نيسان صنى السوبر صالون والتيدا والجوك والقاشقاى وهكذا

و لو ركبت فى العربية اقل من كدا زى ما حصل على سبيل الميثال الكاوتش الصينى .. مش حنقبل بيه .. واعتقد نيسان مستقبلا والله واعلم ممكن تغير الكاوتش رغبة من العملاء اللى مش حابينه وطلع سيئ

ده غير العربية اللى بتنزل بره مصر لو نزلت بكامل التجهيزات اللى فيها .. ومش اتصنعت هنا وجت مستوردة من بره زى التيدا ما بتيجى من بره .. سعرها حيعدى ال125 الف اصلا
زى الهوندا سيتى وزى الياريس اللى سعرهم معدى ال130 الف .. وسمعت ان الياريس بتوصل الى 138 الف

وعشان نتكلم صح .. مع احترامى للكورى .. يوم ما نقارن بقا .. نقارن بالعربيات اللى قولت عليهم
لانهم يابانى .. وفرق الجمارك .. حيكون كتير .. ودى النقطة اللى بنتكلم فيها سواء استيراد عربية بالكامل او قطع غيار ليها

وعشان كدا بتتجمع هنا العربية .. وبيحالوا يحطوا فيها اغلب اللى مطلوب فى السوق بتكلفة تناسب العملاء وبجودة واسم يابانى لنيسان محترم

اضافة على ده خدمة بعد البيع .. اللى اكيد بيهتموا بيها عن باقى المنافسين .. اللى بردوا بيحطها فى حساباته العميل لما بيتشرى عربية

يعنى على سبيل الميثال .. انا لو بشترى .. وقدامى نيسان صنى ب100 الف والكسنت اربى ب103 .. ولو الاكسنت فيها كماليات وعوامل امان .. لكن حشترى النيسان .. وحكسب ساعتها مش فرق ال3 الاف وبس .. حكسب ان مراكز الخدمة محترمة وحتريحنى .. وحلاقى معاها كل اللى يريحينى فى تقديم خدمة ما بعد البيع

وعلى العموم ربنا كريم .. وان شاء الله لو تم انتاج مستقبلا فئة اخرى .. اكيد حيكون سعرها مناسب بردوا زى سعر الفئات اللى نزلوها .. بس اعتقد ان حيكون فرق السعر مش اقل من 10 الاف جنيه فرق او 12 الف تقريبا .. وده تخمين بناء على انى مالك للتيدا .. وعارف فرق السعر بين عربيات نيسان عموما كام بين كل فئة اعلى من الاخرى

تحياتى

**mody3on** · 23-06-2012 02:53 PM

ماهي الصني مش العربية الياباني 100% عشان نقول لا تقارن بالكوري اصلا :)
عندك الفييستا الماني ( مش مصري-هندي ) وب 130 الف .. لو هتقارن بقى بعربيات ب 130 الف ومش عاوز تقارن بالكوري
ودي تمسح الصني في كل حاجة يعني ما عدا الوسع فقط
الصني مع احترامي ليها فالسيتي برضه كمان احسن منها في حاجات كتير
فهي تقارن بالاكسنت والريو واللوجان كمان عادي يعني :)
ومفيش كماليات (ستارت-ستوب,فتحة سقف,ملتي فانكشن,بلوتوث) ياباني وكوري وملهاش علاقة بالجمارك يعني ..
تحياتي لحضرتك :)