صورة توضيحية لورشة محمد عبده
النهاردة رحت أعرف ورشة محمد عبده و حاولت أعمل نفسى شاطر و أروحلوه من الدائرى و اخد نزلة صفط اللبن !! طبعا إتبهدلت من الطريق فعلا لا يوصف المهم قدرت أوصله بعد ساعة و نصف تدوير و إتضح إنك تروحله من فيصل أحسن و تدخل شارع العشرينى حيقطعك 3 شوارع رئيسية الأول المساكن ثم الملكة ثم ترعة عبد العال 2 و هو فيها تقريبا. أنا إستخدمت خريطة جول إرث اللى عملها المهندس محمد ممدوح بس ماكنتش واضحة قوى بالنسبالى ففضلت ارفع ليكم الصورة دى للتوضيح اكتر علشان محدش يتبهدل زى اللى حصلى النهاردة.
ملحوظة: فى شارع العشرينى نفسه فى محل إكسسوار و كاوتش إسمه البطل هو عارف مكان عبده بالضبط و حتلاقيه بعد ما تعدى بشوية تقاطع شارع الملكة (حتعرفه من محل التوحيد و النور على الناصية) فى إتجاهك على اليمين . صعب إنك تفوته.
إضغط على الصورة للتكبير
http://img404.imageshack.us/img404/9704/37924971.jpg