نختلف فى التقييم احيانا فمنا من يقول ان افضل موديل فى اى عربيه بيكون اول دفعات بتنزل منه وهناك من يقول لا بلعكس الموديل اول ما بينزل بيبقى فيه عيوب وبعدين بيتم تلافيها فى الدفعات الاحقه شارك فى الاستطلاع وقول لى رأيك
نختلف فى التقييم احيانا فمنا من يقول ان افضل موديل فى اى عربيه بيكون اول دفعات بتنزل منه وهناك من يقول لا بلعكس الموديل اول ما بينزل بيبقى فيه عيوب وبعدين بيتم تلافيها فى الدفعات الاحقه شارك فى الاستطلاع وقول لى رأيك
الموديل التاني
بيكون الافضل
امثله
ال 28 الجيل التاني منها موتور 1300 افضل
البيجو 504 موديل 79 الافضل
فيات 32 ال 2000 افضل
ال 31 موديلات اوائل الثمانينات الافضل
الشاهين 1400 الافضل
الاسبرانزا من موديل 2008 الافضل
ايه تاني مش فاكر
لكن الكلام علي العربيات الا جيال التاليه لاول موديل لكن نفس الشكل علشان يكون التصويت صح
اولاً أحييك بشدة علي موضوعك الجميل
ثانياً انا رأيي ان احياناً بيكون الأتنين ولكني أخترت الأختيار الثاني وهو تلافي العيوب في الموديلات اللاحقة.
من خلال متابعتي للسيارات وولعي الشديد بها
لاحظت الأتي
احيانا فعلا اول موديل بيبقي أجمد موديل وبيعمل شعبية جامدة جدا لباقي الأصدارات منه زي مثلا اللانوس وكل الدايو القديم بدءاً من 94 زي ريسير وسيليو
وزي الأكسيل 94 سواء هاتش باك او سيدان
واحياناً أخري بيعملوا فيس ليفت وبعض الأضافات بتخلي اخر موديل في الشيب هو احسن واجمل موديل ودة اتعمل في عربيات كتير منها السيفيك 90-91 للجيل الرابع (87-91)
وايضا الأبيزا 98-99 كان من افضل موديلات الأبيزا للجيل الثاني (93-99) mk2
وهكذا الصني 99-00
وهكذا البيجو 406
والنيو أكسنت تمت معالجة عيب الدريسكيون الكهرباء
وعربيات تانية كتير اوي
تحياتي
والله المستعان
،
،
هي بتقلق بصراحة بس تعرف الاول احسن العربية عاملة ايه مع الناس
اخترت الاختيار الثاني ... رغم إن أنا باشاور نفسي أحجز الصني الجديدة قبل شهر عشرة علشان أستفيد بتخفيض السعر على الدفعة الأولى وهو حوالي 3 آلاف جنيه...
الاختيار الأول بيدعمه عندي سواق تاكسي قديم ركبت معاه مره وقال لي إن ما فيش زي الموديلات اللي في الأول لأن الشركة بتعمل العربية في الأول دعاية وبعد كده بتخف الشغل فيها لما حالها يمشي... لكن طبعا هو كان بيتكلم وفي ذهنه البيجو ال504 موديل 79 بالذات ... اللي ما فيهاش أي تكنولوجيا الكترونية تقريبا ...
الخطر دلوقت في المكونات الإلكترونية التي ملأت السيارات اللي ممكن يكون فيها عيوب وعدم توافق في النسخ التجريبية يتم تلافيها بعد ذلك .
أعتقد الموضوع مش عام و مش بينطبق على كل السيارات .
يعني مثلا الجين 2 أول ما نزلت في أواخر 2004 و أوائل 2005 في ماليزيا ظهر عيب في المحرك و تم أصلاحه في الموديلات اللاحقة .......... و بعدين عملوا منها فاس ليفت في 2012 ....... شكله مش ظريف (ده رأيي )
و كان فيه في النص شوية تغييرات من أول 2009 و لغاية 2011 ....... تُعتبر أفضل تغييرات حصلت للعربية منذ نزولها .
عندك مثلا البولو .......... أول ما نزلت في أوروبا خدت سمعة سيئة بسبب جودة الدهان ....... العربية كانت بتصدي في فترة قصيرة بسبب الأمطار و الجو الرطب في أوروبا ......... و بعدين غيروا الدهان بعد ما العربية أخدت سمعة مش كويسة ...
و فيه عربيات تانية أول ما تنزل بتبقى نازلة ممتازة من الأول ........... و بعدين الجودة تقل ......... و العكس في عربيات تانية .
أنا شايف الموضوع مش عام .
الواحد يستي شويه لحد ما يشوف مزايها و عيوبها طبعا
الأخ panerai أحييك على الإسم لأن عندى ساعة panerai luminor