سؤال : وارجو الاجابة بخصوص مؤشر الحرارة

**sikonsadek** · 25-06-2012 12:52 PM

يا جماعة افيدونى لانى قلقان امبارح وانا ماشى داخل البلد لقيت ان المؤشر وصل للنقطة البيضة اللى فوق ورجع تانى جريت على التوكيل(نيو كار الموجود بالاسماعيلية) وقولتلو اللى حصل معايا المهندس قعد يجرب وقالى كل شىء عادى بس انا مش مطمن لموضوع وصول المؤشر للنقطة اللى فوق لان ناس كتير من زاميلى معاهم فيرنا قالولى كدة مش عادى
انا بتمنى من الناس اصحاب الخبرة فى الفيرنا يوضحوا لينا موضوع عداد الحرارة والمؤشر اقصى وضعى طبيعى ممكن يوصل لية المؤشر علشان نقدر نطمن لان بصراحة انا شايف الموضوع مقلق وخصوصا ان الحر الشديد جاى

على فكرة العربية 2012 لسة جايبها وعملت صيانة 1000 من 15 يوم

**koshary** · 25-06-2012 01:45 PM

ممكن يكون المروحة علقت واشتغلت تانى وبردت العربيه اهم حاجه الفترة الجايه خد بالك من المؤشر برضو وتابع معاهم فى الصيانة لو ظهرت حاجه تانى

**sikonsadek** · 25-06-2012 01:53 PM

طب هو المؤشر اخرة فين لانى عندى قريب قوى للنقطة اللى فوق وبيوصلها ويرجع تانى مكانة

**maxxmaxx** · 25-06-2012 02:56 PM

المشاركة الأصلية كتبت بواسطة sikonsadek

طب هو المؤشر اخرة فين لانى عندى قريب قوى للنقطة اللى فوق وبيوصلها ويرجع تانى مكانة

انا معايا بردو فيرنا 2012 المؤشر فعلا بيبقي قريب من النقطة البيضا اللى فوق بس مش باخد بالى اذا كان بيوصلها ولا لا بس على العموم اعتقد انه طبيعي طالما معدهاش