الموضوع: تعمل أيه لو الواد الي جمبك مش راضي يغششك ؟ (مشكلة + حل ) للطلبة ؟

المشاركة الأصلية كتبت بواسطة bha2

لا يا هندزه
الكتاب ب 25 مش بعشره
انا بقول اي ورقه عاوز تخلصها
اثبات قيد
عاوز تعمل بطاقه
اي حاجه تروحح تقف طابور طويل عريض
وتدفع الخماشر جنيه زي الباشا
اولاً ليه عشان اعمل ورقه جوا الجامعه يطلبوا مني اثبات قيد من الجامعه
دا حاجه زي مثلاً انت عاوز تشيل فلوس من جيبك اليمين وتحطها ف جيبك الشمال
فتطلب من جيبك اليمين فوائد و دمغات وورقه بوسطه و امضاء اتنين
موظفين ع المعاش من 37 سنه و 24 يوم و 3 ساعات و دقتين
عشان جيبك الشمال يرضي يشيل الفلوس بتاعتك
والله انا ما عندي مشاكل يزودوا المصاريف و حق الكتب
بس من حقي ك انسان اني الاقي مكان نضيف اتعلم في ومروحش ادور ع مراكز بره الجامعه عشان افهم الماده "مبعرفش احفظ"
دا مدرج ميشلش 1000 واحد بيحضر فيه حوالي 4500 طالب
دورلك بقي ع شويه اكسجين "وهتلاقي حد بيتخانق معاك عليهم"
ولا الدكتور داخل قرفان من نفسه و قرفان من الطلبه وكأن مراته منكده عليه الصبح
الاغرب ان حضرتك تبقي ماشي ف الشارع مع التلوث و عادي مش مشكله شوارع مصر كلها كده
بس بمجرد ما تدخل الجامعه تبدأ تكح تكح لحد ما خلاص هبقي هكاكي ولا توفيق عكاشه ف زمانه :d
حاجه مدمره للصحه بشكل غريب :d

يا يابهاء كلماتك هزتني والله
فعلاً من حقك ومن حق كل طالب مصري ينعم بجو نظيف يقدر يدرس فيه ... يعني ايه مكان فيه 4500 طالب
ده من سابع المستحيلات كلهم يفهمو ده جيش ياترى الدكتور هيشرح لمين ولمين ولا هيفهم مين ولا مين ... وياسلام لو كانت بت حلوة واقفه ولا قاعده في مدرج من المدرجات هتشتت تفكير نص الدفعة ... وياسلام بقه لو لبسة طقم أحمر ولا تركواز شوف أنظار الشباب وفكرهم هيبقى فين ومش هيفهموا اي كلمة من الي بيقولها الدكتور ... ده غير النفـس ... ده احنا على مستوى عمال مكتب العمل بيطالبنا بتوفير الهوية المناسبة والاضائة المناسبة والظروف المناسبة للعمل ودول عمال فما بالك لو طالب بيتعلم ... ده في السعودية الطالب بياخود 1500 ريال شهرياً طول ماهو في الجامعة مكافئة من الدولة
وسمعت ان الطلبة معترضة وبيطالبوا الملك بتزويد المنحه
ده حق على الدولة من موارد الدولة ومن الضرايب الي بيلهفوها مننا اننا نتعلم ببلاش ويعدونا ككوادر للبلد
مش منيه منهم ... يا اما ميخدوش مننا فلوس ويسبونا نتعلم بفلوسنا ... قلبي معاك يابهاء .

ّّّّّّّّّ
وتحياتي

المشاركة الأصلية كتبت بواسطة elawany13

من صغرى من وأنا فى ابتدائى وأنا بكره الغش

اتربيت على كده
ومهما حصل فى اللجنة مليش دعوة بحد
لا بغش ولا بغشش

فى سنة رابعة كلية تربية قسم الرياضيات
الإمتحانات كانت بتحتاج وقت طويل جدا
الـ 3 ساعات بتوع الإمتحان كانوا عاملين زى سباق سريع
ياتلحق يا متلحقش
أثناء الإمتحان فى واحد زميلى قعد يلح عليا انى اغششه
كل شوية ينادى
عوانى
عوانى
عواااااااااااااانى
وانا مش معبرة ومش فاضيلة ومنهمك فى ورقتى
قعد يلح تانى
عوانى
عوانى
عواااااااااااااانى
زهقت من كتر إلحاحه وتركيزى قل فى الإجابة
روحت شاخط فيه
اتكتم يابنى وبطل تهريج انا مش فاضيلك
وكان فيه دكتور محترم بيمر بظروفها
مش الولد ونفخه وأخد ورقة اجابته وطرده من اللجنة
وده كان امتحان السنة النهائية
وطبعا صاحبنا دخل دور تانى ونجح الحمد لله
بس فى الشهادة مكتوب دور تانى
ومش ناسيهالى طبعاً

طبعا القصة ديه لما كنت طالب
فما بالكم لما بقيت مدرس
تفتكروا هعمل ايه فى العيال اللى بتغش !!!!
ههههههههههههههه

هههههههههههههه
واللهِ دحكتني يابوحميد
أيوه قلنا هتعمل ايه في الطلبة بعد مابقيت مدرسة
انا مره وحده رقبت على الطلبة ... أيام مكنت لسه مشتغلتش
بناخود زي مكافئات كده ... وخليت اللجنه مش بس سايبة لا خليتها شووووربة ههههههه ده انا رجعت الاجابات
وبقيت اقولهم يخرب بيوتكم غيروا شوية في الكلمات مش تيبكل
أيه مكنت تصوير ... وقعدت أقولهم غشووو بس من غير صوت بهدووووووووء ... بس عيال ولاد التيت مفيش فايدة
مع اني قلتلهم همنع الغش واللهِ هههههههههههه

المشاركة الأصلية كتبت بواسطة dede_dodo88

هو أنا معرفش الصراحة كنت هعمل أيه لو اللي جنبي مرضيش ينقلي المعلومات.
لأني كنت ببقى أنا دايماً الواد التاني ده.. Lol

لووووووول ...ليه بس يا ديدي باشا ... ده الحياة دايماً خود وهات النهرده انتا عارف معلومة وزميلك مش عارف بكره هو عارف وانتا مش عارف الايام دول ... طب عارف اول واحد ساعدني ولاقالي شغل ... كانت كل ما اروح أشتغل يقولولي هنتصل بيك وادي وش الضيف محدش يشغلني ... ومكنتش بيأس لغايت ما مره قابلت شب كده حاسس اني شفتوا وبعد ما قدمتلو السي في بتاعي وقالي أده أنتا كنت بتدرس في المكان الفلاني قلتلوا ايوه قالي وانا كمان أكتشفت أنو كان زميلي وكان قاعد قدامي في نفس اللجنة ولولا الله ثم البرشامة الي أديتهالوا مكنش نجح ... ونقلتوا كمان سؤال صح وغلط ... وأملء الفرغات ... ومفيش كام يوم ولقيتوا بيتصل بيا وبيقولي تعاله أستلم الوظيفة وهات معاك صورتين وشهادت الميلاد علشان نعملك التأمينات الاجتماعية ومش عاوز أقولك كانت بدايتي في طريق النجاح ... وسلمي الوظيفي وكل ده من أجل برشامة . ههههههههههههه .

المشاركة الأصلية كتبت بواسطة bloody_stone

انا طول عمري مش بذاكر و مقضيها غش في الامتحانات
و ورقتي هي ورقة اللجنة كلها اللي يجيلي يروح لكله والله اشمعنى انا ؟

ههههههههههه حبيبي يا بلدي ما أنتا تويوتاوي زيي ... مش مهم ياباشا المهم أنك تنجح ... وتتخرج وتقدر تشق طريقك ... أشمعنا أنا ... فكرتني بأبن عمتي بتاع البي أم الفئة السابعه الي حكيتلوكو عنوا ... ده ياسيدي كان في معهد تعبان في الهرم بتاع الدرسات النوعية مش عارف أيه والتطبيقية ... معهد تعبان كده ... كل سنة يسقط وكان بياخود السنة بسنتين ومكنش عاوز يغش ويقولي حرام لغايت معلمتو كيف يصنع برشامة ويلخص المعلومات وفعلاً بعد 10سنين في الجامعة شل فيهم ولدو ... أتخرج من الجامعة أخيراً وربنا كرموا في السعودية وبيتشغل في كبرى الشركات هناك مهندس شبكات . ياه لو كان سمع كلامي في الاول ... كان زمانوا متخرج من زمان ... وكنت بقولوا ماهو كلهم بيغشوا أشمعنا أنتا ، هههههههه عاملي فيها شريف وبتسقط ... وخليلت في الجامعة ... أخيراً بعد ماسمع كلامي أتخرج أهو ... طب مكان من الاول ... وكانوا ولاد اللذينة ... حطينلك تقريبا 12 مادة في الترم حاجة زي كده وبين امتحان المادة والمادة يوم مش فاكر بالضبط ... يعني من الاخر ساقط ساقط ... الا أذا كنت شوماخر ولا نيوتن السابع عشـر علشان تقدر تذاكر وتحفظ 12 مادة ...
وتحياتي ليك يا بلدي يا حبيبي ومنور القسم الاجتماعي .

المشاركة الأصلية كتبت بواسطة dede_dodo88

هو في الحقيقة تقدر تقول أني كنت ندل أوي في الموضوع ده, و كان في مرات كنت بعمل مشاكل فيها و أروح أشتكي لما أشوف حالة غش في اللجنة.
و في مرات تانية كنت بغشش أجابات غلط lol
بس بعيداً عن الهزار, عمر ما كان الموضوع معايا خد و هات على قد ما هو مسألة مبدأ إني مقدرش أضيع مجهودي و تعبي و أديه لحد تاني بكل بساطة كده..
صعب أن في الأخر يتساوى أتنين واحد تعب جداً و التاني مقديها لعب أملاً انه يلاقي حد ينجحه في الأخر..
و أنا في أعتقادي أن اللي بيغش النهاردة في أمتحان بكره يغش في شغله و يغش في بيته و يبقى الموضوع بالنسباله شيء عادي بيعمله بتلقائية من غير ما يحس انه كده بيغلط..
هو الموضوع في الأخر أمانة.. مقدرش أخون أمانة ربنا مديهاني و أروح أديها لحد تاني.. زي ما مقدرش مكنش أمين مع نفسي و أحط في ورقتي كلمة أنا متعبتش فيها, أنا أفضل أسيبها فاضية و أنا متأكد أن ربنا هيعوضهالي في حاجة تانية..

انا بصراحة بعد كلام الحلو ده
معرفش اقول ايه بس بصراحة افحمتني واقنعتني
لان فعلاً في شباب عاوزة الحرق مقضياه. لعب وجيه تاني يوم الامتحان حتى ممعهوش قلم
ههههههههههه
ومعتمد انو يستلف قلم من زميلو الي على اليمين
ويستلف اجابة من زميلو الي على الشمال
ههههههه طيب مايستلف اسمو بالمرة. ومقضيها سلفيات وعايش علوله
بس برضوا ميمنعش ان في شباب مساكين وغلابة
والظروف جارت عليهم. او مخهم فيه ايرور ومحتاج فورمات وتنزيل ويندوز جديد
كل مايستب عليه معلومة تلقيها اتمسحت وهنجت
طب ده يعمل ايه. ههههههههه
وتحياتي ليك يا غالي

والله انا شايف ان الغش او مسموش الغش استعاره ياسيدي بس طويلة المدي

ان الغش في الايام اللي احنا فيها دي مقبول يعني مثلا لو حد كان مكاني في امتحان الميكانيكا بتاع يوم 25\6
كان هيقول ان الغش حلال

بس المشكله بقي مش في الغش والبرشام
المشكله ان الامتحانات بتيجي عباره عن استعراض عضلات للي حاطط الامتحان
والطالب ماهي وظيفته الا انه عمال ياخد بالافه طول مهو في الامتحان من الاسئله اللي بشوفها

ودلوقتي اصلا حتي لو طلعت برشام او ملخص او حجاب حتي
انت اصلا مابتبقاش عارف السوال عايز منك ايه علشان اطلعه من البرشام