الموضوع: نايل موتورز ينفرد باختبار نيسان الصني الجديدة بواسطة 7 من فريق نيسان

المشاركة الأصلية كتبت بواسطة DarkMagician

اول حاجة يا باشا اسمحلي ارد انا عشان انا تعبت بصراحة حضرتك ماشي في حلقة مقفولة ومع احترامي الشديد ليك كل كلامك بيدور حوالين ان العربية وحشة وخلاص

العربية دي لو وصلت 130 الف العقلية السوقية حتفضلها للاسباب التالية
وقبل ما افنط الاسباب عاوزك تعررف اني بعشق الكورسا جدا ولو معايا 130 الف اجيب الكورسا بالنسبالي
وبلاش نتكلمو في اداء ما دام مجربناش
1الكاتيجوري بتاعها غير الفييستا والكورسا كوسع وكاداء

2التوكيل بتاعها توكيل محترم جدا غير توكيل منصور ومعنديش فكرة عن توكيل فورد بس اسمع انو مشكلتو قطع الغيار

3حتى لو حضرتك حبيت تدخل العربيات دي عافية مقارنة مع الصني حقولك ليه سعرها كده

التخفيض الجمركي الخاضع ليه السيارات القادمة من اوروبا هو اللي مخلي سعرها كده

4-التكييف

نيجي بقا لموضوع الهند ومش عارف اي

اقولك حاجة من الاخر ياريت العربية دي كانت بتتقفل في الهند وتيجي مصر احسن ما تتقفل في مصر
ثقافة هو انا هندي لسه موجودة في المصريين رغم ان الهنود دول قمة الذكاء "يكفي انك تعرف ان مايكروسوفت 60% من موظيفنها هنوود"


بس احب اطمنك قطع الغيار الاساسية زي الموتور والتكييف والعفشة و سيستم الامان الخخ

كلها ياباني

الفكرة كلها واكيد حضرتك تسمع ان مثلا شركة زي سوني بتروح للصين عشان خاطر العمالة

تويوتا راحت تيلاند عشان تقفلها الفورتشنر

وخد من ده كتير مهو الصين بتقفل عربيات ولشركات كبيرة ومحدش اتكلم ؟؟

نيجي بقى لعيوب السيارة التقرير طبعا تقرير انطباع مبداي ولا يقدر يحكم على العربية كمستخدم ليها بعد 1000 كيلو على الاقل

عشان كده في المنتدى تلاقي واحد لسه مستلم العربية وخايف يعمل تقرير يا اما يظلمها يا اما ينفخها

فتلاقيه بيقولك اصبرو عليا لما امشي بيها شوية

فالتقرير ده نعتبرو مرحلة مطمانة مش اكتر

واحمد مصطفى خد معاه كذا واحد وبرضو الناس بتقول انو بيثق في التوكيل او عمال ينفخ في العربية

حضرتك عندك 4 اشخاص معاهم الصني القديمة وادو حكمهم

وبرضو حرجع واقول التقرير ده مش معناه روح احجز بدون ما تبص

رجاء شخصي ونصيحة لا تجعل نزعتك الكورية سبب في بخس كل ما هو ياباني

واتمنى ردي ميكونش فيه اي ديق لحضرتك ^_^

اهلا بحضرتك :)
انا قلت المميزات كذا مرة وقلت ان العربية بالنسبة لفئتها ممتازة كفاية الوسع الداخلي ووسائل الامان
مش عشان بتكلم في عيوب ابقى شايف العربية وحشة .. توكيل فورد اللي اعرفه انه بيوفر كل قطع الغيار معرفش بقى منصور نظامه ايه
لو على الاداء فالتجارب اتعملت وكل ال 0-100 في حدود 12.5-15 ثانية في تجارب كتير ..
لو على التخفيض الجمركي فالصني بتتقفل في مصر اصلا يعني جمارك قليلة جدا
كاداء مش هيختلفو كتير وممكن يتفوقوا على الصني كمان
الفييستا 95 حصان 0-100 في 12.2 ثانية
الكورسا 99 حصان vvt بتجيب 0-100 في 11.3 ثانية
ووالله انا مش ببخس الياباني خالص .. الكلام على العيوب مش معناه اني بكره العربية , الصني عربية ممتازة ( وهي مش ياباني :D ) بس حطها في فئتها السعرية ومن الظلم ليها انك تقارنها بعربية زي الفييستا
وبعدين انا بتكلم على الماني واوروبي اهو ومجبتش سيرة كوري خالص يعني :)