الموضوع: محمد عبدة اخد ورشة جديدة

طب ياباشا دلوقتي انا بإذن الله هاروحله عشان يبصلي على الرشاشات والبوجيهات والعربية بصفة عامة عشان موضوع استهلاك البنزين ده .... وباحاول اتصل بيه على الموبيل عشان اربط معاه واعرف هوة موجود امتى بس مش بيرد ياترى هل هوة موجود بكرة الجمعة ومن بدري ولا برده متأخر

وليه سؤال تاني برضه انا سألت على رشاشات البي ام في الحرفيين لاقيت ناس بتقوللى الأربعة = 160 وناس تانية = 150 وهكذا حسب كل واحد بس في واحد قاللي ان انا لازم آخدهم واقيسهم عند واحد تاني عشان يشوف ضغطهم ومقاسهم مظبوط ولا لأ والرشاش الواحد بيتقاس بعشرين جنيه غير تمنه

بس واحد تاني قاللى الكلام ده هجس لأن انت كده ممكن تبوظ الرشاش لو سليم وعموما الرشاشات اللى عندي كلها بتيجي جوة مواتيرها مش ملعوب فيها وزي الفل والرشاش ياإما شغال ياإما مسدود مافيش حاجة اسمها واسع وضيق ومقاس والكلام ده وبصراحة انا حسيت من كلام الرجل ده انه مش بيشتغلني وبرضه المحل بتاعه كان انضف محل قابلته والبضاعه اللى جواه مش متهانه ... بس برضه انا لازم آخد رأيك في الموضوع لأني مابفهمش حاجة في الرشاشات وإزاى اجيب الرشاشات وتكون كويسة

وبرضه أحسن اني اجيب الرشاشات قبل ماروح هيه والبوجيهات ولا أخليه يبص على العربية الأول وعلى ضوء ما يتكشف أجيب الحاجة

معلش انا مطول عليك انا عارف

يعني مافيش حاجة اسمها الرشاش واسع او ضيق
هوة فعلا يا شغال يا مسدود زي ما الراجل التاني قاللى

:):):):):):):):):):):):):):):):):):):):):):):):)


على فكرة انا كلمته دلوقتي وقاللى انه موجود بكرة من بعد الصلاة بإذن الله
وان شاء الله أروحله بكرة

وجزاك الله خيرا

الحمد لله انا روحت انهارده ... "الجمعة طبعا" ... الحمد لله ... لمحمد عبده وبعيد عن الفنيات هوة بصراحة ماشاء الله راجل قمة في الذوق والأخلاء من الناس اللى تحب تعرفهم ربنا يباركله

نيجي للفنيات ... هوة طبعا أول حاجة عملهالي نضف كل فلاتر الهواء والتكييف وبوابة الآيديال كونترولر وبص على البوجيهات ولاقاها تلاتة شمعة وقاللى انها مش حلوة وهات الأصلية بتاعتها احسن وغيرنا المياه وكانت ميه عادية من الحنفية وكلها صدى ونضفنا دورة التبريد ده غير ان قواعد الفتيس بايظة وعايزة تتغير

في حاجة كمان هوة قاللى ان الأحسن اننا نشيل علبة البيئة "بناء على طلبي رأيه فيها" اللى في الشكمان لأنها هاتوفر معايا في البنزين والسحب وان هوة اللى هايشلها بنفسه

بالنسبة لمعدل استهلاك البنزين ... قاللى روح لمحمد السيد يعمل سكان على العربية ويقوللك معدل تدفق البنزين من الرشاشات قد ايه ويكشف على باقي الحساسات .. المهم روحت لمحمد السيد وقاللى ان الرشاشات معدلها 1.8 وده المعدل المظبوط اللى كان قايللى عليه محمد عبده .. الحاجة التانية ان حساس الشكمان مش بايظ بس بيقرا القيمة بتاعته من 300 - 600 وان هية المفروض تبقى من 700 - 900 بس قاللى اتأكد الأول من محمد عبده عن القيمة المفترضه الصحيحة .. الحاجة التالتة : ان الأيديال كونترولر بيعلق شوية يعني ال rpm مش بينزل بسرعة بيقد يلعب شوية صغيرين كده قبل ما ينزل للمعدل الطبيعي وبصراحة العيب ده انا بعد ما شوفته بعيني عند محمد السيد ما شفتوش بعدها تاني بعد ما مشيت طول الطريق غير مرة واحدة بس وكنت شوفته قبل كده أصلا بس مش كتير وما فهمتش معناه طبعا الا دلوقتي

وان شاء الله هاروحله - محمد عبده - تاني بقى نغير البوجيهات ونشيل علبة البيئة وأسأله عن موضوع حساس الشكمان ... بس ليه سؤال ليك دلوقتي الرشاشات سليمة ومعدل تدفقها مظبوط حسب الكلام اللى قالوه محمد و محمد يا أخ محمد :):):) طبعا انا عارف انك مركب الرشاشات بتاعة البي إم فهل الأحسن اني أجيبها برضه وأركبها وتبقى مع البوجيهات الجديدة ولا أفضل كده ببتوع الدايوا اللى راكبين ... وهل في فرق كبير حسيت انت بيه لما ركبت بتوع البي إم في الأداء واستهلاك البنزين ولا انا مش هاخد بالي من الفرق طالما الرشاشات بتاعتي سليمة أصلا

بس كده ده ملخص اليوم مع شوية مشاوير جانبية في النص

يظهر اني كل مرة بطول في الكلام انا مش عارف بجيب الكلام ده كله منين

وجزاك الله خيراً