تسقيط موتور 2.4l mivec

**darshing** · 25-06-2012 03:08 AM

السلام عليكم
اولا طبعا مبروووووووك لكل المصريين وربنا يجعل فيه الخير
ثانيا من مده كده كان في زميل seifmando كان عايز يسقط موتور ونظرا لظروف انشغالي بالامتحانات وببعض الامور الان اتاخرت عليكم شويه لا الصراحه كتييير اعذروني معلش

انا عملت حادثه في اواخر شهر 2 كانت جمده حبتين الاضرار شملت جمب عفشه كامل وفتيس وشويه حجات كده زي كومبرسور بالقاعده وقواعد موتور ...
المهم من غير ماطول حسبت حسبه كده بالورقه والقلم وليت اني لو سقط موتور بعفشته وحاجته كامل افضلي وده الي تم سقط موتور 2.4l mivec بالعفشه بتعته بكل حاجته
ولو حد عندو اي استفسار يسالني وان شاء الله حجاوبه
ومعلش يا جماعه انا اليومين دول مشغول شويه ومش بدخل المنتدى كتير فبعتذر لو حصل مني اي تأخير بس ان شاء الله حقولكم على كل تفصيله انتم عيزنها
والسلام عليكم

**elshweakh** · 25-06-2012 06:25 AM

الف مبروك العربيه والرئيس
عايزين بس اسعار و ايه مميزاته وعيوبه وخد وقت قد ايه
اسف طولت عليك ف الطلبات

**darshing** · 28-06-2012 05:55 AM

سمحني على تاخيري في الرد
اولا احب اشكر المهندس طارق زويل الراجل ده يا جماعه مفيش كده محترم جدا وزوق جدا وخدوم جدا جدا
وكمان الاستاذ كريم منير انا رشيت العربيه في ورشه نايل موتورز الرشه كانت الصراحه ممتازه مشاء الله رشه فبريكه يعني
تعالى بقى نتكلم في تكلفه التسقيط
الحاجه (موتور وكل ما بداخل الحوض +العفشه كامله ورا وقدام طبعا +الجنوط الخمسه مسمار بالكوتش+التانك بالمبخر) اتكلفت 7000جنيه +حجاتي بس انا حجاتي كانت مدشمله (القدام بس)
+1000 جنيه ادفعها عند استلام ورق الموتور (عند فحص العربيه في المرور ححتاج ورق الموتور )
+1500 تركيب كل حاجه ميكانيكه + كهرباء
الوقت 4-5 ايام
المميزات /
طبعا الموضوع مختلف تماما عن 1600 خالص ده بالنسبه للموتور
العفشه ممتازه عموما العربيه اتغيرت والحمد لله مفيش بقى اي اصوات مزعجه او مقلقه والتكييف شغال زي الفل الحمد لله
العيوب /
طبعا في حجات كتير مصديه من الركنه وظروف الشحن في البحر بس الموضوع مش مؤثر اوي الحاجه البايظه من الصدي بيغيرهالك من غير اي كلام ,طيب فين العيب بقى العيب بقى انك بتكتشف اي عيب او اي مشكله مع المشي بس مش بتبقى مشكله يعني توقفك او بسببها تركن العربيه
بس مفيش عيوب تاني الحمد لله حتى الان
لو في اي استفسار تاني او اي حاجه مش وضحه انا تحت امركم

**zonfuly** · 30-06-2012 07:01 PM

سؤالي استهالاكي معاك عامل ايه اكيد بتسف بنزين لان انا معايا صاحبي مسقط في فورد مونديو مكنه 2000 انا شايف انها سفاحه بنزين

**prisoner** · 01-07-2012 02:27 PM

ماشاءالله لاقوة الا بالله الف مبروك ربنا يباركلك فيها ويكفيك شرها المهم بقي انت اشتريت الحاجة منين الاسعار كويسة جدا ماشاء الله واخبار البنزين واستهلاكه وقطع الغيار تحياتي

**darshing** · 20-07-2012 03:04 PM

اولا كل سنه وانتم طيبين ورمضان كريم
انا اسف جدا على التاخير معلش
قطع الغيار التيل والطنابير الامامي زي الشارك تمام الخلفي بس مختلف بتلاقيهم عند tps عادل وجدي بس دول مش بيتغيرو انتا عارف يعني, السيور موجوده كلها بتعمل 600جنيه فلتر البنزين مش لاقيه غير استيراد غير كده مفيش حاجه تاني قابلتني
البنزين 92 والاستهلاك انا بصراحه معرفش طريقه كام كيلو في الصفيحه بس انا اقدر اقولك ان التفويله بتاخد معايا من 4-5 ايام وانا تحركاتي كتيير

**prisoner** · 20-07-2012 03:10 PM

المشاركة الأصلية كتبت بواسطة darshing

اولا كل سنه وانتم طيبين ورمضان كريم
انا اسف جدا على التاخير معلش
قطع الغيار التيل والطنابير الامامي زي الشارك تمام الخلفي بس مختلف بتلاقيهم عند tps عادل وجدي بس دول مش بيتغيرو انتا عارف يعني, السيور موجوده كلها بتعمل 600جنيه فلتر البنزين مش لاقيه غير استيراد غير كده مفيش حاجه تاني قابلتني
البنزين 92 والاستهلاك انا بصراحه معرفش طريقه كام كيلو في الصفيحه بس انا اقدر اقولك ان التفويله بتاخد معايا من 4-5 ايام وانا تحركاتي كتيير

وانت طيب
الله اكرم مبروك علي التسقيط مرة ثانية وفعلا قطع غيارها كويسة جدا ماشاء الله. بس كنت عايز اعرف جايب الموتور منعند مين ءاريت لو فيه تليفونات يبقي كتر خيرك