تاجيل الجيش بالنسبة للولد الوحيد ازاى

**SASA3** · 27-06-2012 01:16 PM

المشاركة الأصلية كتبت بواسطة MOK3336

مبروك الإعفاء يا معلم

الله يبارك فيك يا زعيم

المشاركة الأصلية كتبت بواسطة Screenplays

الحاج هو اللي خلصلي الورق اياميها عشان كنت مشغول في الدراسه و طلعت علي الزقازيق (كان يوم اسود) و اخدت الشهاده الخضرا و روحت

ههههه ربنا يخليلك الحاج
انا برضه كان ممكن اعملها فى الدراسه بس قلت مش فارقة بدام كده كده مش داخل الجيش

المشاركة الأصلية كتبت بواسطة kameluo

القيد العائلي و ال6 جند و لما تروح الوحدة تاخد البطاقة بتاعت الوالد عشان الراجل لما بيراجع الورق بيشفها

تمااام علم و ينفذ

بس القيد ده من السجل المدنى و انا الى بملأه ولا ايه؟؟

المشاركة الأصلية كتبت بواسطة swimmer25

وتعمل حسابك في صور شخصية كمان

حاضر بسيطة ان شاء الله

المشاركة الأصلية كتبت بواسطة naser_56

طالما انك وحيد تروح السجل المدني تعمل قيد عائلي وتروح بيه الوحده بتاعتك وهتاخد تأجيل ٥ سنوات اما في حاله ان الوالد تجاوز سن ال ٦٠ او متوفي بعد الشر طبعا في الحاله دي بيكون اعفاء نهائي

الف شكر على معلوماتك يا كبير

المشاركة الأصلية كتبت بواسطة mido353235

اهم حاجه فالورق القيد العائلى وده بتطلعه من السجل المدنى اللى انت تابع ليه وبطاقة 6 جند ومش فاكر بالظبط الحاجات الباقيه وتجهز الورق وتروح فى اى وقت تقدمه مفيش وقت معين و ممكن تسال فى قسم الشرطه

ربنا يسهل يا رب

انا خايف احسن يكون فيه حاجه بتتطلب من الكلية

**Nistelrooy** · 27-06-2012 02:10 PM

الناس الي ملهاش جيش :)

**A7MED_PHARMA** · 27-06-2012 04:41 PM

لو إنت خلصت الكلية بالفعل والحج لسه ماطلعش معاش
تروح تاخد تأجيل 5 سنين
لو الوالد عدى الــ 60
تروح تاخد إعفاء نهائي

بتروح وإنت معاك الأتي
-صور شخصية خلفيتها سادة (أبيض مثلا)
- بطاقتك + صورة
- بطاقة الحج + صورة
- قيد عائلي
-مستخرج شهادة ميلاد رسمي..للوالد وليك(وخد بتاع الوالدة كمان مش فاكر بس خدو إحتياطي برضو)
- تروح منطقة التجنيد إلي إنت تابعها..تشتري إستمارة 6 جند
وتشوف الموظف الي هياخد منك الورق وهيقولك إيه
مش هتحتاج ورق تاني غير ده

جهزو ..وحطو في حافظة . . وخد معاك مبلغ في حدود الــ 50 ج يمكن تشتري حافظة أو ورق أو خلافه

وتسيب موبايلك في البيت .. علشان ممنوع دخول منطقة التجنيد بيه
أو تسلمه على باب مركز التجنيد

اه
وهات مايثبت إخلاء طرف من الكلية... شهادة مؤقتة او غيره

**SASA3** · 27-06-2012 06:27 PM

المشاركة الأصلية كتبت بواسطة A7MED_PHARMA

لو إنت خلصت الكلية بالفعل والحج لسه ماطلعش معاش
تروح تاخد تأجيل 5 سنين
لو الوالد عدى الــ 60
تروح تاخد إعفاء نهائي

بتروح وإنت معاك الأتي
-صور شخصية خلفيتها سادة (أبيض مثلا)
- بطاقتك + صورة
- بطاقة الحج + صورة
- قيد عائلي
-مستخرج شهادة ميلاد رسمي..للوالد وليك(وخد بتاع الوالدة كمان مش فاكر بس خدو إحتياطي برضو)
- تروح منطقة التجنيد إلي إنت تابعها..تشتري إستمارة 6 جند
وتشوف الموظف الي هياخد منك الورق وهيقولك إيه
مش هتحتاج ورق تاني غير ده

جهزو ..وحطو في حافظة . . وخد معاك مبلغ في حدود الــ 50 ج يمكن تشتري حافظة أو ورق أو خلافه

وتسيب موبايلك في البيت .. علشان ممنوع دخول منطقة التجنيد بيه
أو تسلمه على باب مركز التجنيد

اه
وهات مايثبت إخلاء طرف من الكلية... شهادة مؤقتة او غيره

حبيب قلبى شكلك كده مجرب و عارف الى فيها تعاللى بقا

الصور الشخصية دى لازم خلفية بيضاء ؟؟

القيد العائلى من السجل المدنى صح ولا منين و انا الى بملأه ولا هما فى السجل المدنى

و شهادة الميلاد دى الى هى شهادة كمبيوتر ولا شهادة العادية اخد ليها صورة بس و ليا و لوالدى كمان ؟؟ مش كفاية البطاقة ؟؟

و الموبايل فعلا روحت هناك قبل كده قلبوه منى من على البوابة

**kameluo** · 27-06-2012 06:39 PM

القيد العائلي في السجل المدني
تروح معاك البطاقة بتعتك و صور من شهدات الميلأد بتعتك و بتاعت اخواتك كلهم و صورة من قسيمة الزواج بتاعت الوالد و الولدة و تاخد الاصل كمان معاك عشان العسكري هناك بيشفها

**A7MED_PHARMA** · 27-06-2012 07:01 PM

المشاركة الأصلية كتبت بواسطة sasa3

حبيب قلبى شكلك كده مجرب و عارف الى فيها تعاللى بقا

الصور الشخصية دى لازم خلفية بيضاء ؟؟

القيد العائلى من السجل المدنى صح ولا منين و انا الى بملأه ولا هما فى السجل المدنى

و شهادة الميلاد دى الى هى شهادة كمبيوتر ولا شهادة العادية اخد ليها صورة بس و ليا و لوالدى كمان ؟؟ مش كفاية البطاقة ؟؟

و الموبايل فعلا روحت هناك قبل كده قلبوه منى من على البوابة :n_no[1]::n_no[1]:

انا واخد إعفاء نهائي
لأني العائل الوحيد... انا الإبن الأكبر لوالدي الي عدى الــ 60 سنة
وأخويا لم يصبه الدور ولسه في الكلية

.
قول لصاحب الاستوديو انك عاوز صور للتجنيد
القيد العائلي من السجل المدني
شهادة الميلاد المستخرج الرسمي الي بالكمبيوتر ليك ولكل واحد في القيد العائلي(إنت والوالد والوالدة)

وتجيب مايثبت إخلاء طرف من الجهة الي كانت بتأجل طلبك للتجنيد(الكلية)

وبالنسبة لسؤالك؟
سألت نفس السؤال ده للموظف.. قالي تعمل إلي بقولك عليك وماتسألش هههههههههه

**Medo.Malek** · 28-06-2012 04:01 AM

المشاركة الأصلية كتبت بواسطة sasa3

حبيب قلبى ازيك يا كبير عامل ايه و الله واحشينى

بس مش انت عارف حوار التجنيد ده خلاااااص انت تيجى معايا نقضى الحكاية دى مع بعض :):)

و الله يبارك فيك عقبال ما تتخرج انت كمان كده

و المقابلة الجاية يبقى عليك علشان هنقعد سنه نلم فى الناس تانى

الحمممممممد لله انا بخير و انت كمان والله واحشنى انت و الرجالة
حبيبى انا تحت امرك فى اى وقت رنة صغيره و هاتلاقينى عندك
انا بتكلم جد
ههههه سيبنى فى حالى يا عم قال تخرج قال
ما هيا ان شاء الله ان شاء الله بدون مقاطعة و باذن ربنا كده كده المقابلة الجاية عندى اصلا
هافهمك التفاصيل قريبا ان شاء الله :))

**Screenplays** · 28-06-2012 08:30 AM

المشاركة الأصلية كتبت بواسطة Nistelrooy

الناس الي ملهاش جيش :)

طب ده قر و لا حسد ؟

-

الموضوع: تاجيل الجيش بالنسبة للولد الوحيد ازاى

LinkBack

أدوات الموضوع

عرض

-

-

-

-

-

-

المواضيع المتشابهه

الحمد لله خدت تاجيل من الجيش

تاجيل مبارة الزمالك والاهلى

خبر عاجل تاجيل الدراسه

مصير اللى واخد تاجيل من الجيش ؟؟؟؟؟

تاجيل مقابله عيد ميلاد المنتدي

الكلمات الدلالية لهذا الموضوع

المفضلات

المفضلات

ضوابط المشاركة