مشكلة حصلت وانا ماشى ......
امبارح الساعه 6.5 المغرب طلعت المحور كنت رايح هايبر وان اشترى حاجات وقلت اجرب العربيه وكنت
لوحدى طلعت حرقت على التانى لحد 55 والتالت لحد 130 وفضلت ماشى على الرابع 160 شوية وبعدين
هديت علشان كنت بتكلم فى التليفون وبعدين جيه المطلع اللى فى اخر المحور اللى بينزلك بعد كدا على
زايد المهم انا كنت ماشى الخامس على 100 كيلو وخلصت تليفونى سقطت الرابع وكبست بنزين وانا على
المطلع والعربيه مش راضيه تزود وانا كابس بنزين وهى مش راضيه تزود المهم اول ماطلعت المطلع العربيه
فصلت كل حاجه وادى غيار على انها تدور وهى ماشيه ولا هنا المهم سيبتها ماشيه لحد مانزلت دخلت الحارة
بتاعت الميكروباصات والعربيه واقفه دورت اول مرتين مدارتش فى المرة التالته دارت مش عارف ده عيب ايه
ياريت تقولولى العيب علشان لو فى حاجه الحق اعملها لحسن انا مش ناقص اى حاجه فى الموتور بصراحه
........ وانا راجع محرقتش ومشيت عادى كانت ماشيه زى الفل