عرض للطباعة
انا برضة يا شباب حجزت لوجان اوتو من اسبوع ومنتظر الاستلام بس عايز حد من مالكى الاوتو او عنده معلومة يقول مشاكل سخونة الدواسة والعربية من الداخل وكمان مشكلة الصوت بتاع الموتور ؟؟؟ هل المشاكل دى مازالت مستمرة ولم تحل ؟؟؟ هل لم يتم عزلها ؟؟؟ وكمان انطباعكم عن الاوتو وما هى مميزاتها الجديده ؟؟ بس ياريت تردوا على استفساراتى الاولى ضرورى اوى ى ى ى ى ى ى ى ى ى ى ى :36_1_34[1]::36_1_34[1]:
اللى عرفتة من مشاركات مالكى الاوتو ان العزل بتاع السخونة اتحسن جدا فى الاوتو و صوت الموتور معقول جدا
الف مبروك و ياريت تقولى حجزت منين و الاستلام امتى علشان دايخ على المعارض و كل واحد فيهم يقولى معاد شكل !!
الخلاصة بعد حوالي ٩٥٠ كم
السخونة:
مش العيب الملحوظ, آه بحس بدفى لما بحسس على كونسول التابلوه (مكان الكاسيت والأزرار) لاكن مش بشكل مزعج. في دفى فى بومبية الوسط بتاع الشكمان لاكن برضة مش مزعج. الخلاصة في الشتاء ممكن يكون الدفى ده له تأثير جيد على الجو العام في العربية, والصيف مع التكيف مفيش مشكلة خالص. انا كنت بفكر أعمل موضوع زيادة العزل إللى بعض الأعضاء شرحوه في أكثر من موضوع بس بفكر أطنش وملعبش في العربية خصوصا إني حاسس إن الموضوع وسوسة مش أكتر. ممكن بس أعزل ماسورتين التكيف السخن إياهم عشان باينين وسهل أعملهم بنفسي. ممكن كمان أعزل ماسوت الفريون الساقع في الكبوت عشان أستفيد بأقصى درجة من التكيف.
بالمناسبة التكيف مبشغلهوش غير على ١ وساعات قليله على ٢ لو عايز العربية تبرد بسرعة لو كنت راكن في شمس, وزي الفل. لو كنت بتمشي في زحمة جامدة في عز الظهر ٣ أو ٤ هيعملو معاك الواجب وأكتر على ما أظن.
صوت الموتور:
مش عارف أعمل مقارنة كويس بينه وبين المنوال, لاكن من شرح الأعضاء أقدر أقول إن صوت الموتور أهدئ بكتير من المنوال. وإنت قافل الزجاج على السلانسية متسمعش الموتور تقريبا على الأول والثاني تسنعه على خفيف لو قارص بنزين سنه, على الثالث والربع صوتة لا يذكر إلا لو ماشي على سرعة عالية, الخلاصة صوتة ميتسمعش غير بداية من ٣ أو ٣.٥ أر بي إم. عموما إللى ظاهر من صوت الموتور صوت ناعم وغير مزعج نهائي وبيهدئ مع الإستخدام (دلوقتي غير أول ما إستلمت العربية). كان معايا صديق جوز أخته معاه صني سوبر صالون من أسبوع كده, قولتلة إيه رأيك في صوت الموتور , مش عالي؟ قاللى عالي إيه بسم الله ماشاء الله, إنت ما سمعتش صوت موتور الصني!
العزل:
ماظنش فيه أي تغيير في عزل الكابينة من الداخل, لاكن الزياده عن المنوال عزل غطاء الكبوت من الداخل وعزل في صدر العربية داخل حوض الموتور, وأعتقد العزل ده لازم لإختلاف نوعية الموتور عن المنوال.
مميزاتها:
أنها أوتو ياباشا هههههههه, حضرتك تقصد إيه؟ مش إنت أكيد شوفتها في العرض وعارف إمكانياتها؟ عموما هي هي المانوال البلاك لاين بالمللى ماعدا الفتيس والموتور, حضرتك تقدر تشوفها على الطبيعة.
وعلى فكرة الفتيس مواجهتنيش فيه أي مشكلة زي مبيقول البعض عن ناتشة وكده, أنا في وجهة نظري المسألة دي تخضع للتعود (يعنى لو حد متعود على حاجة أحسن ياباني) أو مشكلة فردية.
أنا طالع من مازدا ٣٢٣ موديل ٨٣ وحاسس إني مكنتش راكب عربية أصلا ههههههههه, بجد والله الحمد لله. بالنسبة لحضرتك كان معاك ١٣٢ أظن هتحس نفس الإحساس مع إحترامي لل ١٣٢, أكيد كانت عربية أصيلة وشالتك كتير زي المازدا عندي, بس الزيرو زيرو والحديث حديث.
مليون شكر ليك يا باشا ؟؟؟ على فكرة انت جاوبتلى عبى حاجات كتيييييير كانت شاغلانى ؟؟؟؟ والحمد لله على نعم ربنا علينا ؟؟ مبروك ليك عربيتك وربنا يباركلك فيها ويكفيك شرها ؟؟؟ شكرا يا باشا
شكرا ليك يا بوب على ردك عليا وربنا يكرم انا بصراحة حجزت فى الوكيل eim فرع مصر الجديدة اللى عند المحكمة ؟؟ بس مشكلة الاستلام دى هى اللى مالهاش حل لأنه ادانى نفس ميعاد كل الموزعين من شهر ونص لثلاثة ؟؟ لأن العربية مش موجودة فى البلد خالصاقتباس:
المشاركة الأصلية كتبت بواسطة كوباية شاى