يا جماعة يا خبراء الصينى
انا عاوز اشترى عربية صينى من دول .... ترشحولى اية ؟
سبيرانزا 1600
شيرى ايه 11
شيرى ايه 15
بى واى دى اف 3
ايه رايكو ؟؟؟
عرض للطباعة
يا جماعة يا خبراء الصينى
انا عاوز اشترى عربية صينى من دول .... ترشحولى اية ؟
سبيرانزا 1600
شيرى ايه 11
شيرى ايه 15
بى واى دى اف 3
ايه رايكو ؟؟؟
كلهم عربيات جامدة جدا بس انا ارشحلك اسبيرانزا لانها منتشرة و قطع غيارها متوفرة و بعديها شيري a15 عربية ممتازة
اشمعني كل احتياراتك صيني
ما تنوع اختياراتك علي حسب المبلغ المتاح ليك!!!!!!!
لا ينصح بأى سيارة صينى.
السيارات الصينية هى أكبر عملية غش تجارى تحدث الأن فى مصر.
فى هذا السعر عندك اختيارات أخرى أفضل كثيرا من ناحية الأداء و الاعتمادية :
- فيات باليو, سيينا.
- شاهين 1600, و شاهين 1400.
- لادا 2110, 2107.
- هيونداى فيرنا و فيفا.
- شفروليه افيو.
- دايو لانوس.
حتى الهيونداى و الدايو أفضل كثيرا من الاسبرانزا و سائر السيارات الصينية مجهولة المصدر.
A15
عربية بقالها سنتين مع واحد صاحبي
و بيفحتها
موتور قوي و تكيف قوي عزل محترم كماليات جامدة و صاج تقيل
بجد تحفة
و هبقي اخلي صاحبي يشترك معانا في المنتدي و يحكيلك تجربته معاها
أشكر كل الأخوة اللى ردو عليا .....
بس انا بفكر بجد فى الـ F3 لعدة أسباب ..
أولاً ان موتوها ميتسوبيشى 1600 وبيقولوا كمان الجير بوكس ميتسوبيشى .. بس مش متأكد من المعلومة دى .
ثانياً ان شكلها تويوتا كرولا تماما ... حتى الصالون من جوه هوا صالون الكورولا ...
بس انا لسه فى مرحلة التفكير والدراسة والمقارنات ... لسه مختدش القرار النهائى .
وربنا يسهل ان شاء الله
بى واى دى f3 هيا احسن عربية فيهم طبعا انا ليا شهور بسال على العربية دى وماحدش اشتكى منها اولا هيا شبة تويوتا كرولا عشان هيا عفشة تويوتا كرولا باتفاق مبرم بين الشركتين شركة البطاريات وتويوتا المحرك بتاعها ميتسوبيشى وهيا مافيش فيها مشاكل تذكر وبعدين انها واخده 3 نجوم فى الاختبارات الاوربية والعربية ثباتها ممتاز جدا جدا وده بعد سؤال الناس اللى جابوا العربية وكمان المحرك ماتسمعلوش صوت ولما تقفل الزجاج اكنك معزول عن العالم الخارجى موديل gli فيها abs و2 airbag وسنترلوك وريموت ومريات كهرباء وزجاج كهرباء وواسعة من جوة وشكلها من برة حلو وتقفيلها رائع وسعرها اقل من امكانيتها بصراحة
الراجل بيسأل علي العربيات الصيني
هو مقتنع و بيدور في الصيني بس
الكلام واضح
f3 هى أحسن عربية صينى
السلام عليكم
أرشح لك الـ byd عن تجربتي الشخصية
لأني كنت في نفس حيرتك وبأقارن بين كل الصيني وغير الصيني كمان
وبعد ماشف تقارير كتير عن كل نوع وآراء الناس اللي إستخدموهم
وجد ال byd أفضلهم بجدارة فضلا عن إنها فئة الصيني الوحيدة اللي نزل منها أوتوماتيك مع موتور ميتسوبيشي
والفيتيس ياباني 100% من شركة jatco اللي بتصنع الفتيس الأوتوماتيك لكل السيارات الياباني
وهي مش معايا من مدة كبيرة بس الحمد لله حتي الان فوق الممتازة في كل شيء
عزيزى sv065 اعرف مدى صدقك واخلاصك وياليت السائل يسمع كلامك لانك تكتب عن خبرة ودراسة
لا ينصح بأى سيارة صينى.
السيارات الصينية هى أكبر عملية غش تجارى تحدث الأن فى مصر.
فى هذا السعر عندك اختيارات أخرى أفضل كثيرا من ناحية الأداء و الاعتمادية :
- فيات باليو, سيينا.
- شاهين 1600, و شاهين 1400.
- لادا 2110, 2107.
- هيونداى فيرنا و فيفا.
- شفروليه افيو.
- دايو لانوس.
حتى الهيونداى و الدايو أفضل كثيرا من الاسبرانزا و سائر السيارات الصينية مجهولة المصدر
انا مع نفس رأى الأستاذ فادى ابع عن الصينى مشاكلة كتير وشوف مشاراكات الأعضاء الى بيشتكو منها دى صفقة خسرانة وادخل شوف على اليوتيوب اختبارات السلامة بتاعتها و قارنها بأى عربية كورى وشوف الفرق
افضل الاسبيرانزا و الـ بى واى دى فقط
الـ F3 احسن من الاسبيرنزا بس توكيلها نايم
الاسبيرنزا منتشرة و توكيلها معروف طبعا
الByd F3 من المعتقد ان عمرها الافتراضى يكون اطول من الاسبيرنزا عشان موتورها و الفتيس ميتسوبيشى و شكلها اظرف شوية من الاسبيرنزا
و العربيتين قطع غيارهم منتشرة خارج التوكيل
يعنى لو عايز الترتيب بالأفضلية
1- Byd F3
2- Speranza A516
و كلهم عربيات عملية و زاى الفل :)
و متنساش الاستخارة
السلام عليكم
أولا أتمني أن توفق لأفضل سيارة أيا كان إختيارك
وبخصوص الفيتيس أحب أوضح لحضرتك إني راسلت الشركة المنتجة بالصين بخصوصه واكدو لي أن الفتيس الأوتوماتيك منها ياباني من إنتاج شركة jatco المعروفة والموديل المانيوال الفتيس صيني بتكنولوجيا ميتسوبيشي في الصين يعني ممتاز طبعا
مشكور
انا جربت سيارتين منهم هما byd - a15
byd هى الافضل غى الاطلاق فى كل الصينى
سيارة قوية وناعمة وافتصادية وتشعرك كما لو كنت تمتلك سيارة تويونا كورولا
a15 سيارة ممتازة فى الثبات على الطريق والموتور قوى والسحب ممتاز والصاج تقيل
بصفة عامة التقفيل الصينى افضل
انا برضة كان عندى نفس التفكير و قررت اشترى بى واى دى
بس استنى لغاية ما الشركة تنزل التجميع المصرى علشان حتكون ارخص و دة فى نص اغسطس حسب اخر تصريح ليهم
عليك بالاسبرانزاسياره قويه وجميله وقطع غيارها متوفره
أنا عربيتي الـ byd مشيت بيها علي 160 وكانت زي الفل ومنتهي الثبات