نايل موتورز ينفرد باختبار نيسان الصني الجديدة بواسطة 7 من فريق نيسان

**محمد أنور** · 23-06-2012 03:19 PM

بس بجد تقرير اكتر من رائع

**hossam_elwani** · 23-06-2012 03:24 PM

المشاركة الأصلية كتبت بواسطة ahmed.tv

انا معاك فى الكلام ده .. واحنا كعملاء .. نفسنا ينزل كل حاجة فى اى عربية بسعر يناسبنا
لكن
كل شركة وليها سياسة تسويق وربح وكمان ضيف جنب ده اسمها واذاكانت براند يابانى ولا اروربى او كورى او صينى او ماليزى ,,
غير ان فى نقطة تانية ..
وهى ان مثلا الخامات المحطوطة .. فى الحاجات اللى بنطالب بيها .. زى الجنوط وزى العددات اللى بتنزل بره مصر وزى الاستارت انجين وزى المالتى والبلوتوث .. مش حتكون مصرى وبتتصنع هنا .. دى كلها حتكون يابانى على ما اعتقد .. زى الجنوط مثلا اللى فى نيسان صنى السوبر صالون والتيدا والجوك والقاشقاى وهكذا

و لو ركبت فى العربية اقل من كدا زى ما حصل على سبيل الميثال الكاوتش الصينى .. مش حنقبل بيه .. واعتقد نيسان مستقبلا والله واعلم ممكن تغير الكاوتش رغبة من العملاء اللى مش حابينه وطلع سيئ

ده غير العربية اللى بتنزل بره مصر لو نزلت بكامل التجهيزات اللى فيها .. ومش اتصنعت هنا وجت مستوردة من بره زى التيدا ما بتيجى من بره .. سعرها حيعدى ال125 الف اصلا
زى الهوندا سيتى وزى الياريس اللى سعرهم معدى ال130 الف .. وسمعت ان الياريس بتوصل الى 138 الف

وعشان نتكلم صح .. مع احترامى للكورى .. يوم ما نقارن بقا .. نقارن بالعربيات اللى قولت عليهم
لانهم يابانى .. وفرق الجمارك .. حيكون كتير .. ودى النقطة اللى بنتكلم فيها سواء استيراد عربية بالكامل او قطع غيار ليها

وعشان كدا بتتجمع هنا العربية .. وبيحالوا يحطوا فيها اغلب اللى مطلوب فى السوق بتكلفة تناسب العملاء وبجودة واسم يابانى لنيسان محترم

اضافة على ده خدمة بعد البيع .. اللى اكيد بيهتموا بيها عن باقى المنافسين .. اللى بردوا بيحطها فى حساباته العميل لما بيتشرى عربية

يعنى على سبيل الميثال .. انا لو بشترى .. وقدامى نيسان صنى ب100 الف والكسنت اربى ب103 .. ولو الاكسنت فيها كماليات وعوامل امان .. لكن حشترى النيسان .. وحكسب ساعتها مش فرق ال3 الاف وبس .. حكسب ان مراكز الخدمة محترمة وحتريحنى .. وحلاقى معاها كل اللى يريحينى فى تقديم خدمة ما بعد البيع

وعلى العموم ربنا كريم .. وان شاء الله لو تم انتاج مستقبلا فئة اخرى .. اكيد حيكون سعرها مناسب بردوا زى سعر الفئات اللى نزلوها .. بس اعتقد ان حيكون فرق السعر مش اقل من 10 الاف جنيه فرق او 12 الف تقريبا .. وده تخمين بناء على انى مالك للتيدا .. وعارف فرق السعر بين عربيات نيسان عموما كام بين كل فئة اعلى من الاخرى

تحياتى

طيب بما انك ليك خبره عايز اسألك ايه هيا المكونات على وجهة التحديد الى نسبتها بتوصل لـ 40% مصرى وبتكون فى النيسان صنى الجديده ؟؟

وكمان هل كل ابعاد قتحات المسامير فى جنوط اليابانى واحد ؟؟ يعنى على سبيل المثال التويوتا يركب على النيسان ولا ايه؟؟

ولو الاجابه نعم ايه الجنط الى ممكن اشتريه مقاس 16 ويركب على النيسان صنى الجديده ويبقى شكله تحفه ؟؟ و الاربع جنوط استعمال يعملو كام تقريبا؟؟
وفى نفس الوقت الجنوط والكاوتش الصينى لو اتباعو وهما بشوكهم بعد ما اطلع من المعرض يساوى كام ؟؟

تحياتى وتقديرى ليك ..

**Ahmed.TV** · 23-06-2012 03:43 PM

المشاركة الأصلية كتبت بواسطة mody3on

ماهي الصني مش العربية الياباني 100% عشان نقول لا تقارن بالكوري اصلا :)
عندك الفييستا الماني ( مش مصري-هندي ) وب 130 الف .. لو هتقارن بقى بعربيات ب 130 الف ومش عاوز تقارن بالكوري
ودي تمسح الصني في كل حاجة يعني ما عدا الوسع فقط
الصني مع احترامي ليها فالسيتي برضه كمان احسن منها في حاجات كتير
فهي تقارن بالاكسنت والريو واللوجان كمان عادي يعني :)
ومفيش كماليات (ستارت-ستوب,فتحة سقف,ملتي فانكشن,بلوتوث) ياباني وكوري وملهاش علاقة بالجمارك يعني ..
تحياتي لحضرتك :)

مع احترامى لوجهة نظرك فى البداية وتحترم اكيد .. بس لولا اختلاف الاذواق لبارات السلع
انا عارف ان السيتى افضل كا موتور .. بس سعرها معدى ..
وفى الاخر مش انتشرت !
وحنروح بعيد ليه بردوا .. ما عندك البولو تقفيل صينى وشوف بكام !

اللى منتشر الكورى نظير ان فيها كماليات كتير وسعر مناسب للعميل

وكل شركة بتلعب على عراقة اسمها فى سوق المواتير .. حتى لو اتقفلت فى الصومال .. المهم يكون فى رقابة عليها

وبعدين هو مش عايز ينزل حاجة تتحرق .. وميكونش فى اقبال عليها

واعطاك موتور بالنسبة الى ال1500 سى سى محترم وادائه قوى ومعمر وبابانى ومعايا الماتور ده فى التيدا وعارف ادائه بس ال1600 سى سى اللى معايا

باقى الحاجة اللى موجودة فى العربية مصرى بتكون 30%
زى الزجاج والفرش والبطارية والتقفيل والتجميع ومش عارف ايه تانى بامانة

وغير كدا حضرتك الحاجات اللى ذكرتها دى مستويات رفاهية .. الجمارك مش بترحمها .. وكمان بالاخص فى العربيات اليابانى

وبعدين هما لو جابوا الحاجات دى .. حيجبوها قطع غيار ويتم تقفيلها فى مصر .. واكيد بتكون براند يابانى مثلا .. ولما حتدخل مصر .. حتعدى ببلاش ولا حتجمرك !

وفى النهاية انا بشترى فى الاخرى عربية منتشرة فى السوق وليها مراكز خدمة كتير ومحترمة

والعربيات كلها كورى ولا يابانى ولا اروربى فيها العيب والمميزات .. وابسطها الباسات اللى نازل فيها مشاكل فى الفتيس بتعها

والكورى فيها مشاكل ومش خالى من العيوب .. وبردوا اليابانى

مفيش حاجة كاملة ومفهاش عيب

المشاركة الأصلية كتبت بواسطة محمد أنور

يا جماعة انا بعتذر بس العربية دي نازلة في الخليج صناعة هندية مش يابانية

العربية اللى نازلة فى الخليج .. تجميع هندى .. لان الموتور يابانى .. مفيش بلد بتصنع قطع غيار

البلاد اللى بره اليابان بتجمع بس العربية
زى الهند وزى مصر .. وزى انجلترا .. وزى المكسيك .. وهكذا

**Sehsss** · 23-06-2012 03:47 PM

العفو يا شباب.. والتقرير زاد نور بتواجدكم

**Ahmed.TV** · 23-06-2012 03:50 PM

المشاركة الأصلية كتبت بواسطة hossam_elwani

طيب بما انك ليك خبره عايز اسألك ايه هيا المكونات على وجهة التحديد الى نسبتها بتوصل لـ 40% مصرى وبتكون فى النيسان صنى الجديده ؟؟

وكمان هل كل ابعاد قتحات المسامير فى جنوط اليابانى واحد ؟؟ يعنى على سبيل المثال التويوتا يركب على النيسان ولا ايه؟؟

ولو الاجابه نعم ايه الجنط الى ممكن اشتريه مقاس 16 ويركب على النيسان صنى الجديده ويبقى شكله تحفه ؟؟ و الاربع جنوط استعمال يعملو كام تقريبا؟؟
وفى نفس الوقت الجنوط والكاوتش الصينى لو اتباعو وهما بشوكهم بعد ما اطلع من المعرض يساوى كام ؟؟

تحياتى وتقديرى ليك ..

لسه حسال وحعرف واكيد لو عرفت حاجة حبلغكم باذن الله
ولو حد عرف حاجة يبقا يبلغنا بخصوص المكونات

اما موضوع ابعاد المسامير .. بتختلف بين العربيات
وعشان تتاكد .ز حضرتك لما تستلم باذن الله روح لواحد بتاع كاوتش .ز وهو حيقولك ايه المناسب بالظبط

وبخصوص ايه اللى ينفع يركب عليها فى الجنوط بالظبط والمقاسات
حضرتك تسال فيها حد من ملاك الصنى الجديدة عشان يقولك من الكتالوج .. لانه بيكون مكتوب فيها البدائل المسموح فيها

وتحت امرك

**BassamHafez** · 23-06-2012 04:09 PM

الف شكر لكل اللي دخل وشكر واللي ما شكرش

انا بس ليا وجهه نظر صغيرة عشان الموضوع ما يفقدش طعمه الاساسي وهو ابداء الراي في العربيه بناءا على تجربه عمليه

بلاش نحط نفسنا في موقف المدافع عن العربيه ضد اي هجوم عيها عشان ما حدش يتخيل اننا مندوبين مبيعات من شركه نيسان

يا جماعه التقرير ده احنا عملناه عشان نقول فيه اراءنا الشخصيه بشكل حيادي في العربيه قد يفيد بعض الناس وقد لا يفيد البعض الاخر في الشراء

وانا قولت قبل كده في مشاركات كتير اللي مش مقتنع باي راي من ارائنا ممكن يروح يشوف العربيه بنفسه ويحكم عليها على حسب ما يشوف

انا بشكركم كلم مرة تانيه واحنا تحت امركم في اي استفسارات خاصه بالعربيه في حدود معلوماتنا المحدوده

شكرا

**DarkMagician** · 23-06-2012 04:38 PM

المشاركة الأصلية كتبت بواسطة mody3on

البولو سعرها مبالغ فيه مفيش كلام طبعا
بس في الكورسا والفييستا اسعارهم كويسة برضه والماني
انا عاوز بعد اذنك حضرتك ( مش بشكك في حضرتك طبعا ) مصدر موثوق من نيسان ان العربية تصنيع ياباني , غير اوتو ايجبت عشان مبقتش بثق فيهم بعد حكاية 109 حصان دي
اللي اعرفه ان الموتور ياباني والتصميم ياباني , غير كده معرفش
بالنسبة للموتور هو ايه المواتير اللي مش معمرة ؟ هو ادائه مش ممتاز طبعا ودي مش عليها كلام ( بالارقام ) .. الحاجات دي رفاهية اه بس هي بتنزل في الريو مثلا برضه .. لو الصني بقت ب 125 الف وهي تقفيل مصري امال التيدا الياباني-مكسيكي ال 117 حصان تبقى بكام بقى ؟
اكيد طبعا كل عربية فيها عيوب ومميزات .. وعشان كده من الانصاف اننا نقول عيوب الصني بما ان حضرتك ما شاء الله عددت مميزاتها الكتيرة :)

اول حاجة يا باشا اسمحلي ارد انا عشان انا تعبت بصراحة حضرتك ماشي في حلقة مقفولة ومع احترامي الشديد ليك كل كلامك بيدور حوالين ان العربية وحشة وخلاص

العربية دي لو وصلت 130 الف العقلية السوقية حتفضلها للاسباب التالية
وقبل ما افنط الاسباب عاوزك تعررف اني بعشق الكورسا جدا ولو معايا 130 الف اجيب الكورسا بالنسبالي

وبلاش نتكلمو في اداء ما دام مجربناش
1الكاتيجوري بتاعها غير الفييستا والكورسا كوسع وكاداء

2التوكيل بتاعها توكيل محترم جدا غير توكيل منصور ومعنديش فكرة عن توكيل فورد بس اسمع انو مشكلتو قطع الغيار

3حتى لو حضرتك حبيت تدخل العربيات دي عافية مقارنة مع الصني حقولك ليه سعرها كده

التخفيض الجمركي الخاضع ليه السيارات القادمة من اوروبا هو اللي مخلي سعرها كده

4-التكييف

نيجي بقا لموضوع الهند ومش عارف اي

اقولك حاجة من الاخر ياريت العربية دي كانت بتتقفل في الهند وتيجي مصر احسن ما تتقفل في مصر
ثقافة هو انا هندي لسه موجودة في المصريين رغم ان الهنود دول قمة الذكاء "يكفي انك تعرف ان مايكروسوفت 60% من موظيفنها هنوود"

بس احب اطمنك قطع الغيار الاساسية زي الموتور والتكييف والعفشة و سيستم الامان الخخ

كلها ياباني

الفكرة كلها واكيد حضرتك تسمع ان مثلا شركة زي سوني بتروح للصين عشان خاطر العمالة

تويوتا راحت تيلاند عشان تقفلها الفورتشنر

وخد من ده كتير مهو الصين بتقفل عربيات ولشركات كبيرة ومحدش اتكلم ؟؟

نيجي بقى لعيوب السيارة التقرير طبعا تقرير انطباع مبداي ولا يقدر يحكم على العربية كمستخدم ليها بعد 1000 كيلو على الاقل

عشان كده في المنتدى تلاقي واحد لسه مستلم العربية وخايف يعمل تقرير يا اما يظلمها يا اما ينفخها

فتلاقيه بيقولك اصبرو عليا لما امشي بيها شوية

فالتقرير ده نعتبرو مرحلة مطمانة مش اكتر

واحمد مصطفى خد معاه كذا واحد وبرضو الناس بتقول انو بيثق في التوكيل او عمال ينفخ في العربية

حضرتك عندك 4 اشخاص معاهم الصني القديمة وادو حكمهم

وبرضو حرجع واقول التقرير ده مش معناه روح احجز بدون ما تبص

رجاء شخصي ونصيحة لا تجعل نزعتك الكورية سبب في بخس كل ما هو ياباني

واتمنى ردي ميكونش فيه اي ديق لحضرتك ^_^

**Ahmed.TV** · 23-06-2012 04:44 PM

المشاركة الأصلية كتبت بواسطة mody3on

البولو سعرها مبالغ فيه مفيش كلام طبعا
بس في الكورسا والفييستا اسعارهم كويسة برضه والماني
انا عاوز بعد اذنك حضرتك ( مش بشكك في حضرتك طبعا ) مصدر موثوق من نيسان ان العربية تصنيع ياباني , غير اوتو ايجبت عشان مبقتش بثق فيهم بعد حكاية 109 حصان دي
اللي اعرفه ان الموتور ياباني والتصميم ياباني , غير كده معرفش
بالنسبة للموتور هو ايه المواتير اللي مش معمرة ؟ هو ادائه مش ممتاز طبعا ودي مش عليها كلام ( بالارقام ) .. الحاجات دي رفاهية اه بس هي بتنزل في الريو مثلا برضه .. لو الصني بقت ب 125 الف وهي تقفيل مصري امال التيدا الياباني-مكسيكي ال 117 حصان تبقى بكام بقى ؟
اكيد طبعا كل عربية فيها عيوب ومميزات .. وعشان كده من الانصاف اننا نقول عيوب الصني بما ان حضرتك ما شاء الله عددت مميزاتها الكتيرة :)

اسعارالكورسا والفييستا كويسة .. بس عربيات لسعتها والقبر وصيانات وكيلها الخدمة فيها مش ممتازة بشهادة ملاكها

يا فندم المعلومات اللى اعرفها من كل الناس اللى بسالهم .. ان العربية يابانى ماتور وفتيس ماعدا التقفيل هنا والنسبة اللى موجودة فى التجميع المصرى زى ما ذكرت فى شماركة قبل كدا

وبردوا حسال وحتاكد تانى وتالت

ما الليفينا تتقفل فى الصين والبلوبيرد كمان صينى .. بس الماتور والفتيس يابانى

التيدا اعتقد على السنة الجاية مش حنشوفها خلاص .. وبعدين بالنسبة اللى المكونات اللى فى العربية اللى نفسنا تزيد فيها .. اكيد حتكون مش اقل من 10 الاف جنيه
لان فى تكلفة بتتضاف .ز حتى لو بتتجمع هنا فى مصر .. لانها مع بتتجمع فى الحرفين .. دى بتتجمع فى مصنع نيسان اللى عليه رقابة .. والخامات الباقية 30% او 40% مصرى ... بس حاجات مش اساسية

وبعدين حصل غلطة فى البرشور .. فعلا وده هما اعترفوا بيه
وقولنا الصافى لاداء العربية 99 حصان .. واحنا جربنا ومشينة بالعربية وحسينا باداء العربية وعزمها وتسارعها على السرعات

واى حد لما بيبع العربية او اى عربية بيقول 108 حصان

يعنى لم حضرتك تروح تشترى عربية كورى مثلا بيقولك الصافى بتعها كام !!.. ولا بيقولك الجروس وبيقولك انها 125 حصان و140حصان

وبعدين كل ملاك نيسان اللى معاهم العربيات واستعاملهم محترم اعربيات معمرة معاهم زمن .. وفى تقارير فى القسم فيها الكلام ده بشهادة ملاكها

واحسن مواتير فعلا مواتير نيسان .. والشركة دى من افضل حتى الشركات للى عملت سى فى تى

وبعدين فى النهاية .. احنا عدينا مميزات العربية من حيث السعر اللى بيناسب الناس اللى معاها لغاية 100 الف جنيه وعايزة عربية فيها تمنها

وحضرتك انزل بنفسك .. واعمل تيست دريف وجرب العربية .. وقارنها بتقرير الاعضاء اللى موجود هنا .. عشان متشكش فى كلامنا .. ويبقا ليك الحكم العملى فى النهاية .. زى ما حكمنا

تحياتى ليك وللجميع

-

الموضوع: نايل موتورز ينفرد باختبار نيسان الصني الجديدة بواسطة 7 من فريق نيسان

LinkBack

أدوات الموضوع

عرض

-

-

-

-

-

المواضيع المتشابهه

حصريا لقسم نيسان .. تقرير بالصور عن حفل نيسان ايجيبت لتدشين نيسان صنى الجديدة كليا

انفراد .. تفاصيل زيارة أعضاء نايل موتورز لمصنع نيسان موتورز مصر - حلم تحول الى حقيقة

انفراد .. تفاصيل زيارة أعضاء نايل موتورز لمصنع نيسان موتورز مصر - حلم تحول الى حقيقة

نيسان تـيم تقدم ..فيديو إعلان نيسان جوك من تصـميمنا إهداء لنايل موتورز و نيسان إيجيبت

شماسات نايل موتورز بلوجو نيسان لقسم نيسان

الكلمات الدلالية لهذا الموضوع

المفضلات

المفضلات

ضوابط المشاركة