عرض للطباعة
كنت عاوز أسافر من مدينة حلوان الى محافظة الشرقية ( مدينة الزقازيق )
ومش حافظ الطريق أوي وخصوصاً أن دي أول مرة ليا أسافر بالعربية ومعايا الاولاد
هل الاحسن أخد الدايري مدينة السلام وبعدين طريق بلبيس
ولا أمش كورنيش النيل حتي شبرا وأدخل مصر اسكندرية الزراعي
وياريت لو حد يعرف الطريق كويس يوصفلي أمش أزاي وأيهما أفضل الزراعي ولا الصحراوي
أدعولي ياجماعة دي أول مرة ليا سفر بالعربية بعد ماتعلمت السواقة وربنا يسترها
بالمناسبة أنا بسوق من شهر بس عاوز نصايحكو
وشكراً مقدما على الردود :inlove:
انا بسافر بنها كثير .. من حلوان . افضل طريق هو كورنيش ثم دائري المنيب ثم محور المريوطية ثم نزلة الزراعي ومنه الى بنها .
الطريق الموصوف يزيد عن طريق ( الكورنيش الى شبرا ثم الزراعي ) حوالي 10 كيلو . ولكن في الظروف الطبيعية لن تضع قدمك على الفرامل تقريبا .
دائري السلام بقى لو هتنزل زراعي هتبقى لفه طويلة ولا ليها لازمة .
حضرتك تقريبا اول مرة تسافر ولسة متعلم السواقة جديد ومعاك اسرتك
الأول هنقارن بين الزراعي والصحراوي
وبعدها هنقولك تمشي ازاي سواء زراعي او صحراوي
وفي الأخر حضرتك تقرر
الزراعي
مليان عربيات نقل وميكروباصات وبيجو وتوكتوك وموتوسيكلات ومطبات وعيال وناس بتعدي ويمكن كمان حيوانات اعزكم الله
الصحراوي
سرعات عالية مفتوح بتمر بكام بلد (بلبيس - كام بلد قبل الزقازيق) احتمال تقابل عربيات نقل واتوبيسات شركات وميكروباصات
الصحراوي نوعاً ما احسن في القيادة وهيشيل منك رهبة السواقة بس اهم حاجة تخلي بالك من الملفات واليوترن ولو في نقرة وخدت بالك منها وتفاديتها كان بها شوفتها ومالحقتش تفاديها كلها بالعربية لكن اوعي ترمي فجأة او تنحرف فجأة.
الزراعي
حضرتك هتنزل من حلوان للمعادي وتاخد محور المنيب - الهرم وتسلك وصلة المريوطية وهتلاقي يافتة كبيرة مكتوب عليها الزراعي وهتبقي واضحة اوي
بمعني تاني
اطلع محور المنيب - اتجاه الهرم وخليك ماسك شمالك ماتسيبوش ابداً
الصحراوي
هتنزل من حلوان للمعادي وتاخد محور المنيب - الهرم وتسلك وصلة المريوطية بس المرادي هتكمل لحد الأخر خالص وتنزل نفق السلام وترجع مع اول يوترن وتدخل من عند استاد السلام وتاخد طريق بلبيس - الشرقية
عايز وصف تفصيلي للطريق ولا خلاص كدة عرفت ؟؟؟؟
ربنا يستر طريقك وتوصل بألف سلامة
والله المستعان
،
،
اقتباس:
المشاركة الأصلية كتبت بواسطة alsad
أشكرك على الرد بس مش عرف لية الطريق اللي بتقول علية
منا ممكن أمشي كورنيش على طول لحد شبرا وأدخل من هناك الطريق الزراعي
مع العلم أني مسافر يوم الجمعة فى الصباح الباكر
بص يا باشا خد دائرى و عند طريق اسماعيليه الصحراوى ما تنزلش نفق السلام و تنزل يمين فى اتجاه اسماعيليه و هتمشى شويه لحد ما تعدى من على شمالك قيادة مرور الطريق (الكيلو 21) تلف يوترن و ترجع من جنبه يمين كده اول بلبيس الصحراوى هتمشى على طول هتوصل بلبيس و بعديه الزقازيق ... فى رأيي ده اسهل من الزراعى بمراحل بس انا مش بمشى عليه كتير مؤخرا
اقتباس:
المشاركة الأصلية كتبت بواسطة syd
أشكرك أخي الكريم على سرعة ررد حضرتك
أنا فعلاً ميال للطريق الصحراوي بس أنا خايف لاقدر الله العربية تعطل أو حاجة زي كدة بيتهيلئي لو فى الزراعي الموقف يبقي أحسن
وكمان أنا الطريق الزراعي أو الصحراوي الـ 2 مش حافظهم كويس مع أني سافرت كتير بس دايماً راكب مواصلات أو مع سواق بيبقي عارف الطريق
يعني الصحراوي بالنسبالي شايف أنه أفضل بس مشكلتي هيا لما لأقرب على مدينة السلام وموقف العاشر
أكيد هسأل أكترمن مرة
ملحوظة كمان انا أنشاء الله هتعمد أسافر الجمعة فى الصباح الباكر مع أول ضوء علشان الزحمة
هل كدة الوقت مناسب مع العلم سالت واحد سواق تاكسي بيسافر على طول من حلوان للشرقية قالي الزراعي أفضلك
وأشكرك مرة تانية ويهمني رأي حضرتك ولا أي نصايح يبقي كتر خيرك
وياريت وصف تفصيليي للصحراوي لاني كنت هامش حلوان الاتوتسراد الدائري فى أتجاة كارفور والقاهرة الجديدة وأكمل لحد مدينة السلام كدة أحسن ولا اية رأى حضرتك
اقتباس:
المشاركة الأصلية كتبت بواسطة SYD
أنا بقى أنصحك بالزراعي بس د متوقف على ميعاد سفرك..يعني لو حتسافر 11 الصبح..
بس لو حتسافر بعد 1 أو إتنين لا ينصح بالزراعي.
تاخد الأوتوستراد..لحد طلعة الدائري في إتجاه السويس..
تفضل ماشي على طول..مرورا بنفق السلام و طريق الإسماعيليه..
لحد نزلة الزراعي..
بس كده
لو مش واثق من عربيتك بلاش تمشي صحراوي
عشان هتمشي حوالي 20 كم بدون اي خدمات نهائياً ومفيش اي حاجة غير صحرا يمين وشمال
من الكارتة للكارتة مفيش اي حاجة غير الصحرا
الزراعي بيبقي نوعاً ما فاضي شوية الصبح بس انت يوم جمعة يعني بردو هيبقي زحمة شوية
خليك زراعي طالما قلقان من عربيتك
بس حاول قدر المستطاع تكون في اليمين وتنتبه للمطبات الكتير
وربك المستعان
،
،