الموضوع: عايز اسكوتر ومحتار بين حاجتين

المشاركة الأصلية كتبت بواسطة refaat78

شكرا يا باشا على الاجابه الشافيه بس ممكن اسألك لو تعرف حاجه عن ال dlux 250 لأنى عايز واجه جامده شويه...وانا شايف ان الcfmoto تقفيله انضف وخاماته برضه بس بالنسبه للاداء هل الفرق كبير؟؟
لأن الفرق فى السعر مش قليل

الصراحة انا مجربتش ال D-LUX 250cc بس فرق السحب مش هتلاقية مختلف عن ال CF MOTO بس ال CF MOTO خامات انضف و عداد ديجيتال عشان كده فرق الفلوس.

المشاركة الأصلية كتبت بواسطة hugan

بس الاسعار دي غاليه قوي
20000 و 18000
يعني سعر عربيه 28 ولا 31
حرام
اللي اعرفه ان الحاجات دي الواجب تكون رخيصه ومدعمه كمان
لو انتشرت ها تحل جزء كبير من ازمه المواصلات والمرور والانتظار
انما هنا في مصر عاملينها رفاهيه ونزاهه

فعلا الاسعار عالية بس في اقل من كدة بتبدا من 6300 جنية, طبعا المفروض طبعا الحاجات دي تدعم توفيرا للمواصلات و المرور و البنزين بس الاول لازم توعية لسواقين العربيات ان احنا لينا حق نمشي معاهم حضرتك اركب سكوتر و امشي في الشارع هتلاقي سواقين تاكسيات و ميكروباصات يزنق و ولا همه اي حاجة.

المشاركة الأصلية كتبت بواسطة all4wb

أولا شكرا جدا أستاذ محسن على مشاركتك الايجابية..
ثانيا هل العرض اللي استاذ شريف عامله ليه لينك أو موضوع هنا في المنتدى أقدر أدخل عليه؟ ولا العرض ده عرفت عنه بعيدا عن المنتدى؟وكان من امتي تحديدا؟ وهل مازال العرض قائم ولا لاء؟وهل العرض ده لاعضاء المنتدى ولا لأي عميل عادي خارج المنتدى؟

العرض كان في الجروب عندنا و كان قايلة في التلفزيون في برنامج دوس بنزين, لما اروح البيت هجيب اللينك عشان معنديش Face Book في الشغل للأسف.