| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 9 1 2 3 4 5 6 ... الأخيرةالأخيرة
النتائج 1 إلى 10 من 88

  1. #1

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    Lightbulb نايل موتورز ينفرد باختبار نيسان الصني الجديدة بواسطة 7 من فريق نيسان - Facebook Twitter whatsapp انشر الموضوع فى :

    hasad">


    اعداد المقدمة الى بداية التقييم
    وتنسيق الموضوع
    بقلم العضو واخوكم فى الله
    احمد مصطفى

    والتقييم والانطباع العام

    بقلم
    اخوانى واصدقائى اعضاء تيم نيسان


    نيابة عن اعضاء قسم نيسان
    ملحوظة هامة فى البداية

    فارجوا القراءة بعناية جدا

    سبق وكان لنا دور كبير فى تقييم مراكز الخدمة وايضاح سلبياتها وايجابيتها وطرحها لجميع اعضاء القسم الجدد والقدامى والزائرين من الاقسام الاخرى ومن خارج المنتدى..من خلال الموضوعات المثبتة وموضوعات الاعضاء فى القسم بقصد تسليط الضوء عليها وتوجيهها الى هذه المراكز لدعمها فى تطوير الخدمة لكل عملاء نيسان وعملاء نيسان نايل ..

    وهذه امثلة من موضوعات سابقة





    وعند ظهور سيارات جديدة فى الاسواق المصرية من نيسان
    قمنا باعداد تقارير لابراز امكانيات السيارة .. وبالاخص الامكانيات الخفية عن الاعضاء بكامل المعلومات المدعومة من الشركة الام ..





    لم نتطرق الى العيوب ..ليس تحيزا لها ولا جهلا في امكانياتها ولكن لانها حديثة العهد فى السوق .. فتركنا لحضراتكم والمهتمين باقتناء سيارة بعينها مشاهدة السيارة على ارض الواقع بعيدا عن الصور التى تتداولها موقع السيارات والاقاويل التي قد تثار حولها فيتسنى لكم تجربتها و ابراز العيوب لنا ..وهنا تكتمل الصورة لاى سيارة حديثة فيتمكن اي راغب في اقتناء هذه الفئة من القدرة على الحكم عليها من خلال التجربة الموثوقة بتقارير من ارض الواقع وتبقى له حرية الاختيار وفقا لما يتناسب معه ..
    وهذا ما جعلنا ندعو دائما الاخوة الاعضاء لاعداد تقارير بشكل مستمرعن اداء سياراتهم.. ونقصد بالاستمرارية ان اداء السيارة قد يختلف ويظهر عيوب او مميزات فى 1000 كيلو حتى 100 الف كيلو....

    ومن هنا ...

    لن نسمح بعد هذه السمعة الطيبة .. التى وصلنا لها بين اعضاء المنتدى وخدمتهم لوجه الله على مدار اكثر من سنتين فى قسم نيسان بكل حب وعطاء .. ان يتهم اعضاء القسم الناشطين بتحيز للوكيل .. لغرض دعائى او لاى مركز صيانة على حساب مركز اخر..

    نحن ملاك سيارات نيسان .. وجدنا راحة وحب وترحاب من جانب الوكيل فى التعامل معنا ..و تسهيل العقبات للعملاء فى حل مشاكل سياراتهم .. نظير مانقدمه من اراء قوية وبنائة في سلسلة موضوعات عن سيارات نيسان .. ومساعدتنا قدر الامكان فى حل وتطوير مستوى الخدمة من حيث مراكز الصيانة و مشاكل السيارة
    فكان ولابد من تكامل منظومة العمل .. بين اعضاء القسم وبين الوكيل .. لتعلية شان سيارات نيسان .. ولكن باراء حيادية وابراز مواطن القوة والضعف .. وذلك ما نقوم به...

    فهذا توضيح من اعضاء تيم نيسان والاعضاء القدامى فى قسم نيسان للجميع

    فنرجوا ان نلتزم بروح الاخوة التي تربطنا ... وان تضعوا نصب اعينكم اننا هنا جميعا نقدم خدمة لاعضاء القسم دون مصلحة تذكر سوى ابتغاء وجه الله.. فلا داعي لرمي الاتهامات والادعاءات التى لا اساس لها من الصحة... فهذا لن يقلل من شخصنا بشئ ولكن سيقلل من عزيمتنا و يهدر جهودنا ....

    فكونوا لنا داعم لا هادم ....

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  2. #2

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -

    تقييم وتجربة اداء نيسان صنى بواسطة اعضاء نايل موتورز








    بداية اليوم


    يوم الجمعة 14/6 تم التوجه فى تمام الساعة الثانية ظهرا توجهنا الى معرض اوتو ايجيبت .. لعمل تيست دريف لنيسان صنى الشكل الجديد

    وطبعا كانت المفاجاءة لى عند ذهابى لمعرض اوتو ايجيبت ولقائى بمدير المعرض .. ونظرا لانشغال المعرض فى هذا اليوم بتصوير اعلانات للسيارة الجديدة واستقبالهم للعملاء ايضا .. كان من المرجح تاجيل التيست دريف لليوم التالى ..

    ولكن ما اسعدنى الثقة الغالية التى منحنى اياها العضو المنتدب لشركة اوتو ايجيبت المهندس راجى وايضا مدير معرض مدينة نصر المهندس عادل سعيد .. حيث تم تسليمى السيارة بالكامل تحت تصرفى وعلى مسؤليتي الشخصية
    لتمكين اصدقاء نيسان نايل بتجربة السيارة الجديدة بكامل حريتنا حتى نستطيع تقيمها بشكل كامل وحيادى .. وهدا ماتم فعلا..فباشكرهم على هذه اللفتة الطيبة

    عند وصول الاعضاء على المعرض العضو تلو الاخر .. ودخلوا وشاهدوا السيارة ابدوا اعجابهم بشكل كبير بالسيارة من شكلها والخامات والوسع الداخلى
    لم يكن هناك اختلاف كثيرا عن رائى السابق فى تقريرى الخاص عن امكانيات السيارة


    وطبعا هذا التقرير كان بالنسبالى انطباعى الاول عن السيارة .. فصممت على الذهاب مع الاعضاء لمشاهدتها للمرة الثالثة بالنسبة لى والمرة الاولى بالنسبة لهم .. لكى نحكم باكثر من عين على السيارة .. مع تقييم شامل عنها

    وبالفعل اعد لنا اخونا المحترم والصديق الحقيقى والغالى على قلوبنا بيشوى .. التقييم على شيت اكسل .. لكى يــدون كل الاعضاء الحاضرين تقييمهم بحرافية وبحيادية تامة
    وبشكر بيشوى على تعبه فى اعداد هذا الشيت

    وجاء معاد الانطلاق واخذنا السيارة تحت تصرفنا الكامل وانطلقنا من الحى العاشر مكان معرض اوتو ايجيبت الى طريق التجمع الخامس طريق استاد دار الدفاع الجوى .. حتى يتثنى لنا تجربة السيارة على طريق مفتوح وسريع .. فاغلب العملاء عند عمل التيست دريف مش بينطلقوا على طرق مفتوحة وبيكون التيست دريف فى شارع مدرسة المنهل فقط فى طريق مزدحم لا تستطيع كقائد سيارة ان تحكم بشكل كامل على السيارة لعدم توافر عناصر القيادة الكاملة










    السيارة كانت زيرو وفى التليين وعداد الكيلو متر كان مسجل 40 كيلو

    نظام التقييم

    اولا : صور تقييم الاعضاء

    سوف نعرض عليكم صور لتقييمات الاعضاء اثناء تجربة السيارة
    وتم اتفاق نيسان تيم جميعا على يتم نظام التقييم على هذا النحو


    اقل من 5 ضعيف – 5 مقبول – من 6 الى 7 جيد – من 7.5 الى 8.5 جيد جدا – من 9 الى 10 ممتاز


    ثانيا : انطباعات الاعضاء العامة

    لم نكتفى بعمل تقييم مكتوب بالدرجات
    وقمنا بكتابة انطباعتنا عن تجربة القيادة على هذا النحو




    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  3. #3

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -









    انطباعى العام

    مقدمة :-

    * طبعا كان لي تجربة قيادة من قبل عند زيارتى لمصنع نيسان وذكرتها فى تقرير لى سابق بالقسم .. ولكن لم استفيض بشكل كامل ومفصل عن السيارة فى التيست دريف نظرا لشدة الحر فى ذلك اليوم .. وايضا لتجربة للسيارة لمسافة ليست طويلة ..

    * وكان تقريرى القديم عن ابراز امكانيات السيارة بدون اى عيوب .. وكان الغرض منه ابراز امكانيات السيارة كاى سيارة جديدة يتم طرحها فى الاسواق .. وتطرقت فى الحديث على سبيل الميثال عن وجود باور كهرباء .. وبوجيهات بلاتنيوم .. وايضا على العفشة التى تحسنت عن الموديل القديم .. واسرار كثيرة ذكرتها فى التقرير المطروح فى القسم .. وايضا ذكرت مميزات من الناحية النظرية .. مثل وظيفة البوجيهات البلاتنيوم .. ووظيفة العفشة التروشن بيم والباور الكهرباء .. لمن لا يعرف وظائف تلك الامكانيات .. الى حين ان يتم تجربة السيارة اكثر من مرة وبشكل عملى ..
    وفى النهاية لكل شخص منا فى الحياة له اراء خاصة وطباع واذواق وامكانيات وظروف تشكل فى النهاية منظوره العام فى الحكم على الاختيار او الاعجاب بشئ

    تجربتى للسيارة للمرة الثانية لمسافة اطول لتقييم مقسم الى الاتى :-

    1) الموتور
    2) الثبات
    3) التكيف
    4) الفرامل
    5) التقفيل العام
    6) العفشة
    7) الوسع
    8) تنجيد الفرش

    1- الموتور :

    * من اول تدوير المحرك وصوت التشغيل هادئ .. وصوت الماتور مش خشن ناعم مثل ماتور التيدا .. وايضا صوته اثناء السير هادئ جدا .. وعند الضغط عليه وعمل كيك داون .. صوته قوى ومش مرتفع للدرجة المزعجة ابدا .. وحتى وصوته تحت سرعة 120 مش مسموع وهادئ .. وفوق ال120 مسموع ولكن مش بازعاج

    * من وضع الثبات العربية استجابتها قريبة من ال1600 سى سى ولكن مش بقوة طلعت ال1600 .. وطبعا مفروض اى حد بيقارن لايضع فى باله سيارة 1600 سى سى اتوماتيك او مانيول .. لان حتكون المقارنة ظالمة بالفعل
    واحساسى عند القيادة .. واستمتاعى مع اصدقائى ومراقبة سواقتهم فى اكثر من مرة .. وجدنا طلعت العربية جيدة وطلعتها مش بطيئة ولا سريعة حتى الى الوصول لسرعة 70 ..

    * تجميع العربية من 0 الى 100 من وضع الثبات بنقل الغيارات مانيول على الفتيس الاتوماتيك كانت بتوصل فى حدود من 12 الى 12.5 ثانية فى التيدا عندى بتوصلى الى 10 ثوانى

    * حاجة انتبهت اليها وهى تسارع العربية وانت ماشى بيها على سرعة 70 .. ولما تسقط من الd الى الغيار رقم 2 مع قفل الاوفر دريف .. تجميع العربية كان هائل عند التسقيط .. لدرجة على الطريق فى اتجاه الذهاب وكنا ماشيين عكس اتجاه الهواء فرقنا بمسافة 4 عربيات عن الصنى الشكل القديم وكنت انا وبيشوى فى العربية .. وفى طريق العودة ومع اتجاه الهواء الصنى الشكل القديم كانت بجانبنا وكانت بتطلع منا بحاجة بسيطة .. الى ان فرقت بسيارتين عنا فى النهاية

    * وبصراحة عجبنى جدا تسارع العربية وتجميعها على السرعات العالية زى وصولها الى 180 مرتاح ووصل بيها بسام عند قيادتها الى 185 وكان على الغيار الثالت ولسه كان فيه رابع .. ولما قفلنا الاوفر دريف لقينا لما العربية نقلت على الغيار الرابع وجدنا الاربى ام على 4500 .. يعنى لسه تقدر تعدى ال185 مرتاحة وتوصل الى 200

    * وبعدين فى حاجة كلنا ركزنا معاها فى النقلات وهى ان مفيش نتشة بين الغيارات والعربية بتنقل زى ما بنحس فى التيدا والصنى القديمة ! فمش عارف هل عشان العربية لسه جديدة ولا ايه ! ولا فعلا تم معالجتها

    * تسارع العربية مع التكيف محستش باى حمل على الماتور .. وده اللى بيميز مواتير الhr عن تجربة فى سياراتى التيدا .. الميزة ان على السرعات العالية اداء التكيف بيكون ثابت وقوى .. لانه مش بيعمل حمل على الماتور .. على عكس الصنى الشكل القديم اللى بتاخد من الماتور وبيكون فى اجهاد عليه بس طبعا كان المقابل قوة تكيف الصنى الشكل القديم على السرعات المنخفضة .. بس بردوا فى الجديدة انا شايفه بصراحة جيد جدا

    2- الثبات :

    * ثبات العربية على الطريق الطوالى والسرعات العالية بصراحة جيد جدا .. كنت خايف لتخذلنى .. لكن فعلا زى ما توقعت .. ثابتة فى المناورات وثابتة على الطوالى ..
    وده راجع الى الجزء الثانى الخلفى للعربية


    لانه تصميمه جاى بميل شوية من ناحية السقف الى الزجاج الخلفى بيخلى الهواء يضغط عليه ..

    * وكمان بسبب الخطين اللى على سقف العربية اللى بيمر بينهم الهواء


    وبيكونوا عامل ضاغط وبيخلى الثبات افضل على سرعات .. وكمان بيقلل مقاومة الهواء وبردوا بيساعد فى استهلاك بنزين افضل .. وبصراحة دى الميزة فى العربية ان تصميمها كله الصاج والفوانيس بيقلل مقاومة الهواء

    * وكمان الثبات فى المناورات راجع الى وجود عمودين اتزان استبليزر .. وده بيعطى ثبات فى المنحنيات وفى المناورات

    * ومش حتكلم على الثبات اكتر من كدا تانى عشان متنرفز .. وكل ده بسبب المفترى ى ى احمد زونج .. حسيبه هو يقولكم عملت فيه ايه .. لما احمد اخد غرزة على سرعة 180 المجنون ! المفترى .. وتوبة اركب معاه تانى

    3- التكيف :

    * اداء التكيف بصراحة جيد جدا .. وتبريده يمكن مش حتحتاج تشغل مروحة التكيف الخلفى

    * اداء التكيف مش ماثر فى سحب العربيات على السرعات والتسارع .. ولكن فى بداية الانطلاق من وضع الثبات فى تاثير خفيف

    * المروحة الخفية هى عبارة عن تقليب للهواء اللى فى المقصورة الامامية من السيارة وبتاخده وبتسحبه للخلف يعنى لما الدنيا قدام تبرد .. يبتدى اللى قاعد ورا يحس ويجيله هواء ساقع

    4- الفرامل :

    * استجابة الفرامل قوية جدا .. حسيت بقوة استجابتها على السرعات العالية ..
    وبالاخص على سرعة 160 .. وبسواقتى للتيدا وكمان للصنى .. حسيت انها اقوى شوية .. ازاى معرفش
    وفى اعضاء معايا حسوا بالكلام ده .. مش انا لوحدى

    * الفرامل فيها abs,ebd,ba

    5- التقفيل العام :

    التقفيل العام للعربية حيرنى .. سواء من جوة او من بره فضلت ابص فيها كتير من بره العربية ومن جوة العربية .. عنيه مالمحتش اى مشكلة على عكس الصنى الموديل القديم .. ويارب يفضل على هذا المستوى

    6- العفشة :

    * الذى انتبهت له من اول مرة عند تجربتى للسيارة فى مصنع نيسان هو نعومية العفشة .. وذلك ما تاكدت منه عند تجربة القيادة للمرة الثانية مع الاعضاء
    منذ انطلاقنا من معرض اوتو ايجيبت فى شارع مدرسة المنهل واتجاهنا الى طريق التجمع الخامس طريق (الان ايه) والطريق كان ماليان مطبات .. والعفشة بصراحة كانت فى منتهى النعومية سواء للراكب الامامى او الراكب الخلفى

    * وبسؤالى لاحد مهندسى المكيانيكا فى توكيل نيسان .. وضحلى ان مشوار المساعد اطول من التيدا كمان .. والعفشة اتحسنت كتير عن الصنى الشكل القديم

    * وبصراحة لما جربت وسوقت كذا مرة .. فعلا حسيت ان العفشة حتى انعم من التيدا بحاجة بسيطة .. والعفشة كمان اصبحت اخف من عفشة الصنى الشكل القديم

    7- اتساع السيارة :

    * السيارة عبارة عن كابينة واسعة فعلا .. قدام لما تقعد متحسش انك قريب للارض مثل الصنى الشكل القديم .. والكنبة الخلفية تشيل 3 افراد مرتاحين فى جلوسهم عن الصنى الشكل القديم .. وحتى راحة ارجلهم مرتاحة ومش بتلامس الكراسى الامامية مهما رجعت الكرسى الامامى للخلف اللى جالس فى الخلف مرتاح جدا

    * الشنطة عميقة جدا .. واستغرت ان الوسع الداخلى للكابينة ماخدش من الشنطة والشنطة عميقة ومرتفعة وتشيل كتير

    * الدخول والخروج افضل .. الباب الخلفى بيتفح اوسع عن الباب فى الصنى القديمة او يمكن متيهالى عشان العربية وسعت من الخلف .. بس اعتقد ان الباب فتح وسع فعلا ..
    والباب الامامى وانت نازل منه متحسش انك على الارض زى الشكل القديم وبتخرج منه مرتاح جدا

    * منطقة الكراسى الامامية اوسع بحاجة بسيطة عن الصنى القديمة لان الطابلوه الامامى بعيد عن الكراسى الامامية شوية

    8- تنجيد الفرش :

    الكراسى قعدتها اصبحت مريحة جدا .. ومتعبتش منها بصراحة وقعدت فى العربية حوالى ساعيتن على كرسى السائق مرة والكرسى اللى جنب السائ قمرة وعلى الكنبة كمان

    العيوب :

    * لايوجد اوكر مسند لليد فى السقف ( اللى احيانا بيتعلق عليها جاكت البدلة ) غير فى الامام عند الراكب الامامى اللى بجانب السواق .. واعتقد الاوكر سعرها رخيص جدا .. وكانت مفيدة للراكب الخلفى .. ومفيدة اكثر للناس الكبار سنا .. عشان السرعة فبيمسكه فيها

    * درج التخزين فى الطابلوه الامامى مش واسع وكبير زى مافى الصنى القديمة والتيدا .ز بس يمكن عشان هما قسمين الدرج الى جزء اعلى الطابلوه فيه تخزين بدون غطاء للدرج

    * الكاوتش صوته اللى يركز معاه يسمع صوته .. واكيد تغيره لنوع افضل مثل بريدج ستون حيكون احسن لان الكاوتش لما يكون ماركة محترمة بيفرق كتير فى صالح حاجات كتير منها العفشة وثبات العربية ولو اتغير حيحسن من العربية بشكل افضل

    * اذا كانت نيسان مستقبلا مش حتنتج الا فئة واحدة من الشكل الحالى يبقا ارجوا وضع لونين على خامات البلاستيك مثل الشكل القديم عشان يكسر اى حاجز للناس بخصوص ان البلاستيك الداخلى فقير .. لانه البلاستيك فى نظرى جيد ولكن كثرته فى العربية بيعطى هذه الايحاء

    * ايضا الاوكر الداخلى اتمنى نزولها مستقبلا بنواكل

    * ولكن فى حين لو تم انتاج فئة زيادة عن اللى موجودة فى السوق حاليا اعتقد ممكن يتداركوا هذه النقاط

    * الحاجة الاخيرة هو عند النقل بين الغيارات فى الاتوماتيك بطريقة مانيول .. يعنى انا اللى بتحكم فيها من 1 الى 2 الى d واقفل الاوفر دريف بلاحظ بين كل نقلة ونقلة تاخير حوالى ثانتين .. وبكون حارق وموصل الغيار الى 6500 اربى ام .. بس ده بسبب اكيد ان الماتور 1500 سى سى .. لان مش بيحصل عندى فى التيدا .. ولكن عند وضع الفتيس على الd وبسيبها بتنقل لوحدها مش بحس باى شئ ولا حتى بنتشة فى النقل زى ما ذكرت فى بداية كلامى

    فى النهاية

    العربية فى رائى الخاص صفقة اكثر من رابحة .. لاى شخص محتاج سيارة 1500 سى سى اسرية وقوية بالنسبة الى فئاتها وواسعة ..

    ومش معنى كلامى ده ان السيارة مش بتنافس السيارات ال1600 سى سى .. او لا ترقى الى منافستهم .. فعلا ماتور محترم واستجابته جيد جدا اعطيه 8 الى 10 بالنسبة الى الماتور

    واترككم مع باقى انطباعات وتقيمات الاعضاء

    تحياتى

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  4. #4

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -









    الانطباع العام

    أعزائي أعضاء قسم نيسان الكرام


    كما تعودت مع قسمي الحبيب نيسان علي تقديم التقارير بطريقة حيادية و بسيطة لكي تساعدنا علي توصيل المعلومات بطريقة سلسة .. لذا سأقدم تقريري هذا لأجمل منتدي سيارات في الشرق الاوسط بل و للعالم أجمع لمعرفة السيارة الجديدة نيسان صني 2012 و ما بها من مزايا و عيوب لإستفادة جميع الاعضاء و انا أولكم طبعا ً في الاستفادة من آرائكم الطيبة


    طبعا العربية في مزايا و عيوب كأي سيارة علي مستوي العالم دا كمان غير الازواق و الاختيارات من شخص لأخر طبعا بتكون مختلفة تماما ً و من هنا احب اقدم لكم تقرير مختصر عن انطباعى العام فى بعض التقييمات الاساسية بالسيارة


    تقييمي الرئيسي لبعض النقاط اللي اخترتها شخصيا بالعربية بعد التجربة :

    1- تصميم الرفرف الخلفي خارج عن الكشاف الخلفي :

    و دي من النقاط اللي اثارت اهتمامي فالتصميم بالطريقة دي هتوفر لينا ثمن الفانوس الخلفي في حالة الاحتكاك و كلنا نعلم ان ده بيحصل كتير كل يوم فالتصميم حاز علي اعجابي ان يكون الرفرف خارج عن الفانوس مش زي العربيات اللي بتلاقي ان الفانوس بيكون في حذا الرفرف كما هو بالصور في العربيات "الكورولا - السيراتو - النيسان الشكل القديم .. و هكذا "




    2- المرايات الجانبيه :

    لاحظت ان المرايات الجانبية صغيرة في الحجم لكن الرؤية واضحة و لكن كنت شايف انها لو كانت اكبر شوية كانت هتبقي افضل كتير .

    3- الخامات الداخلية :

    الخامات الداخلية شايف من وجهة نظري انها خامات جيدة جدا و عملية في نفس الوقت بحيث ان اي حد ممكن يغسل العربية من الداخل في اي مغلسة او سبا فبحب العملية جدا ً و ده المنهج اللي نيسان بتتبعه

    4- شنطة العربية :

    الشنطة عبارة عن بحر غوييييييييييييييييييييط جدا ً و فعلا زي ما اعلان نيسان في التليفزيون عامله الشنطة كبيرة جدا

    5- عزل الطابلوه :

    يوجد ورا الطابلوه عزل رائع بين المقصورة الداخلية و موتور العربية و ده فعلا له تأثير رائع في عزل صوت الموتور عن العربية من الداخل و ده كان اهتمامي الاول اول ما شوفت العربية اني اتأكد من العزل وراء طابلوه العربية

    6- الاكصدام الامامي غير مرتبط بالفوانيس الامامية :

    طبعا دي برده من الحاجات اللي عجبتني ان الفوانيس الامامية غير مرتبطة بالاكصدام الامامي بتاتا ً يعني مثلا علي سبيل المثال و ليس الحصر في الميتسوبيشي البوما موديل 2005 كان اول ما يحصل تريح من العربية الامامية للاكصدام كان بيؤثر علي الفوانيس و كان بيخرجها عن الاكصدام و قامت ميتسوبيشي بتعديل الاكصدام في الموديلات التالية لكن نيسان صني الجديدة عملت الفوانيس غير مرتبطة بالاكصدام يعني في حالة حدوث اي ترييح من الامام مش هيحصل اي تأثير علي الفوانيس الامامية




    7- الجلوس داخل العربية :

    العربية يا جماعة و بدون مبالغة بقت واسعة من الداخل بطريقة جنونية لدرجة اني رجعت كرسي السائق للاخر و طبعا عارفين ان احمد زونج رجليه ماشاء الله طويلة و بالفعل وجدت ان مشكلة الجلوس خلف السائق اتحلت بكل المقاييس




    8- كراسي العربية :

    انا اعطيت لكراسي العربية نسبة عالية في التصويت لأنها بالفعل اصبحت مريحة جدا جدا و مش ناشفة زي ما كانت في العربية القديمة و مش محتاجه اي تعديلات بتاتا ً و بالذااااااااااااااااااااا ت في المطبات راحة و ما بعدها راحة

    9- ابواب العربية :

    اصبح غلق و فتح ابواب العربية سلسة جدا جدا و بتغلق من اول مرة و كمان زاوية فتح الباب الخلفي اصبحت افضل من مثيلتها القديمة

    10- عفشة العربية :

    عفشة العربية جربتها كتير في ظروف مثل مطبات و عيون قطة و كذا ظرف لاقيت انها اصبحت ناعمة و النشوفية اصبحت شبه معدومة و انها افضل بكثير من الشكل القديم

    11- سرعة العربية و التسارع مع الصني الشكل القديم :

    العربية جبت بيها حتي 160 كيلو / الساعة لكن خوفت اني ازود عن كده يمكن رهبتي من ان العربية جديدة لكن العربية جابت السرعة بكل سهولة و اصدقائي في التجربة جابوا بيها 180 كيلو / الساعة و اكثر رغم ان العربية عامله 40 كيلو فقط علي العداد و علي فكرة لما عملت تجربة الشد مع احمد زونج كان النجاح لتقدم الصني الجديدة في بداية الامر رغم انها 1500 سي سي لكن ابتدأت الصني القديمة في التقدم لكن في وقت ليس بقريب يعني كانت بتتقدم ببطء و علي فكرة حمل العربية بيتأثر جامد و ده كان معايا عدد 2 راكب غيري و كانت الصني القديم راكب واحد فقط مع السائق

    12- شاسيه الحماية :

    شوفت شاسيه حماية رائع لحماية الردياتير و السربانتينة من اي خبطة امامية و بمساحة محترمة من امام العربية و ده لتقليل الاضرار الناتجة عن الحوادث الجسيمة لقدر الله و دي بتظهر وراء الفليين الابيض كما هو بالصورة





    13- الدليات :

    للاسف مفيش دليات علي الاكصدامات للعربية و ده ممكن في بعض الاوقات تتكتل الاتربة علي الاكصدامات .

    14- الشماسات الامامية :

    لاحظت ان الشماسة الشمال اللي ناحية السائق هي اللي فيها المرايا و اللي جنب السائق مافيهاش مرايا و ديه حاجه استغربت ليها جدا .

    15- وحدات التخزين :

    كان اللي بيميز الصني القديمة هو كثرة اماكن التخزين في العربية لكن الصني الجديدة تأثرت و قلت اماكن التخزين في العربية

    16- المروحة الخلفية :

    المروحة الخلفية يا جماعة هي عبارة عن تقليب الهواء داخل العربية و غير متصلة بالتكييف بتاتا ً و بصراحة كان نفسي تبقي المروحة متصلة بالتكييف لكن عموما ً يمكن تشغيلها بعد ما العربية تاخد درجة الحرارة المطلوبة من التكييف و علي فكرة المروحة قوية جدا و لها سرعات



    17- وحدات الاضاءة داخل العربية :

    الاضاءة داخل العربية محترمة جدا و في وحدة بين السائق و الكرسي الجانبي و الوحدة التانية في الخلف و دي عجبتني لأن زيادة في قوة الاضاءة و كمان الاضاءة الامامية في اوقات معينة بتكفي في اوقات سريعة بدل ما تمد يدك للخلف

    18- الصاج :

    انا شايف ان الصاج متين و قوي لكن مش بمتانة الصني القديمة و احنا عارفين ان اغلب السيارات الجديدة اصبح الصاج ليس بمقدار متانة الصاج في الموديلات القديمة لنفس السيارات

    19- الفرامل :

    الفرامل قمت بتجربتها في كذا ظرف و بالفعل الفرامل قوية جدا جدا و تلحقك علي السرعات العالية

    20- التكييف :

    كعادة العربيات الياباني تلاجه و غير مؤثر علي الموتور بتاتا ً عند التشغيل

    21- الموتور :

    عجبني جدا الشكل داخل الكابود و الوسع و سهولة انك تعمل اي حاجه في العربية و كمان عجبني ترحيل الموتور الي الخلف و ده خلي في وسع محترم جدا بين الموتور و العربية من الامام





    أرجوا يكون تقرير عجبكوا و منتظر آرائكم و أسئلتكم

    بيشوي PeaceMan

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  5. #5

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -









    الانطباع العام

    تم عمل اختبار قياده لمده ساعه لنيسان صني 2012 ال 1500 سي سي اوتوماتيك 99 حصان 134 عزم وسعر العربيه 99900 وسوف يتم تقييم السيارة من حيث النقاط التاليه

    من حيث النقاط التاليه :

    1) الشكل الخارجي
    2) الصالون الداخلي والشنطه الخلفيه
    3) الخامات والكماليات وعوامل الامان
    4) اداء التكييف
    5) القياده العاديه للسيارة
    6) القياده الرياضيه للسيارة
    7) التقييم العام للعربيه ككل
    8) ما ينقص هذه السيارة

    1- الشكل الخارجي :

    العربيه شكلها مقبول بالنسبه لي وانسيابي ومصصم بشكل يعمل على تقليل مقاومه الهواء للسيارة مما يساعد على تحسين اداءها وتوفير البنزين

    2- الصالون الداخلي والشنطه الخلفيه :

    العربيه ما شاء الله واسعه جدا جدا والصالون مريح من قدام ومن ورا لدرجه ان انا رجعت كرسي السائق على الاخر وما كنتش طايل دواسه البنزين قوي ونزلت جربت القعده ورا وكان في مسافه لاتقل عن 20 سم بين ركبتي والكرسي الامامي وانا طولي 175 سم ببساطه لسهوله المقارنه العربيه اوسع من التيدا السيدان بحنه كويسين قوي
    كمان شنطه العربيه ما شاء الله واااااااااااااااسعه جدا وممكن تشيل فيها اللي انت عاوزة وبرضو اكبر من شنطه التيدا

    3- الخامات والكماليات وعوامل الامان:

    بصراحه الخامات ليست عاليه قوي ولا فقيرة قوي بس هي المشكله فيها ان العربيه كبيرة من جوة وفرش الابواب كبه بلاستيك بس هو باين انه فقير شويه عشان الباب كبير فتحس ان العربيه من جوة بلاستيك لكن في الوقع هو بلاستيك زي اي فرش باب عادي في عربيات كتير ومش رديئ خالص لكن نقدر نقول انه معقول وكمان سبب الاحساس بالفقر ده هو استخدام لون واحد بس في فرش الابواب لكن لو كان في لونين غامق وفاتح مع بعض كان الموضوع بقى احسن كتير
    بالنسبه للكماليات فهي عاديه تكييف وباور وسي دي عريض زي بتاع التيدا اسطوانه واحده مش 6 وزجاج كهرباء والدريكسيون قابل للتعديل ومروحه خلفيه لتوزيع هواء التكييف بشكل احسن في العربيه وكمبيوتر رحلات كامل بيدي استهلاك البنزين اللحظي والمتوسط وعدادات لحساب المسافه المقطوعه
    بالنسبه لعوامل الامان فانا شايف انها حلوة قوي بالنسبه لعربيه بالسعر ده .. العربيه فيها ايه بي اس وايه بي دي وبريك اسسيست واتنين اير باج

    4- اداء التكييف :

    انا شايف ان التكييف جميل جدا وكانت تجربه العربيه الساعه 2 الظهر وكنا عاملين التكييف على 2 وكان عامل تبريدكويس في العربيه وكمان وجود المروحه الخلفيه مساعد جامد على توزيع الهواء داخل العربيه بشكل جيد جدا

    5- القياده العاديه للسيارة:

    اولا انا طبيعه سواقتي ان رجلي مش تقيله على البنزين ومش بقرض على العربيه في العادي وبمنتهى الصراحه العربيه في السواقه العاديه داخل البلد ممتعه جدا ومش بتحس انك سايق عربيه 1500 خالص وبصراحه ما حستش بفرق بينها وبين التيدا في السواقه الهاديه اللي من 0 ل 100 داخل البلد وده شئ ممتاز جدا

    6- القياده الرياضيه:

    انا صحيح سواقتي العامه هاديه بس لما بشد بالعربيه باجيب اخرها بمعني الكلمه يعني بسقط وبقفل الاوفر درايف وبجيب سته ونص على الار بي ام وانا بالتيدا كنت بجيب على التاني 110 والتالت 180 والرابع كنت بوصل بيه ل 200 والطريق بيكون خلص والكلام ده على محور الان ايه وتم تجربه الصني في نفس الطريق وبنفس طريقه القياده والنتجيه كانت ان العربيه جابت 110 على التاني و 180 على التالت والطريق كان خلص بس ممكن لو كان الطريق اطول شويه كنا ممكن نشوف الرابع اخباره ايه
    رايي ان العربيه بالنسبه ل 1500 مش وحشه بالنسبه للتسارع بس طبعا اخدت وقت اطول من التيدا شويه بس اهي جابت 180 على التالت مع الوضه في الاعتبار ان نيسان مش عامله العربيه دي بالذات للكلام ده
    وملاحظتي برضو ان الفتيس مع الحرق بياخر شويه في النقله

    7- التقييم العام للعربيه ككل:

    انا قولتها قبل كده وهافضل اقولها لاني فعلا مقتنع بوجهه النظر ي الا وهي ان لما تشوف العربيه وتحكم عليها لازم نبقى عارف ان العربيه دي مش عباره عن نقله خطيرة من عربيه لعربيه الا اذا كنت راكب عربيه اصلا قديمه جدا فا دي ها تكون نقله طبعا
    لكن العربيه دي هدف نزولها اصلا هو عربيه بتشم بنزين وواسعه جدا وشكلها حلو وعوامل امان كويسه جدا بسعر اقتصادي جدا
    لو بصيت للعربيه دي من المنظور ده فعلا ها تتبسط منها جدا
    ورايي الشخصي في العربيه دي من المنظور ده انها عربيه ممتازة جدا وفعلا احب احيي نيسان على تحقيق معادله السعر مقابل القيمه

    8- ما ينقص هذه السيارة:

    انا مش ها اقول ان العربيه ناقصها كماليات كذا وكذا لان اي حاجه ها تتحط في العربيه اكيد ها ترفع سعرها بس على الاقل كان ممكن بس يستخدموا لونين في التابلوه وفرش الابواب للتغلب على انطباع فقر الخامات وخصوصا زي ما قولت ان المساحات اللي متغطيه بالبلاستيك جوة العربيه كبيرة فوجود اللونين كان يا غطي شويه على الاحساس ده

    في النهايه

    ده تقييم شخصي بني على تجربه شخصيه عمليه للسيارة لمده ساعه تقريبا
    ارجو اني اكون قدرت اوصل لحضراتكم معلومه تفيدكم في تقييم العربيه عند اتخاذ قرار الشراء
    وطبعا لازم تروحو تشوفو العربيه بنفسكم عشان تقدروا تحكموا عليها

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  6. #6

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -










    الانطباع العام

    1) الشكل الخارجي
    2) السيارة من الداخل
    3) التقفيل
    4) الموتور
    5) الفتيس
    6) التكييف
    7) العفشة
    8) الثبات
    9) الفرامل


    1- الشكل الخارجي :

    السيارة من الامام شكلها جميل .. لكن من الخلف شكلها مش عجبنى < أذواق > .. الخطوط الانسيابية للسيارة نجحت في اختراق الهوا بطريقة ممتازة ..

    أبواب السيارة بتقفل باحكام من غير أي جهد أو رزع ..

    2- السيارة من الداخل :

    * من الداخل تكاد لاتسمع صوت الهواء الخارجي .. البلاستك المقوى المستخدم في السيارة من الداخل وخصوصا في الأبواب ليس بالممتاز ولكنه جيد .. الطبلوه بيفكرني بـطبلوه new accent 2010 ..

    * السيارة واسعة جدا من الداخل .. اصبح الطلوع والنزول من السيارة سهل .. مساحة الأرجل من الامام و الخلف اصبحت ممتازة و احسن من التيدا في النقطة ديه .. لكن يعيب الكنبةإنها ليست عريضة مثلا التيدا لكن تاخد 3 ورا مرتاحين قوي ما شاء الله .. المسندالأمامي اصبح اطول من القديمة ..

    * شنطة السيارة واسعة جدا .. أوسع من القديمة بس في الطول مش العرض ..

    * الكراسي اصبحت بجودة عالية .. مريحة جدا ما شاء الله .. احسن من القديمة مليون مرة ..

    3- التقفيل :

    * التقفيل بصراحة عالجوا فيها كل شيء ولم اجد أي مشكلة واحدة .. غير بس البلاستيك المستخدم كثيرا ولكنهم تقفل كويس ..

    * بودي السيارة ليس ممتاز ولكنه جيد وده اللي مسبب وزن السيارة الخفيف اللي هي 1000 كيلو و ضعيف في حتت معينة زي الكبوت مثلا ومش معنى كده انه بيلق مع السرعات .. اطلاقا .. وطبعا خفية الوزن ده بيفرق فى استهلاك البنزين

    * مرايات السيارة صغيرة ولكن روءيتها جيدة

    4- الموتور :

    * بصراحة شكله جميل جدا .. والتقفيل حواليه ممتاز ومخدوم جدا .. ولماتيجي تفتح الكبوت هتلاقي بعرض السيارة من الامام عمود من الصلب عشان يحمي السيارة من التصادم العنيف ..

    * الموتور 1500 cc .. 99 حصان .. سيركاتينة جنزير .. بوجيهات بلاتنينوم بتغيركل 100 ألف وأكتر ..وبوركهربة لم يسحب من قوة الموتورشيء .. والعربية drive كهربة مش بـ wire .. يعني موتور ما شاء الله عملي جدا وموفر في البنزين .. وصيانته مش مكلفة نهائي ..

    * الموتورليس ضعيف زي ما الناس فاكرة .. لكنه مش هيعجب الشباب اللي بيحب يجري من الطالعة الاولى وكده .. لكن بعد كده بتلاقي وحش تحت الكبوت .. أنا بنفسي جايب 180 على التالت بكل سهولة والعربية لسةعاملة 40 كيلو وكنا 3 في السيارة والسيارة في التاليين يعني حاجة فوق الممتاز .. بصراحة عجبني جدا .. وكنت واثق الموتور ده محترم .. وفعلا ماكسفنيش

    5- الفتيس :

    الفتيس الاوتوماتيك استجبته رائعة وليس به أي نتشة زي القديمة ..

    6- التكييف :

    التكييف الامامي والخلفي دفعهم للهوا قوي وبيخلي العربية تلاجة بدون أي تأثيرعلى قوة الموتور ..


    7- العفشة :

    العفشة اصبحت انعم بكتييرمن الاول .. بقت مثل عفشة التيدا لم احس بشيء من الخارج ولاخبط ولارزع ولاأي حاجة ما شاء الله ..

    8- الثبات :

    * الثبات ليس بقوة الصني القديمة ولكن ثباتها يقارن بـالتيداواحسن شويتين كمان .. وكمان السيارة دي 2 stapilizer قدام و ورا .. يعيبها فقط الكاوتش الماكسيس السيء .. ولو كانوا نزلوا فيها بريدج ستون كان هيظبطها جدا..

    * أنااخدت بيها غرزة قطم على 180 وأحمد tv ضربني ساعتها ههههههههههههه .. بسم الله ماشاء الله عجتني جدا ..

    9- الفرامل :

    الفرامل قوية جدا ما شاء الله والعربية بتلم نفسها على أي سرعة وبـسلاسة جدا ..

    أتمنى إني ماكُنش نسيت حاجة !!!

    عايز اقول في الآخِر إن السيارة سعرها فيها و اكتر كمان و بجد اللي هيشتريها و خصوصا لو عائلة هتتبسط منها جدا

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  7. #7

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -









    الانطباع العام

    1) الخامات الداخلية للعربية
    2) التقفيل الداخلي للعربية
    3) وسع العربية من الداخل
    4) شنطة العربية
    5) الارتفاع الداخلي للعربية
    6) ثبات و تسارع العربية بالتكييف و بدون
    7) الباور ستيرنج


    1- الخامات الداخلية للعربية :

    الفبر الداخلي جيد وليس كمان يقال عنه إنه سيء وفي رأيي الشخصي عملي أكثر من الصني القديمة لأن الباب عندي اتنقر وطلع في سفينج تحت الطبقة الخارجية وشكلة ما بقاش ظريف عكس الجديدة..

    2- التقفيل الداخلي للعربية :

    التقفيل جيدة جدا وأفضل من الصني القديمة.. التابلوه جيد جدا وتقفيلة ممتاز..

    3- وسع العربية من الداخل :

    الدخول والخروج سهل جدا ودي مشكلة بتقابلني في الصني القديمة وهي إن رجلي بتخبط في الدركسيون، خصوصا وأنا خارج من العربية..

    4- شنطة العربية :

    الشنطة ما شاء الله واسعة جدا وأوسع من القديمة بحوالي 30 لتر ..

    5- الارتفاع الداخلي للعربية :

    ارتفاع السيارة مناسب وإن كان أقل بنسبة بسيطة عن القديمة...

    6- ثبات و تسارع العربية بالتكييف و بدون :

    السيارة تسارعها جيد جدا وخصوصا على السرعات العالية ومع التكييف وثباتها جيد وكانت كويسة جدا معايا لحد 160 ولمت نفسها في حركة مفاجأة بدون مشاكل، قدرتها على المناورة جيدة جدا، التكييف رااااااائع وغير مؤثر على الأداء لكن شكل ازرار التكييف غير مقبولة بالنسبة لي

    7- الباور ستيرنج :

    الباور ممتاااااااز وناعم وبيفصل على سرعات وبيتقل ودي أنا حسيتها

    عيوب السيارة :

    ماركة الكاوتش (ماكسيس صيني)

    صفقة رابحة :

    وفي النهاية السيارة تعتبر صفقة أكثر من رابحة وأنا كنت واحد من الناس اللي غير متفائل بيها وبشكلها بس لما شوفتها على الطبيعة وجربتها على طريق مفتوح بصراحة غيرت رأيي تماما وأتوقع لها النجاح .. تحياتي

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  8. #8

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -









    الانطباع العام

    عمرو منير اخونا وزميلنا فى نيسان تيم انشغل الفترة السابقة بعد عمل اختبار القيادة الى وقت نزول هذا التقرير
    وحين اتصاله بالانترنت ودخوله قسم نيسان .. سوف يشارك بانطباعه العام فى مشاركة بالموضوع باذن الله










    الانطباع العام

    حسين جمال اخونا وزميلنا فى نيسان تيم انشغل الفترة السابقة بعد عمل اختبار القيادة الى وقت نزول هذا التقرير
    وحين اتصاله بالانترنت ودخوله قسم نيسان .. سوف يشارك بانطباعه العام فى مشاركة بالموضوع باذن الله


    فى النهاية




    تقبلوا تحيات نيسان تيم جميعا
    ونتمنى ان التقرير وتنسيقه
    ومجهود الاعضاء يحوز على اعجابكم

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  9. #9

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    يشرفني اني اكون اول رد
    ما شاء الله موضوع رائع
    وتقرير جميل
    تسلم ايدك
    تقيم كامل ...


  10. #10

    الصورة الرمزية mrking8

    رقم العضوية : 38802

    تاريخ التسجيل : 24Apr2009

    المشاركات : 23

    النوع : ذكر

    الاقامة : DAMANHOUR

    السيارة: STEP WAY

    السيارة[2]: 128

    دراجة بخارية: لا

    الحالة : mrking8 غير متواجد حالياً

    افتراضي -

    hasad">

    الحمد لله انى لقيت حد زيكم يساعدنى فى قرار الشراء
    سؤال من فضلكم هو كرسى السائق بيعلى ولا ايه انا مش طويل وبحب وانا سايق اشوف حدود عربيتى
    و ربنا يسعدكم



 
صفحة 1 من 9 1 2 3 4 5 6 ... الأخيرةالأخيرة

المواضيع المتشابهه

  1. مشاركات: 17
    آخر مشاركة: 17-07-2014, 02:31 PM
  2. مشاركات: 41
    آخر مشاركة: 03-01-2013, 08:23 PM
  3. انفراد .. تفاصيل زيارة أعضاء نايل موتورز لمصنع نيسان موتورز مصر - حلم تحول الى حقيقة
    بواسطة Bishoy.Girgis في المنتدى المنتــــــدى العـــــــــــام للسيــارات
    مشاركات: 0
    آخر مشاركة: 24-11-2012, 07:17 PM
  4. مشاركات: 25
    آخر مشاركة: 13-05-2012, 05:49 PM
  5. شماسات نايل موتورز بلوجو نيسان لقسم نيسان
    بواسطة Ahmed.TV في المنتدى نيـــــــــسان
    مشاركات: 38
    آخر مشاركة: 18-09-2010, 08:05 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2