عايز أعرف منكم بكل أمانة ثبات لانسر بومة وخدت كام فى اختبار التصادم ؟؟؟
عرض للطباعة
عايز أعرف منكم بكل أمانة ثبات لانسر بومة وخدت كام فى اختبار التصادم ؟؟؟
هي عربية ممتازة ولكن اترك الرد لاصحاب اللانسر البومة
ثباتها ممتاز انا مشيت بيها لحد 170 وشايف ان ثباتها كويس اختبارات التصادم مش عارف بصراحه
أنا الكاوتش الامامى فرقع منى و انا ماشى 120 و العربية خدت خمس خمسات على السرعة العالية دة و مقلبتش - لو عربية من اياهم كانت قلبت على 60 مش 120 - و اللة ثبات ممتاز
ثبات لانســـر ممتاز على السرعات المرتفعة
عن تجربة عند 160 كم/س
عن تجربة غرز على 200 وماحستش بحاجة بس بامانة بعد ال 170 - 180 بتخف شوية بس باخد غرزة رايح جاي 180 و 170 عادي جدا بصراحة غير المواقف الفجائية وبصراحة من 2007 لحد دلوقتي مابفكرش اغير الانسر وجربت كتير سيراتو واكسنت وفيرنا وياريس وكورولا واحسنهم ثبات الانسر وبعدها حسيت السيراتو اقرب اتنين لبعض
انا جربت لحد 170
والحمد لله الثبات ممتاز
معرفش بعد كدة بتبقى عاملة ازاى ؟
ثبات البومة ممتاز وتاخد بيها غرز على سرعة لغاية 120 كان العربية واقفه بعد كده اكيد الثبات بيقل شوية شوية
عن تجربة انا عندي شارك وكان عندي بومة الاتنين ثابتهم ممتاز لكن الشارك اقوى في الملفات والغرز وتحس العربية مبيتهزش خالص في الغرزة لكن البومة كويسة جدا بالنسبة للعربيات التانية بكتير زي السيراتو وافيو وغيره لكن في الغرز على سرعة هتلاقي العربية بتعوم وفي الملفات لازم تهدى على دواسة شوية لكن الشارك ولا هزة والله
الخلاصة البومة ثبات رائع احسن بكتير جدا من بقية ( السيراتو - الأفيو - الكروز - ........) لكن الشارك اقوى :)
الثبات حلو لغاية 160
وكنت بتنقل من حارة للتانية بكل سهولة
بس هي المشكلة ان بعد 150 160 بتجمع ببطء جامد
انا جريت بيها لحد 140 وكان الثبات ممتاز تحس انك مطمن وكان ممكن ازود بس الطريق مكانش يسمح
العربية تمام في الثبات والغرز .. والدريفتات كمان
أحسن أداء من البومة تاخد
لما تهبط العربية شوية .. وتخلي عرض الكاوتش مش أقل من 195
وعيش على أي سرعة .. وإعمل غرز زي مانت عاوز
بالنسبة للتصادم
الكل بيروح في داهية في التصادمات.. الياباني بيستحمل عن الكوري كتير
جبت 170 بكل ثبات هايلة و الفتيس بتاعها لا يفصل بين النقلات و داة مش موجود تقريبا غير فى البومة 1600
إزاى بقى الفتيس مش بيفصل فى النقلات ؟؟ قصدك مش بتحس إنه بينقل ؟ أو بينقل بسرعة قوى لدرجة إنك متاخدش بالك ؟ على فكرة متعة القيادة بالنسبة لى فى المانيوال ولازم أحس ان العربية بتنقل فى الأوتو برضه لذلك أنا بفضل السيمى أوتو المانيوال بدبرياج كهرباء
4 من 5 كتقييم شامل لأختبارات الأمان من
الهيئه الأوروبيه لأختبارات الأمان
طبعا دا بكامل الإيرباج وحضرتك تقصد البومة اللى أخدت 4 نجوم ولا الشارك ؟
ثبات خرافى لغاية 190 كم/ساعة بس فيه ملحوظة مهمة جدا ناس كتير مش بتاخد بالها منها.............
نوعية الكاوتش والكاتيجورى بتاعه بيفرق جدا ولو كاوتش رخيص تماسكه فى الأرض بيبقه وحش مهما كانت العربيه ثابته........
أنا مركب عندى على نفس الجنط الـ 15 الأصلى كاوتش بريدجستون يابانى بوتنزا(فئة الأداء الرياضى) مقاس 195/55 15 وده تماسكه خرافى وبيظهر امكانيات ثبات العربية بالكامل صح بالإضافة الى انه موطى العربية 1 سنتيمتر لأن مقاس الكاوتش الأصلى بتاعها 195/60 وبصراحة الموديل ده معليينوا زيادة عن اللزوم وفى رأيى محتاج يهبط السنتيمتر ده مع العلم ان العربية بردو ما زالت ما بتحكش فى اى مطب وانا مركب 5 فى العربية.
معى ثبات لغايه 200 كويسه
غرز خفيفه لغايه 170
غرز عنيفه ممكن لغايه 150
وديه تجربتى