الموضوع: محمد عبدة اخد ورشة جديدة

المشاركة الأصلية كتبت بواسطة NYSMA

الحمد لله انا روحت انهارده ... "الجمعة طبعا" ... الحمد لله ... لمحمد عبده وبعيد عن الفنيات هوة بصراحة ماشاء الله راجل قمة في الذوق والأخلاء من الناس اللى تحب تعرفهم ربنا يباركله

نيجي للفنيات ... هوة طبعا أول حاجة عملهالي نضف كل فلاتر الهواء والتكييف وبوابة الآيديال كونترولر وبص على البوجيهات ولاقاها تلاتة شمعة وقاللى انها مش حلوة وهات الأصلية بتاعتها احسن وغيرنا المياه وكانت ميه عادية من الحنفية وكلها صدى ونضفنا دورة التبريد ده غير ان قواعد الفتيس بايظة وعايزة تتغير

في حاجة كمان هوة قاللى ان الأحسن اننا نشيل علبة البيئة "بناء على طلبي رأيه فيها" اللى في الشكمان لأنها هاتوفر معايا في البنزين والسحب وان هوة اللى هايشلها بنفسه

بالنسبة لمعدل استهلاك البنزين ... قاللى روح لمحمد السيد يعمل سكان على العربية ويقوللك معدل تدفق البنزين من الرشاشات قد ايه ويكشف على باقي الحساسات .. المهم روحت لمحمد السيد وقاللى ان الرشاشات معدلها 1.8 وده المعدل المظبوط اللى كان قايللى عليه محمد عبده .. الحاجة التانية ان حساس الشكمان مش بايظ بس بيقرا القيمة بتاعته من 300 - 600 وان هية المفروض تبقى من 700 - 900 بس قاللى اتأكد الأول من محمد عبده عن القيمة المفترضه الصحيحة .. الحاجة التالتة : ان الأيديال كونترولر بيعلق شوية يعني ال rpm مش بينزل بسرعة بيقد يلعب شوية صغيرين كده قبل ما ينزل للمعدل الطبيعي وبصراحة العيب ده انا بعد ما شوفته بعيني عند محمد السيد ما شفتوش بعدها تاني بعد ما مشيت طول الطريق غير مرة واحدة بس وكنت شوفته قبل كده أصلا بس مش كتير وما فهمتش معناه طبعا الا دلوقتي

وان شاء الله هاروحله - محمد عبده - تاني بقى نغير البوجيهات ونشيل علبة البيئة وأسأله عن موضوع حساس الشكمان ... بس ليه سؤال ليك دلوقتي الرشاشات سليمة ومعدل تدفقها مظبوط حسب الكلام اللى قالوه محمد و محمد يا أخ محمد :):):) طبعا انا عارف انك مركب الرشاشات بتاعة البي إم فهل الأحسن اني أجيبها برضه وأركبها وتبقى مع البوجيهات الجديدة ولا أفضل كده ببتوع الدايوا اللى راكبين ... وهل في فرق كبير حسيت انت بيه لما ركبت بتوع البي إم في الأداء واستهلاك البنزين ولا انا مش هاخد بالي من الفرق طالما الرشاشات بتاعتي سليمة أصلا

بس كده ده ملخص اليوم مع شوية مشاوير جانبية في النص

يظهر اني كل مرة بطول في الكلام انا مش عارف بجيب الكلام ده كله منين

وجزاك الله خيراً

طالما رشاشاتك كويسة يبقى مفيش داعى تغير من باب المصاريف فقط... فيه ناس مشيت كتير اوى بالرشاشات الاصلية و محصلش عندها مشكلة و بالتالى مفيش داعى للتغيير دلوقتى... انا شخصيا غيرت اول طقم بعد 60 الف و التانى عاش 40 الف فقط و مات و من بعدها جبت رشاشات ال BMW و بقالهم 25 الف

بالنسبالى كان فيه فرق فى السحب و الاداء و الاستهلاك برشاشات الBMW لان رشاشاتى كانت ميتة و كل رشاش بيسرب كمية بنزين و هو مقفول غير التانى و بالتالى الخليط اللى فى كل اسطوانة غير التانية و دة بيبوظ الاداء و كل ما ابطل الرشاشات تسرب كل البنزين اللى فى الدورة الى البساتم فا تبقى العربية اكنها شرقانة و تدور بالعافية و دة بيزود الاستهلاك

لو معندكش الاعراض دى يبقى شراء رشاشات دلوقتى هو مضيعة للفلوس فى رائى الشخصى

MMamdouh