بسم الله الرحمن الرحيم
اعضاء المنتدي الكرام بدور علي كورولا الملكة اوتوماتك وجاد جدا في الشراء ياريت حد يساعدني
عرض للطباعة
بسم الله الرحمن الرحيم
اعضاء المنتدي الكرام بدور علي كورولا الملكة اوتوماتك وجاد جدا في الشراء ياريت حد يساعدني
حبيب قلبي يا اهلاً وسهلاً بيك
عاوزها موديل ايه وفي حدوود كام. الف وتلتمية ولا الف وستمية
ونعم الإختيار . .أهنيك علي حسن إختيارك .. عربية ملكة إسم علي مسمي بجد ..معايا من الزيرو ..ولم اقتنع بفكرة تغييرها .. متعة الركوب والقيادة ..هتتعب قوي علي ما تلاقي حالة ممتازة لان اللي فاهمها صعب جدا يفرط فيها وده اللي مغلي اسعارها ..ممكن تلاقي حالات متوسطة أو شقيانة وتصرف وتجدد ومش صعب لأن قطع غيارها موجودة الجديد والاستيراد بس قطع غالية شوية لكن معمرة جدا وأصلي ..أصلي
في وحدة قدامي موديل ٢٠٠٢ في سينا بس صاحبها مش عارف يصلح نتشه بسيطة فيها علشان زي ما انتا عارف مفيش توكيلات في سينا ولا ميكانيكية عدلة. واحد عامل موضوع في قسم تويوتا اسمو منعم. ايه رايك نوقعهالك منو
ممتازه عن بكل المقاييس وربنا يكرمك في عربيه كويسه
[QUOTE=me_medoo;3874402630]في وحدة قدامي موديل ٢٠٠٢ في سينا بس صاحبها مش عارف يصلح نتشه بسيطة فيها علشان زي ما انتا عارف مفيش توكيلات في سينا ولا ميكانيكية عدلة. واحد عامل موضوع في قسم تويوتا اسمو منعم. ايه رايك نوقعهالك منو [/QUOTE
ربنا يخليك انا حلمي ينتهي عند 97 الملكة ياباشا
السلام عليكم
انا معايا تويوتا 97 الملكة كاملة اتوماتيك لونها ابيض 1300 سى سى
ومعروض عليا تويوتا 2004 فعلشان كدة بفكر فى بيعها بس فعلا سيارة محترمة جدا
متابع
بالتوفيق ان شاء الله ...
انا د.عمرو من فاقوس معايا كورولا 96 بس مانيوال كاملة (زجاج كهرباء ,باور ,تكييف, سنتر, انذار اصلي ,كاوتش جديد موتور, حالة الزيرو وفي البنزينة, بيضاء, بنزين 80 ,مش محتاجة الهوا بس الغالي تمنه في انا طالب فيها 51000 من غير فصال)
تليفوني01005465798
بعد اذن الجميع انا تعبت من البحث عن عربية بحالة جيدة وماكنش يفرق معايا السعر لذلك قررت ازود المبلغ اللي معايا واشتري لانسر بومة 2007 احسن عشان كل واحد معاه تويوتا كويسة مش عايز يبيع والسلام ختام
السلام عليكم
مقولتليش عملت اية فى العربية اللى كنت هاتشوفها انا استنيتك تكلمنى على لو لسة ناوى قولى
وربنا يوفقك للاصلح
ربنا يخليك يا استاذ شريف اللي حصل ان الوسيط وصاحب العربية بيتسلوا ومش جد في الشراء كل يوم يقولوا بكره وبعده وعشان انا في موسم رمضان مشغول نفضتلهم بالبلدي وواحد صاحب والدي الحاج عنده ورشة كهربائي سيارات كان اشتري للحاج بيجو 504 سنة 1995 وكانت عربية جيدة قالوا ماتتعبشي نفسك في قدامي لانسر بومه 2007 فبريكة وكاملة سعرها من 60 الي65 الف واسمها لانسر وموديل جديد بس بعد رمضان وبصراحه انا قولت خلاص يمكن ربنا كتبهالي واهو صابر لحد ماشوف النصيب هيوديني لفين وبرده ان شاء الله هوافيك بالاخبار يمكن تغير للنسر بدل التويوتا
لانسر افضل و احدث
مع كرولا93 الملكلة 1600 اتوماتيك ايرباج سائق جنط 14 اكصدامات برزة مواصفات امريكى
باور تكييف/ فتحة التنك والبنزين من الداخل اللون شمبان المطلوب64000 الف رخصة3 سنوات
فبريقة من الخارج والداخل
ممكن صور استاذ سامح
ماردتشي عليا استاذ سامح
هو السعر مبالغ فيه بس انا مش لاقي واحدة حالتها حلوة لحد دلوقتي وربنا يسهل بعد العيد
يا جماعة ان شاء الله هروح السوق يوم الجمعة اشتري الملكة ياريت اصحاب الخبرة ما يبخلوش عليا بالنصيحة والله الموفق والمستعان
الحمد لله ربنا اكرمني بتويوتا كرولا 2002 1300 سي سي اوتو ازاز كهرباء سنتر باور عاملة 100 الف كيلو
الف مبروك